بىلەكتى قىزدار باسەكەسى

وسى جەردە ايتا كەتەتىن نارسە, قازاقستان اۋەسقوي بوكس فەدە­راتسيا­سى­نىڭ تىزگىنىن تيمۋر ق ۇلىباەۆ ۇس­تا­عالى بەرى بوكستان وتەتىن جا­رىستارعا ەلىمىزدە بۇرىنعىعا قا­راعاندا كوپ ءمان بەرىلىپ كەلەدى. ەلىمىزدىڭ جاستارى ەلىشىلىك تۋر­نير­لەر مەن جارىستارعا, حالىقارالىق ءبا­سەكەلەرگە كوپتەپ قاتىسىپ جاتسا, قىزدار بوكسى وتكەن جىلدارعا قاراعاندا ەكىنشى تىنىسىن الىپ, جاڭا دەڭگەيگە شىقتى. بۇل جونىندە بىزگە چەمپيونات باستالار الدىندا بەرگەن سۇحباتىندا ۇلتتىق فەدە­را­­تسيانىڭ ايەلدەر بوكسى جانە تورەشىلەر كورپۋسىمەن جۇمىس ءجو­نىن­دەگى ۇيلەستىرۋشىسى بەرىك مىر­جىقپاەۆ تا قاداپ ايتقان بولاتىن. ونىڭ ايتۋىنشا, قازىرگى كۇنى ەلى­مىزدە بوكستى دامىتۋ, سونىڭ ىشىندە ايەلدەر جارىستارىن كوپتەپ وتكىزۋگە فەدەراتسيا تاراپىنان بارلىق جاعداي جاسالۋدا. ماسەلەن, سپورت مەكەمەسىنىڭ بوكستى جان-جاقتى دامىتىپ, بىلعارى قولعاپ يەلەرى مەن تورەشىلەردىڭ ماتەريال­دىق جاعدايىن جاقسارتىپ, بوكس زال­دارىن سالىپ, ولاردىڭ زامان تالابىنا ساي جابدىقتالۋىنا باسا نازار اۋدارىلۋدا. وسى ورايدا بەرىك مىرجىقپاەۆتىڭ سوزىمەن تولىق كەلىسۋگە بولاتىنىن ەسكەرت­كى­مىز كەلەدى. بۇگىندە بەيجىڭ وليم­پياداسىنان كەيىن وتاندىق بوكستى دامىتۋعا بارلىق جاعداي­دىڭ جاسالىپ جاتقانىن ايەلدەر جانە قىزدار اراسىنداعى ۇلتتىق قۇرا­ما­نىڭ ءتۇرلى باسىرەلى باسەكەلەرگە قاتىسىپ, قاتارىنا جاڭا تالانت­تاردى جيناپ وتىرعانىنان دا كورۋگە بولادى. جاقىندا سىر ەلىندە اياقتالعان ەل چەمپيوناتى وسى جاعىن كوزى قاراقتى جان­كۇ­يەر­لەرگە تاعى كورسەتىپ بەردى. مۇنداعى بولعان بيىلعى بىرىنشىلىكتىڭ ەرەك­شەلىگى, چەمپيوناتقا قاتىسۋشىلار سا­نى جىلداعىدان ەكى ەسە كوپ بولسا, ەكىنشىدەن, ول ۇلتتىق قۇراما سا­پىنا ىرىكتەۋ ءۇشىن وتكى­زىل­گەن­دىكتەن سىر ەلىندە ءتورت كۇن بويى كەرىلگەن شارشى الاڭعا كىلەڭ مىقتىلاردىڭ ءبارى شىقتى. تاعى ءبىر اتاپ وتەتىن نارسە, ۇلتتىق فەدە­را­تسيانىڭ جارىستاردى تورە­شىل­ەر­دىڭ ادىلدىك تانىتۋى ءۇشىن جاعداي جاساپ جاتقانىنا بايلانىستى بىرىنشىلىككە تەك ىرىكتەۋدەن وتكەن ادىلقازىلار عانا تورەشىلىك جاسادى. ەندى چەمپيوناتتا كۇش سى­ناس­قان بوكسشىلار مەن ونىڭ قو­رى­تىن­دىسىنا كەلەر بولساق, وسى جولعى باسەكەدە ءوز سالماق دارە­جە­لە­رىندە تەڭدەسسىز سانالىپ جۇرگەن مىنا قىزداردىڭ ءبارى چەمپيون اتاندى. ولار – نازىم قىزايباي ( 46 كگ.), گۇلجان اكىموۆا (54 كگ., ەكەۋى دە الماتى قالاسىنان), وك­سانا كورولەۆا (57 كگ., قاراعاندى وبلىسى), گۇلجاينا ءوب­نيا­زوۆا (60 كگ., اقتوبە وبلىسى), سايدا حاسەنوۆا (64 كگ. الماتى قالاسى), داريعا شاكىموۆا (75 كگ., سقو), جاننا ءيبادىلوۆا (81 كگ., الماتى قالاسى), 81 كيلودان جوعارى سالماقتا سولتۇستىك قازاقستان وب­لى­سىنىڭ وكىلى ءلاززات كۇنگەيباەۆا. سونىمەن بىرگە, مۇندا الەم چەم­پيو­ناتتارىنىڭ ەكى قولا مەدالىن جەڭىپ العان استانالىق 48 كيلو سالماقتاعى نازىم بورانباەۆا مەن ەلەنا كولتسوۆا ( 69 كگ., قوستاناي وبلىسى) التىننان القا تاعىندى. ەل چەمپيوناتىنان كەيىن ۇلتتىق قۇرامانىڭ اعا باپكەرى ۆاديم پريسيا­جنيۋكتىڭ بەرگەن مالىمەتت­ە­رىنە قاراعاندا, جوعارىدا اتالعان بوكسشىلاردىڭ ءبارى قۇراما ساپىنا الىنىپ, وسى جىلدىڭ مامىر ايىن­دا استانادا ايەلدەر اراسىندا تۇڭعىش رەت وتەتىن ازيا چەمپيو­نا­تىنا قاتىساتىن بولادى. ودان كەيىن ولار باربادوستا جالاۋىن كوتەرەتىن الەم چەمپيوناتىنا ىرىك­تە­لىنەدى. وسى باسەكەدە لوندون وليم­پياداسىنا بەرىلەتىن العاشقى جولدامالار ساراپقا سالىنادى. سونىمەن بىرگە بيىلعى كۇزدە ايەلدەر بوكسى وليمپيادا سەكىلدى ازيا ويىندارىنىڭ باعدار­لا­ما­سى­نا ەنگەندىكتەن ۇلتتىق قۇراما قى­تاي­دىڭ گۋانچجوۋ قالاسىندا وتەتىن وي­ىندارعا جولداما بەرەتىن جا­رىستارعا قاتىسادى. داستان كەنجالين.