ۆەلوسيپەد ماۋسىمىنىڭ باستالۋىنا وراي نۇر-سۇلتان قالاسىنىڭ مادەنيەت جانە سپورت باسقارماسى جول ەرەجەلەرىن ءتۇسىندىرۋ بويىنشا بريفينگ وتكىزدى.
«14 جاستان اسقان ۆەلوسيپەدشىلەردىڭ قوزعالىسى ارنايى ۆەلوسيپەد جولىمەن, سەرۋەن جولىمەن نەمەسە ارنايى باعاندى جولاقپەن جۇزەگە اسىرىلۋى كەرەك. جاياۋ جۇرگىنشىلەر جولدارىنداعى قوزعالىس ارنايى جولاقتار بولماعان جاعدايدا نەمەسە ولاردىڭ بويىمەن ءجۇرۋ مۇمكىن بولماعان جاعدايدا, سونداي-اق, جولدىڭ وڭ جاق شەتىندە نەمەسە جول شەتىندە ءجۇرۋ مۇمكىن بولماعان جاعدايدا رۇقسات ەتىلەدى. جاياۋ جۇرگىنشىلەر وتكەلىندە ۆەلوسيپەدشى كولىگىن جەتەكتەپ الىپ ءوتۋى ءتيىس», - دەدى پد اكىمشىلىك پوليتسيا باسقارماسىنىڭ باسشىسى باقىت قۇرمانعاليەۆ.
«ەلوردادا ۆەلوسيپەدشىلەر سانى جىلدان-جىلعا ارتىپ كەلەدى. مەن بارلىق اۆتوكولىك يەلەرىن ءبىر-ءبىرىن جانە ۆەلوسيپەدشىنى قۇرمەتتەۋگە, جول قوزعالىسى ەرەجەلەرىن ساقتاۋعا شاقىرامىن. ۆەلوسيپەد تە جول قوزعالىسىنا قاتىسۋشى كولىك», – دەدى №6 وليمپيادالىق رەزەرۆتىڭ مامانداندىرىلعان جاسوسپىرىمدەر سپورت مەكتەبىنىڭ باسشىسى نۇرجان اۋباكىروۆ.
بۇگىنگى تاڭدا قالادا ۆەلوسيپەد جولىنىڭ جالپى ۇزىندىعى 54 شاقىرىمدى قۇرايدى.
