ەلوردانىڭ جىلۋ ەلەكتر ورتالىعى «№1 قويماسىنا كومىردى ءتۇسىرۋدىڭ تك (تاسپالى كونۆەيەر) №6 ست.جانە №8 ست. تەلەسكوپتىق تۇسىرگىشتەرى مەن ءتۇسىرۋ توراپتارىندا شاڭ باسۋ جانە اسپيراتسيا جۇيەسىن جاڭعىرتۋ» جوباسىن جۇزەگە اسىردى.
«استانا-ەنەرگيا» اق حابارلايۋىنشا, 2018 جىلدىڭ ماۋسىم-قىركۇيەگىندە №6 ست. تك, №1 جانە №2 ستانتسيالاردا ەكى تۇسىرگىش ورناتىلدى. 2018 جىلدىڭ قازان ايىنان 2019 جىلدىڭ ناۋرىز ايىنا دەيىن سول كونۆەيەرگە تاعى ەكى تۇسىرگىش ورناتىلدى. سونىمەن بىرگە, 2018 جىلدىڭ جەلتوقسانىندا «استانا قالاسىندا جەو-1 قايتا قۇرۋ. تۇزەتۋ جاساۋ» جوباسى بويىنشا جاڭادان سالىنعان تك-8, شاڭدى باسۋدىڭ ۇقساس جۇيەسى بار تاعى ەكى تەلەسكوپتىق تۇسىرگىشتەرى قۇرىلدى.
بۇل جاڭاشىلدىق اشىق قويماعا تۇسىرىلگەن كومىردى تاپسىرۋ كەزىندە شاڭنىڭ پايدا بولۋىن ايتارلىقتاي ازايتادى. ەسكىرگەن تۇسىرگىشتەردى زاماناۋي شاڭدى باساتىن قۇرىلعىمەن الماستىرۋ جابدىقتى جاڭعىرتۋ اياسىندا جۇزەگە استى.
ەسكىرگەن تۇسىرگىشتەردىڭ «شاڭنان قورعايتىن قوڭىراۋى» بولعان جوق جانە ونى كوتەرۋ ءتيىمدى جانە سەنىمدى اۆتوماتتاندىرۋ جۇيەسىمەن جۇزەگە اسىرىلمادى. وسىنىڭ سالدارىنان تەلەسكوپتىق قۇبىردىڭ تومەنگى بولىگى مەن كومىردىڭ ۇيمەسى اراسىندا ۇنەمى ساڭىلاۋ بولدى. بۇل ماتەريالدىڭ ەركىن ءتۇسۋ ايماعىنىڭ پايدا بولۋىنا جانە اتموسفەراعا كومىر شاڭىنىڭ بولىنۋىنە, سونىمەن قاتار, كومىر كەسەكتەرىنىڭ شاشىلۋىنا اكەلەتىن. بۇدان باسقا, تۇسىرگىشتەر شەتكى تومەنگى قالىپتا, 1,5 م قاشىقتىقتا نولدىك بەلگىگە جەتپەگەن, سونىمەن قاتار قارقىندى شاڭدانۋعا سەبەپ بولدى.
جاڭا تۇسىرگىشتەردىڭ تومەنگى بولىگى «شاڭنان قورعايتىن قوڭىراۋمەن» جابدىقتالعان. ونىڭ شاڭ وتكىزبەيتىن «بەلدەمشەسى», ياعني, شاڭنان قورعايتىن قوڭىراۋلاردىڭ تومەنگى بولىگىنە بەكىتىلگەن رەزەڭكە جولاقتارى بار.
شاڭ وتكىزبەيتىن قوڭىراۋ ماتەريال دەڭگەيىنىڭ داتچيگىمەن جابدىقتالعان. ول جۇمىس ايماقتارىندا كومىر شاڭىنىڭ شوعىرلانۋىن تومەندەتۋ ءۇشىن قوڭىراۋدى كومىر دەڭگەيىمەن ءبىر مەزگىلدە اۆتوماتتى جانە ءبىرسارىندى كوتەرەدى.
وندىرىستىك وبەكتىلەرگە قويىلاتىن سانيتارلىق-ەپيدەميولوگيالىق تالاپتارعا سايكەس, سوقالىق تۇسىرگىشتەردىڭ جابىندارىندا سۇزگىش قوندىرعىلارىن ورناتۋ قاراستىرىلعان.
سوقالى تۇسىرگىشتەردىڭ شاڭ وتكىزبەيتىن جابىندارى مەن اۋانى شاڭنان تازارتۋعا ارنالعان جابىن استىنداعى ورنالاسقان كارتريدج سۇزگىلەرى, ەنگىزىلەتىن جابدىق كەشەنىنىڭ اجىراماس بولىگى – ىسكە اسىرىلاتىن اسپيراتسيالىق قوندىرعىلار. ولار اتالعان توراپ اۋماعىندا اۋانى شاڭنان تازالاۋ ءۇشىن پايدالانىلادى. سۇزگىلەرمەن جۇمىس ىستەيتىن اسپيراتسيالىق قوندىرعىلار اۋانى تازارتۋدىڭ جوعارى دارەجەسى بار اۆتوماتتى جابدىق بولىپ تابىلادى. وسى شاڭ باسۋ جۇيەسى جەو-1 اۋماعىندا ەكولوگيالىق جاعدايدى جانە جەو-1 قىزمەتكەرلەرىنىڭ سانيتارلىق-ەڭبەك جاعدايلارىن جاقسارتادى.
