«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونستيتۋتسيالىق زاڭىنىڭ 12-بابى 5) تارماقشاسىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:
1. 2019 جىلعى 9 ماۋسىمعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا دايىندىق كەزەڭىندە سايلاۋ كوميسسيالارىنىڭ مۇشەلەرىن جانە سايلاۋ پروتسەسىنىڭ باسقا دا قاتىسۋشىلارىن وقىتۋدى ۇيىمداستىرۋ جوسپارى وسى قاۋلىعا 1-قوسىمشاعا سايكەس بەكىتىلسىن.
2. ادىستەمەلىك قۇرالدار مەن اقپاراتتىق-تۇسىندىرمەلىك ماتەريالدار وسى قاۋلىعا 2-قوسىمشاعا سايكەس بەكىتىلسىن.
3. قازاقستان رەسپۋبليكاسى ورتالىق سايلاۋ كوميسسياسى اپپاراتىنىڭ ەلەكتوراتتىق وقىتۋدى ۇيىمداستىرۋ جانە سايلاۋ پروتسەسىن ۇيىمداستىرۋ بولىمدەرى وبلىستاردىڭ, نۇر-سۇلتان, الماتى, شىمكەنت قالالارىنىڭ اۋماقتىق سايلاۋ كوميسسيالارىمەن بىرلەسىپ:
سايلاۋ كوميسسيالارىنىڭ مۇشەلەرىن جانە سايلاۋ پروتسەسىنىڭ باسقا دا قاتىسۋشىلارىن وقىتۋدى ۇيىمداستىرۋ مەن وتكىزۋدى وقىتۋ كەزەڭدەرىنىڭ مەرزىمدەرىن ساقتاپ, وقىتۋدىڭ ساپاسىن جانە سايلاۋدى ۇيىمداستىرۋشىلاردىڭ بارىنشا قامتىلۋىن قامتاماسىز ەتە وتىرىپ جالعاستىرسىن;
سايلاۋدى ۇيىمداستىرۋشىلاردى وقىتۋدى ۇيىمداستىرۋ ءۇشىن اۋماقتىق جانە ۋچاسكەلىك سايلاۋ كوميسسيالارىن وقۋ-ادىستەمەلىك بازامەن قامتاماسىز ەتسىن.
4. وبلىستاردىڭ, نۇر-سۇلتان, الماتى, شىمكەنت قالالارىنىڭ اكىمدەرىنە قاجەت كەزدە قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ شەڭبەرىندە وقىتىلاتىنداردىڭ سانىنا ساي بارلىق دەڭگەيلەردەگى سايلاۋ كوميسسيالارىنىڭ مۇشەلەرىن وقىتۋدى ۇيىمداستىرۋعا قوسىمشا قاراجات ءبولۋ ماسەلەسىن قاراستىرۋ ۇسىنىلسىن.
5. وسى قاۋلى بۇقارالىق اقپارات قۇرالدارىندا جاريالانسىن.
6. وسى قاۋلىنىڭ ورىندالۋىن باقىلاۋ قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى س.س. مۇستافيناعا جۇكتەلسىن.
