«بيىلعى ماۋسىم ءبىز ءۇشىن ۇزاققا سوزىلادى. سولاردىڭ ەڭ العاشقىسى – كاتاردا وتەتىن ازيا چەمپيوناتى. بۇگىندە دايىندىق جوسپار بويىنشا ءوتىپ جاتىر. تۇركياداعى وقۋ-جاتتىعۋ جيىنىنان كەيىن بىردەن جارىسقا بەت الامىشش. مەنىڭ ەڭ نەگىزگى مىندەتىم – سەكىرۋ بارىسىندا قاتەلىك جىبەرمەۋ. بيىل مەن ءۇشىن اشىق اسپان استىنداعى جارىس ەرتە باستالعالى تۇر. ماۋسىمدى ءدال وسىلاي ەرتە باستاماعانىما كوپ ۋاقىت ءوتىپتى. سوندىقتان, بۇل چەمپيونات دايىندىقتىڭ قالاي وتكەنىن باعامدايدى. الەم چەمپيوناتىنا قاتىسۋ ءنورماتيۆىن وتكەن جىلى ورىنداپ قويعانمىن. سول سەبەپتى, بۇعان ايتارلىقتاي كوڭىل بولگەن ەمەسپىن. ازيا ويىندارىنداعى التىن مەدال الەمدىك سىنعا تىكەلەي جولداما بەردى. دەگەنمەن, الەم چەمپيوناتىن قابىلدايتىن ستاديوننىڭ رۋحىن سەزىنۋ ۇلكەن كۇش بەرەدى», - دەيدى سپورتشى.
رىپاكوۆا قۇرلىق چەمپيوناتىندا تەك قانا ءۇش قارعىپ سەكىرۋدەن باق سىنايدى.
«العاشىندا ۇزىندىققا سەكىرۋ سىنىنا قاتىسۋ تۋرالى ويىم بولعان. كەيىن جارىس كەستەسىنە كوز جۇگىرتىپ, بۇل شەشىمنەن باس تارتتىم. ويتكەنى, ۇزىندىققا سەكىرۋ سايىسى مەنىڭ نەگىزگى جارىسىم – ءۇش قارعىپ سەكىرۋدەن بۇرىن وتەدى. سوندىقتان, ءوزىمنىڭ باستى باسەكەمە الاڭسىز دايىندالعان دۇرىس دەگەن شەشىمگە كەلدىم. بۇل جارىس نەگىزىنەن سىناقتىق كەزەڭ. قانشالىقتى بابىمدا ەكەنىمدى كورسەتەدى. ايتارلىقتاي جوعارى ناتيجە بولمايتىن سياقتى», - دەيدى 2012 جىلعى وليمپيادا چەمپيونى.
ايتا كەتەلىك, ازيا چەمپيوناتىندا قازاقستاندىق 25 اتلەت باق سىنايدى. باس باپكەر گريگوري ەگوروۆ ءبىزدىڭ سپورتشىلاردىڭ 3 التىن الاتىن مۇمكىندىگى بار ەكەنىن مالىمدەدى.
