قۇقىقتىق مەملەكەت وركەندەۋىنىڭ العىشارتى
بەيسەنبى, 17 مامىر 2012 8:19
ەلىمىز ەگەمەندىگىن العان 20 جىلدىڭ ىشىندە دۇنيە جۇزىنە دەموكراتيالىق, الەۋمەتتىك, قۇقىقتىق مەملەكەت رەتىندە تانىلعانى, سونىمەن بىرگە, قازاقستان بىرىكەن ۇلتتار ۇيىمىنان باستاپ, كوپتەگەن بەدەلدى حالىقارالىق وداقتاردىڭ تەڭ ءمۇشەسى بولىپ تابىلاتىنى بارشاعا ايان. قازاقستان بارلىق مەملەكەتتەرمەن تەرەزەسى تەڭ ەل بولا وتىرىپ, كوپتەگەن جۇرت تانىعان حالىقارالىق شارتتاردى راتيفيكاتسيالادى.
بەيسەنبى, 17 مامىر 2012 8:19
ەلىمىز ەگەمەندىگىن العان 20 جىلدىڭ ىشىندە دۇنيە جۇزىنە دەموكراتيالىق, الەۋمەتتىك, قۇقىقتىق مەملەكەت رەتىندە تانىلعانى, سونىمەن بىرگە, قازاقستان بىرىكەن ۇلتتار ۇيىمىنان باستاپ, كوپتەگەن بەدەلدى حالىقارالىق وداقتاردىڭ تەڭ ءمۇشەسى بولىپ تابىلاتىنى بارشاعا ايان. قازاقستان بارلىق مەملەكەتتەرمەن تەرەزەسى تەڭ ەل بولا وتىرىپ, كوپتەگەن جۇرت تانىعان حالىقارالىق شارتتاردى راتيفيكاتسيالادى. وسىنداي يگى قادامداردى جۇزەگە اسىرۋدا حالىقارالىق قۇقىق نورمالارىن, ولاردىڭ جالپى جۇرت مويىنداعان قاعيدالارىن ادىلەتتى تۇردە جۇزەگە اسىرۋدا پارلامەنتتىڭ, قۇقىق قورعاۋ ورگاندارىنىڭ, سوت جۇيەسىنىڭ قىزمەتى ەرەكشە. ويتكەنى, قازاقستان كونستيتۋتسيالىق قۇرىلىمى جونىنەن قۇقىقتىق مەملەكەت. قۇقىقتىق مەملەكەتتىڭ باستى بەلگىسى ادام, قوعام, مەملەكەت مۇددەسى ءۇشىن ىستەلەتىن يگىلىكتى ىستەردىڭ بارلىعى دەرلىك قۇقىق, زاڭ نورمالارىمەن رەتتەلەتىندىگىندە. بىزدەگى جۇزەگە اسىرىلاتىن, قابىلداناتىن, قولدانىلاتىن قۇقىقتىق اكتىلەر ءادىلەتتىلىك قاعيداسىنا, مەملەكەت پەن جەكە ادامنىڭ مۇددەسىنە قىزمەت اتقارۋى ءتيىس. مۇنداي كۇردەلى مىندەتتەردى جۇزەگە اسىرۋدا زاڭگەرلەر قاۋىمداستىعىنىڭ ماڭىزى ەرەكشە ەكەندىگىن ءومىر تاجىريبەسى كورسەتىپ وتىر. كوپتەگەن وركەنيەتتى ەلدەردە زاڭگەرلەردى بىرىكتىرەتىن وداق, ۇيىم نەمەسە اسسوتسياتسيالار بار. مۇنداي ۇيىمدار ءوز مەملەكەتىنىڭ قۇقىقتىق جۇيەسىن وركەندەتۋگە تيىسىنشە ۇلەستەرىن قوسۋدا. قازاقستان رەسپۋبليكاسى العاش تاۋەلسىزدىك العان جىلدارى رەسپۋبليكالىق زاڭگەرلەر وداعى بولدى, ەگەمەندىكتىڭ وركەندەۋىنە بۇل وداق ەداۋىر قىزمەت اتقاردى. بىراق كەيىننەن وداقتىڭ قىزمەتى بەلگىسىز سەبەپتەرمەن توقتاپ قالدى. بۇرىن زاڭگەرلەر وداعى بىرىكتىرىپ, ءبىر باعىتتا قىزمەت ءىستەيتىن بولىمشەلەر جەكە-جەكە ۇيىمعا ءبولىندى. مىسالى: ادۆوكاتتار وداعى, نوتاريات پالاتاسى جانە ت.ب. سونىڭ ءناتيجەسىندە زاڭگەرلەر وداعىنىڭ جۇمىسى مۇلدەم كوزگە كورىنبەي قالدى.
قازىرگى دۇنيەجۇزىلىك دامۋدىڭ العىشارتى – زاڭگەرلىك قىزمەتتى جەتىلدىرۋ ەكەنى بارشاعا ايان. كەز كەلگەن مەملەكەتارالىق قارىم-قاتىناس قۇقىقتىق حالىقارالىق زاڭدىلىق شارتتارعا نەگىزدەلگەن. قازاقستان مەملەكەتى قۇقىقتىق مەملەكەت رەتىندە زاڭگەرلەر وداعىنىڭ جۇمىسىن قايتا جانداندىرىپ, ەلىمىزدىڭ وركەندەۋىنە, وركەنيەتتى, ادىلەتتى, قۇقىقتىق نورمالاردىڭ مەملەكەت, قوعام, ادام مۇددەسى ءۇشىن قىزمەت ەتۋىن جۇزەگە اسىرۋ كەرەك.
زاڭگەرلەر وداعىنىڭ قۇرىلۋى – وسى سالادا قىزمەت ەتەتىن عالىمداردى, مامانداردى ەلىمىزدىڭ قۇقىقتىق تاربيەسىن, ساپاسىن وركەندەتۋگە, سونداي-اق زاڭ شىعارۋشى ورگان – پارلامەنت جۇمىسىنا دا بەلسەندى قاتىسىپ, ساپالى زاڭدار جوباسىن ازىرلەۋگە اتسالىسۋعا, ەلىمىز بويىنشا ءبىلىمدى زاڭگەر مامانداردى دايارلاۋعا ءوز ۇلەسىن قوسار ەدى.
ارىقباي اعىباەۆ
زاڭ عىلىمدارىنىڭ دوكتورى, قازاقستاننىڭ ەڭبەك سىڭىرگەن قايراتكەرى.
