شاراعا مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى قاتىستى.
وتىرىس بارىسىندا 2018-2019 جىلدارداعى كىرەبەرىس جولدارداعى جىلجىمالى قۇرامداردىڭ جولدان شىعىپ كەتۋى مەن ۇرلىقتاردى, جكو, ادامداردى جانە مالداردى باسۋ جاعدايلارى سانىڭ ازايتۋ جونىندەگى جول كارتاسى ءىس-شارالارىنىڭ اتقارىلۋىن تالقىلادى.
2019 جىلدىڭ ءبىرىنشى توقسانىندا تىيىم سالۋ دابىلدارىنىڭ بولۋىنا قاراماستان, اۆتوماشينالاردىڭ, بوتەن ادامداردىڭ تەمىرجول وتپەلەرىنە شىعىپ كەتۋىنە وراي لوكوموتيۆ بريگادالارىمەن 600 استام توتەنشە جاعدايدا تەجەگىش ىسكە قوسىلعان.
تەمىر جولداعى جازاتايىم وقيعالاردىڭ الدىن الۋ ءۇشىن ازاماتتار دەنساۋلىعى مەن ءومىرىن قورعاۋ بويىنشا الدىن الۋدىڭ كەشەندى ءىس-شارالارى جۇزەگە اسىرىلۋدا.
تۇراقتى نەگىزدە تەمىرجول كولىگى نىساندارىندا قايعىلى جاعدايلاردىڭ الدىن الۋ بويىنشا لوكوموتيۆ بريگادالارىمەن الدىن الۋ ءىس-شارالارى جۇرگىزىلۋدە.
تەمىرجول پروكۋراتۋراسى مەن «اسكەريلەندىرىلگەن تەمىرجول كۇزەتى» اق قىزمەتكەرلەرىمەن بىرلەسە 80 استام رەيدتەر وتكىزىلىپ, شامامەن 20 مىڭ ادامدى قامتيتىن تەمىرجول جەلىلەرىندە بولۋى ەرەجەسى جانە قاۋىپتىلىگى تۋرالى ءتۇسىندىرۋ جۇمىستارى وتكىزىلدى. تەمىرجولدا بولۋدىڭ ەرەجەسى تۋرالى كاسىپورىندار مەن وقۋ عيماراتتارىندا بەينەروليكتەر كورسەتىلدى جانە وتىرىستار وتكىزىلدى – 700 استام اڭگىمەلەسۋلەر ۇيىمداستىرىلدى.
الايدا بىرلەسكەن كۇش-جىگەر ارقاشاندا ءوز ناتيجەسىن بەرە بەرمەيدى.
تەمىرجول وتپەسى مەن قاۋىپتىلىگى جوعارى ايماقتاردا بوتەن تۇلعالار ءجۇرۋىنىڭ الدىن الۋ جۇمىستارىنىڭ جۇرگىزىلىپ جاتقانىنا قاراماستان, 10 ادامدى باسۋعا جول بەرىلگەن. جاپا شەككەندەردى جاراقاتتاۋدىڭ نەگىزگى سەبەپتەرى تەمىرجولدىڭ بەلگىلەنبەگەن ورىندارىنان قيىپ ءوتۋ جانە تەمىرجول كولىگى نىساندارىندا الكوگولدىك ماساڭ جاعدايىندا بولۋى.
تەمىرجولشىلاردىڭ ايرىقشا نازارىنداعى ماسەلە, قاراۋسىز قالعان ءۇي جانۋارلارىن جىلجىمالى قۇرامداردىڭ باسىپ كەتىپ جاتۋى. اعىمداعى جىلدىڭ ءۇش ايىندا عانا وسىنداي 56 جاعداي ورىن الدى.
وتىرىس قاتىسۋشىلارى تەمىر جول جولاعى بويىندا مال باعۋ, تەمىرجول جەلىسى بويىمەن بەلگىلەنبەگەن ورىنداردى قيىپ ءوتۋ, جول-كولىكتىك وقيعالار, قوزعالىس قاۋىپسىزدىگىنىڭ بۇزىلۋى جاعدايلارىنا جول بەرگەن تۇلعالارعا اكىمشىلىك-قىلمىستىق جاۋاپكەرشىلىكتى قاتانداتۋ قاجەتتىگى باسا ايتىلدى.
سونداي-اق قر ءبىلىم جانە عىلىم مينيسترلىگىنە مەكتەپ باعدارلاماسىنا تەمىرجول كولىگى ينفراقۇرىلىمى نىساندارىندا بالالاردىڭ قاۋىپسىز بولۋىنا قاتىستى تاقىرىپتا «تىرشىلىك جاساۋدىڭ قاۋىپسىزدىك نەگىزدەرى» ءپانى بويىنشا وقۋ باعدارلاماسىن ەنگىزۋ ۇسىنىسىمەن شىعۋ ماسەلەسى كوتەرىلدى.
