زاڭسىز ونىمدەردىڭ زاردابى
جۇما, 15 ماۋسىم 2012 6:51
الكوگولدىك ونىمدەر مەن ءسپيرتتىڭ زاڭسىز اينالىمى ەلدىڭ ەكونوميكاسىنا ايتارلىقتاي زالال كەلتىرەدى جانە تۇرعىنداردىڭ ءومىرى مەن دەنساۋلىعىنا قاۋىپ توندىرەدى, دەدى كەشە وتكەن بريفينگتە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي.
جۇما, 15 ماۋسىم 2012 6:51
الكوگولدىك ونىمدەر مەن ءسپيرتتىڭ زاڭسىز اينالىمى ەلدىڭ ەكونوميكاسىنا ايتارلىقتاي زالال كەلتىرەدى جانە تۇرعىنداردىڭ ءومىرى مەن دەنساۋلىعىنا قاۋىپ توندىرەدى, دەدى كەشە وتكەن بريفينگتە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ رەسمي وكىلى مۇرات جۇمانباي.
2010 جىلدان باستاپ قارجى پوليتسياسى ورگاندارى الكوگولدىك ءونىم جانە سپيرتتىڭ زاڭسىز اينالىمىنا بايلانىستى 435 قىلمىستىق ءىس قوزعاعان, ونىڭ 412-ءى سوتقا جولداندى. الكوگولدىك ونىمدەردىڭ استىرتىن اينالىمىنىڭ نەگىزگى بولىگىن سپيرتتىك ىشىمدىكتەردى ساقتاۋ مەن ساتۋ سالاسىنداعى زاڭسىز كاسىپكەرلىك قۇرايدى. زاڭسىز الكوگول نارىعىنان 1,5 ملن. سپيرت قۇيىلعان بوتەلكە الىندى. ولاردىڭ باسىم بولىگى جاسىرىن تسەحتاردا انتيسانيتارلىق جاعدايدا جاسالادى. اتالعان كەزەڭدە وسىنداي 37 زاڭسىز تسەحتىڭ قىزمەتى اشكەرەلەندى. كوپ جاعدايدا سپيرتتىك ىشىمدىكتەردى قولدان جاساۋمەن جانە ونى ءارى قاراي ساتۋمەن ۇيىمداسقان قىلمىستىق توپتار اينالىسادى.
قارجى پوليتسياسى ورگاندارىنىڭ جەدەل-تەرگەۋ ءتاجىريبەسى كورسەتكەندەي, ەتيل ءسپيرتى اراق-شاراپ ءونىمىن قولدان جاساۋداعى باستى كومپونەنتتەرىنىڭ ءبىرى بولىپ وتىر. قارجى پوليتسياسىمەن زاڭسىز اينالىمنان الىنعان ەتيل ءسپيرتىنىڭ مولشەرى 248 مىڭ ءليتردى قۇرادى. سپيرتتىك ىشىمدىكتەردى قولدان جاساۋدا قىلمىسكەرلەر جالعان ەسەپ ماركالارىن پايدالانادى. زاڭسىز اينالىمنان 1 ملن. 430 مىڭ جالعان ەسەپ ماركالارى الىندى. الكوگولدىك جانە سپيرتتىك ءىشىمدىكتەردىڭ زاڭسىز اينالىمىن اشكەرەلەۋ بويىنشا جۇمىس جالعاسۋدا.
