بۇگىن اۋدان اكىمى باقىت اسانوۆ مىرزاكەنت كەنتى اكىمى اپپاراتىنىڭ ۇجىمىنا جاڭا باسشىنى تانىستىرىپ, الداعى ىسىنە ساتتىلىك تىلەدى.
مىرزاكەنت – اۋدانىمىزدىڭ بەت-بەينەسى. اۋدان ورتالىعى قازىرگى زامان تالابىنا ساي كەلبەتكە يە بولۋى كەرەك. سوندىقتان, مۇندا اتقارىلۋى كەرەك جۇمىستار ءوز كەزەگىن كۇتىپ تۇر. كەنتتە كورىكسىز كوشە بويلارى مەن عيماراتتاردى ارلەۋ, يەسىز جۇرگەن مالدارمەن جانە سانيتارلىق تازالىقتى ساقتاۋداعى جۇمىستاردى جانداندىرۋ قاجەت. سونداي-اق, ءىرى قۇرىلىس نىساندارىن سالىپ, كوپ قاباتتى تۇرعىن ۇيلەردىڭ, مەكتەپتەر مەن سپورت نىساندارىنىڭ سانىن كوبەيتۋ كەرەك. كوشەلەردى اسفالتتەۋ ماسەلەسى دە شەت قالماۋى ءتيىس, دەدى باقىت ناسىرحان ۇلى.
ايتا كەتەيىك, بەيسەنباەۆ مامىر 1961 جىلى ماقتارال اۋدانى قاراقاي اۋىلىندا دۇنيەگە كەلگەن. ءبىلىمى جوعارى, 1985 جىلى الماتى ارحيتەكتۋرا-قۇرىلىس ينستيتۋتىن ونەركاسىپتىك جانە ازاماتتىق قۇرىلىس ماماندىعى بويىنشا بىتىرگەن.
ەڭبەك جولىن 1984 جىلى «جەتىساي اۋىل قۇرىلىس» ترەسىنە قاراستى «قۇرىلىس زاتتارى» زاۋىتىندا باس تەحنولوگ بولىپ باستاپ, ينجەنەر, باس ينجەنەر, زاۋىت ديرەكتورى قىزمەتتەرىن ابىرويمەن اتقارعان.
1998-2005 جىلدارى ارالىعىندا «قۋات-جەتىساي قۇرىلىس» جشس-دە باس ينجەنەر بولىپ ەڭبەك ەتتى.
2005-2018 جىلدارى ارالىعىندا «وڭتۇستىك-جارىق ترانزيت» جشس-نە قاراستى ماقتارال اۋداندىق بولىمشەسىندە تەحنيك, ينجەنەر, جەتەكشى ينجەنەر جانە شاردارا اۋدانى ەلەكتر جەلىسى باستىعىنىڭ ورىنباسارى قىزمەتتەرىن اتقارىپ, 2018 جىلدىڭ مامىرىنان باستاپ وسى ۋاقىتقا دەيىن «ماقتاارال» فۋتبول كلۋبى ديرەكتورىنىڭ ورىنباسارى بولعان.
