تىلەگى – تىنىشتىق
سەيسەنبى, 22 مامىر 2012 7:16
كولىكتەگى پوليتسيا قىزمەتكەرلەرىن – ەل تىنىشتىعىن قورعاۋشىبەرىك قورعانىمىز, جولاۋشىلاردىڭ قاۋىپءسىزءدىگىنە تىكەلەي جاۋاپبەرەتىن ادامدار دەپ بىلەمىز. ولاردىڭ كۇندەلىكتى تىنىس-تىرشىلىگىقاۋىپتى دە قىزىققا تولى ساتتەرمەن الماسىپ جاتادى.
سەيسەنبى, 22 مامىر 2012 7:16
كولىكتەگى پوليتسيا قىزمەتكەرلەرىن – ەل تىنىشتىعىن قورعاۋشىبەرىك قورعانىمىز, جولاۋشىلاردىڭ قاۋىپءسىزءدىگىنە تىكەلەي جاۋاپبەرەتىن ادامدار دەپ بىلەمىز. ولاردىڭ كۇندەلىكتى تىنىس-تىرشىلىگىقاۋىپتى دە قىزىققا تولى ساتتەرمەن الماسىپ جاتادى.
اقتوبە بەكەتىندەگى ىشكى ىستەر جەلىلىك باسقارماسى بۇدان 35 جىل بۇرىن, 1977 جىلى ءبولىم بولىپ قۇرىلدى. وسى ءبولىمنىڭ العاش كىرپىشىن قالاعانداردىڭ ىشىندە سارسەنباي قانعالي ۇلىنىڭ ەڭبەگى ۇشان-تەڭىز. 50 جىلعا جۋىق ۋاقىت بويى وسى تەمىر جول سالاسىندا ايانباي ەڭبەك ەتىپ كەلەدى. قىزمەتىنە ادال, سوزىنە بەرىك, ىسىنە جاۋاپكەرشىلىكپەن قارايتىن, جانى تازا, ادامگەرشىلىگى مول سارسەنباي اعانى كاسىبي قىزمەتكەردىڭ بەينەسىن قالىپتاستىرۋشى دەپ ايتۋعا ابدەن بولادى.
بۇگىندە ارداگەرلەر كەڭەسى توراعاسىنىڭ باتىس ءوڭىرى بويىنشا ورىنباسارى, وتستاۆكاداعى ميليتسيا پولكوۆنيگى سارسەنباي قانعالي ۇلى 1937 جىلى 1 مامىردا اقتوبە وبلىسى قوبدا اۋدانىنىڭ اققۇدىق (قازىرگى ءاليا) اۋىلىندا قاراپايىم شارۋانىڭ وتباسىندا دۇنيەگە كەلگەن. اكەسى ۇلى وتان سوعىسىندا قازا بولعان. جاڭا الەكسەەۆكا مەكتەپ-ينتەرناتىندا تاربيەلەنىپ, ونى ءبىتىرىسىمەن 1956 جىلى اسكەر قاتارىنا شاقىرىلادى. 1958 جىلى وتان الدىنداعى بورىشىن ابىرويمەن اتقارىپ كەلىپ, اقتوبە بەكەتىنىڭ جەلىلىك ميليتسيا بولىمىنە كەزەكشى ميليتسيونەر بولىپ جۇمىسقا ورنالاسادى. 1959 جىلى الماتى ورتا ارنايى ميليتسيا مەكتەبىنە كۇندىزگى بولىمگە وقۋعا تۇسەدى. تالانتتى دا زەرەك بوزبالا بۇل وقۋ ورنىن دا ۇزدىك ءتامامداپ, 1961 جىلى اقتوبە بەكەتىنىڭ جەلىلىك ميليتسيا بولىمىنە قىلمىستىق ءىزدەستىرۋ ءجونىندەگى جەدەل ۋاكىلى بولىپ جۇمىسقا تۇرادى. قايسار, كوكىرەگى وياۋ جاس جىگىتتى اسقاق ارماندارى العا جەتەلەي بەرەدى… 1989 جىلدان قۇرمەتتى دەمالىسقا شىققانعا دەيىن اقتوبە وبلىستىق ءىىب الدىن الۋ قىزمەتىنىڭ باستىعى لاۋازىمىندا ەڭبەك ەتتى.
جۇمىسىنا تياناقتى, ارىپتەستەرىنە سىيلى بولۋى دا ونىڭ ناعىز ءوز ءىسىنىڭ مامانى ەكەنىن مويىنداتا بىلگەنىنەن بولار. ءاردايىم قولۇشىن بەرۋگە دايىن, ادامگەرشىلىك قاسيەتتەرىمەن قاتار قىزمەتتەگى ءمىنسىز بەدەلىن كورىپ جۇرگەن دوس-جاران, تۋعان-تۋىس, جەرلەستەرى ونى ماقتان تۇتتى. تۋعانىنان باتىل دا ەلگەزەك جىگىت ءوز دەڭگەيىنىڭ جوعارى ەكەنىن, «الماس قىلىشتىڭ قىن تۇبىندە كوپ ۋاقىت جاتپايتىنىن» دالەلدەپ شىقتى. ءسويتىپ, ول اقتوبە جۇرتىنىڭ ماقتانىشىنا اينالدى.
كەزىندە بيىك لاۋازىم يەلەرىنەن العان ماقتاۋ قاعازدارى مەن العىس حاتتارى دا جەتكىلىكتى. 2010 جىلى 19 اقپاندا رەسەي فەدەراتسياسىنىڭ كولىكتەگى ىشكى ىستەر مينيسترلىگىنىڭ 90 جىلدىعىندا مەدالمەن ماراپاتتالعان.
وتستاۆكاداعى ميليتسيا پولكوۆنيگى ءسارسەنباي قانعاليەۆ ەل تاۋەلسىزدىگىنىڭ 20 جىلدىعىنا ارنالعان ءتوس بەلگىسىمەن ماراپاتتالدى.
ىشكى ىستەر سالاسىنا, ياعني قوعام تىنىشتىعىن قالىپتى تۇردە ساقتاۋعا بەل شەشكەن جاس ۇرپاقتىڭ تاربيەلىك, پاتريوتتىق رۋحىن نىعايتىپ, قوعام الدىندا اسقان جاۋاپكەرشىلىگىن سەزىندىرىپ كەلەدى. زەينەتكەرلىككە, ياعني ەڭبەك دەمالىسىنا شىقسا دا ۇنەمى ىشكى ىستەر جۇيەسىنىڭ قوعامدىق ومىرىنەن تىسقارى ءجۇرمەيتىن, كەيىنگى بۋىنعا ارقاشاندا مول ءتاجىريبەسىمەن بولىسۋدەن جالىقپايتىن سارسەنباي اعا ءوزى قىزمەت ەتكەن دەپارتامەنتىنەن ەش بايلانىسىن ۇزگەن ەمەس. كولىكتەگى ىشكى ىستەر دەپارتامەنتىنىڭ ارداگەرى قوعامدىق ومىردە بەلسەندى بولۋدى ءجون سانايدى.
نازگۇل بەسپاەۆا,
كولىكتەگى ىشكى ىستەر دەپارتامەنتىنىڭ قىزمەتكەرى.
اقتوبە.
