زاڭنامانى جەتىلدىرۋ قارالدى
جۇما, 8 ماۋسىم 2012 7:54
قۋانىش سۇلتانوۆتىڭ ءتوراعالىعىمەن پرەزيدەنت جانىنداعى ادام قۇقىقتارى ءجونىندەگى كوميسسياسى ساراپشىلار كەڭەسىنىڭ كەڭەيتىلگەن وتىرىسى ءوتىپ, وندا قازاقستان رەسپۋبليكاسىنىڭ قىلمىستىق جانە قىلمىستىق ءىس جۇرگىزۋ زاڭناماسىن جەتىلدىرۋ ماسەلەلەرى تالقىلاندى.
جۇما, 8 ماۋسىم 2012 7:54
قۋانىش سۇلتانوۆتىڭ ءتوراعالىعىمەن پرەزيدەنت جانىنداعى ادام قۇقىقتارى ءجونىندەگى كوميسسياسى ساراپشىلار كەڭەسىنىڭ كەڭەيتىلگەن وتىرىسى ءوتىپ, وندا قازاقستان رەسپۋبليكاسىنىڭ قىلمىستىق جانە قىلمىستىق ءىس جۇرگىزۋ زاڭناماسىن جەتىلدىرۋ ماسەلەلەرى تالقىلاندى.
ساراپشىلار كەڭەسى وتىرىسىنىڭ جۇمىسىنا بيلىك تارماقتارىنىڭ زاڭ شىعارۋشى, اتقارۋشى جانە سوت ورگاندارىنىڭ, قۇقىق قورعاۋ جانە قۇقىق قولدانۋ ورگاندارىنىڭ وكىلدەرى, قۇقىقتانۋشى عالىمدار, حالىقارالىق جانە ۇكىمەتتىك ەمەس قۇقىق قورعاۋ ۇيىمدارىنىڭ وكىلدەرى, ادۆوكاتتار قاتىستى.
كۇن ءتارتىبىنىڭ ءبىرىنشى ءماسەلەسى بويىنشا ادام قۇقىقتارى جونىندەگى كوميسسيانىڭ ساراپشىلارى, زاڭ عىلىمدارىنىڭ دوكتورى, پروفەسسور ارىستان احپانوۆ جانە زاڭ عىلىمدارىنىڭ دوكتورى رايسا يۋرچەنكو بايانداما جاسادى.
قىلمىستىق, قىلمىستىق ءىس جۇرگىزۋ زاڭناماسىن قازاقستاننىڭ ادام قۇقىقتارىن قورعاۋ سالاسىنداعى حالىقارالىق ءمىندەتتەمەلەرىنە ءسايكەس جەتىلدىرۋ ماسەلەلەرى جان-جاقتى تالداندى.
ساراپشىلار قىلمىس جاساعان ادامداردىڭ جولىن كەسۋگە قاتىستى شارالاردى قولدانۋ سالاسىنداعى قازاقستاندىق زاڭناما مەن قۇقىق قولدانۋ پراكتيكاسىنىڭ ادامنىڭ نەگىزگى قۇقىقتارى مەن بوستاندىقتارىنىڭ ساقتالۋىنا قانشالىقتى كەپىلدىك بەرەتىنىن قارادى.
تالقىلانعان ماسەلە بويىنشا كوميسسيا بۇرىندارى ءوز پىكىرىن مەملەكەت باسشىسى بەكىتكەن 2009-2012 جىلدارعا ارنالعان قازاقستان رەسپۋبليكاسىنداعى ادام قۇقىقتارى سالاسىنداعى ۇلتتىق ءىس-قيمىل جوسپارىندا بىلدىرگەنى اتاپ ءوتىلدى.
ءسوز سويلەگەندەر قىلمىستىق قۇقىقتى ودان ءارى جەتىلدىرۋ, كودەكستەردىڭ, اسىرەسە, كونستيتۋتسيالىق قۇقىقتار مەن بوستاندىقتاردى شەكتەيتىندەرىنىڭ ساپاسىن كوتەرۋمەن بايلانىستى ەكەنىن, بۇلاردىڭ وسى سالاداعى پروبلەمالاردى شەشۋگە قولايلى العىشارت جاسايتىنىن اتاپ ءوتتى.
كۇن ءتارتىبىنىڭ ەكىنشى ماسەلەسى بويىنشا كوميسسيا حاتشىسى تاستەمىر ابىشەۆ ءسوز سويلەپ, وتىرىسقا قاتىسۋشىلاردى ساراپشىلار كەڭەسىنىڭ جۇمىسىمەن تانىستىرىپ, جۇمىس جوسپارى, ساراپتامالىق قىزمەتتى جەتىلدىرۋ جولدارى تۋرالى باياندادى.
ادام قۇقىقتارى جونىندەگى كوميسسياسى ساراپشىلار كەڭەسىنىڭ ۇسىنىمدارى ۋاكىلەتتى مەملەكەتتىك ورگانداردىڭ نازارىنا جەتكىزىلەتىن بولادى.
«ەگەمەن-اقپارات».
