دەلەگاتسيا قۇرامىنا قر پارلامەنتى سەناتى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى گەورگي كيم جانە ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى اسقار بەيسەنباەۆ ەنگەن بولاتىن.
سەسسيا اياسىندا قازاقستاندىق دەلەگاتسيا ەكپا حاتشىلىعىنىڭ پارلامەنتارالىق ىنتىماقتاستىق جانە سايلاۋىن باقىلاۋ دەپارتامەنتىنىڭ باسشىسى ش.شاحبازيانمەن (فرانتسيا), باق جانە اقپاراتتىق قوعام كىشى كوميتەتىنىڭ توراعاسى, «سوتسياليستەر, دەموكراتتار جانە جاسىلدار توبى» ەكپا ساياسي فراكتسياسىنىڭ وكىلى م.تورنارمەن (شۆەيتساريا), «ەۋروپانى قولداۋشىلاردىڭ ليبەرالدار مەن دەموكراتتار اليانسى» ەكپا ساياسي فراكتسياسىنىڭ وكىلى د.چۋكلومەن (يسپانيا), ەكپا دەلەگاتسياسىنىڭ باسشىسى, «ەۋروپا حالىق پارتياسى» فراكتسياسىنىڭ پرەزيدەنتى ە.زينگەرەسپەن (ليتۆا), ەركىن دەموكراتتار توبىنىڭ مۇشەسى ا.شەلەچپەن (سەربيا), ەكپا ساياسي ماسەلەلەر جانە دەموكراتيا كوميتەتىنىڭ مۇشەسى, ەكپا دەلەگاتسياسىنىڭ باسشىسى س.سەيدوۆپەن ء(ازىربايجان) جانە باسقالارىمەن كەلىسسوزدەر جۇرگىزدى.
قازاقستاندىق سەناتورلار ەۋروپالىق ارىپتەستەرمەن قازاقستاننىڭ ساياسي ۇدەرىستەرىن كەڭىنەن تالقىلادى جانە ەلىمىزدىڭ سىرتقى ساياسي باعىتى مەن دەموكراتيالىق قاعيداتتاردى ودان ءارى نىعايتۋدى قولدايتىندارىن اتاپ ءوتتى.
قازاقستان رەسپۋبليكاسى پرەزيدەنتىنىڭ الداعى كەزەكتەن تىس سايلاۋىنا ەرەكشە ءمان بەرىلدى. ش.شاحبازياننىڭ سوزىنە قاراعاندا وسى شەشىم جالپىعا ورتاق دەموكراتيالىق ستاندارتتارعا سايكەس بيلىكتى بەيبىت جانە زاڭدى تۇردە بەرۋدىڭ ۇلگىسى بولىپ تابىلادى. ول بيىلعى 9 ماۋسىمداعى پرەزيدەنتتىك سايلاۋ بارىسىندا ەكپا بايقاۋ ميسسياسىنىڭ قازاقستانعا كەلۋى جوسپارلانىپ وتىرعانىن حاباردار ەتتى.
قازاقستاندىق پارلامەنتتىك دەلەگاتسيا سونداي-اق اسسامبلەيانىڭ ساياسي ماسەلەلەر جانە دەموكراتيا كوميتەتىنىڭ وتىرىسىنا قاتىستى. وتىرىستا ەكپا ۇلتتىق دەلەگاتسيالار قىزمەتىنىڭ ءتارتىبى مەن رەسىمدەرىنە تۇزەتۋلەر ەنگىزۋ, سونداي-اق ەۋروپا كەڭەسىندەگى قارجى داعدارىسىن ەڭسەرۋ ماسەلەلەرى تالقىلاندى.
