قىلمىستىڭ جەڭىلى, پارانىڭ ۇساعى بولمايدى

سارسەنبى, 11 ءساۋىر 2012 7:05

ەلباسى نۇرسۇلتان نازارباەۆ­تىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى بيىلعى جولداۋىندا قارجى پوليتسياسى ورگاندارىنا جەمقورلىققا قارسى جاڭا ستراتەگيا ازىرلەۋدى جانە وندا جاڭا جولدار مەن تەتىكتەردى قاراستىرۋ جونىندەگى تاپسىرماسى بىزگە جاڭا مىندەتتەر جۇكتەپ وتىر. اگەنتتىك توراعاسى ر.ءتۇ­­­سىپبەكوۆتىڭ سىبايلاس جەمقورلىق پەن «كولەڭكەلى» ەكونوميكانىڭ الدىن الۋ, قارسى تۇرۋ جانە كاسىپكەرلىك سۋبەكتىلەرىن قورعاۋ سياقتى ستراتەگيالىق مىندەتتەردى ناقتىلاپ بەرۋى دە ىسكە وزگەشە سيپات بەرۋدە.

سارسەنبى, 11 ءساۋىر 2012 7:05

ەلباسى نۇرسۇلتان نازارباەۆ­تىڭ «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى بيىلعى جولداۋىندا قارجى پوليتسياسى ورگاندارىنا جەمقورلىققا قارسى جاڭا ستراتەگيا ازىرلەۋدى جانە وندا جاڭا جولدار مەن تەتىكتەردى قاراستىرۋ جونىندەگى تاپسىرماسى بىزگە جاڭا مىندەتتەر جۇكتەپ وتىر. اگەنتتىك توراعاسى ر.ءتۇ­­­سىپبەكوۆتىڭ سىبايلاس جەمقورلىق پەن «كولەڭكەلى» ەكونوميكانىڭ الدىن الۋ, قارسى تۇرۋ جانە كاسىپكەرلىك سۋبەكتىلەرىن قورعاۋ سياقتى ستراتەگيالىق مىندەتتەردى ناقتىلاپ بەرۋى دە ىسكە وزگەشە سيپات بەرۋدە.

اتاپ ايتساق, بۇگىندە وبلىس بويىنشا قارجى پوليتسياسى دە­پارتامەنتى قىزمەتكەرلەرىنىڭ باس­تى نازارى اقشا بوپسالاۋ جانە بيۋدجەت قاراجاتىن ۇرلاۋمەن ءجۇ­يەلى تۇردە اينالىساتىن تۇلعا­لار­دى قىلمىستىق جاۋاپكەر­شى­لىككە تارتۋعا باعىتتالىپ وتىر. قىلمىستىق تابىستاردى جاسىرۋ جانە ولاردى ەلدەن شىعارۋعا قارسى كۇرەس, سونداي-اق جالعان كاسىپورىندار قىزمەتىنىڭ جولىن كەسۋ دە ۇمىت قالمايدى.

جەمقورلىق قىلمىستاردىڭ ەڭ كوپ تارالعان ءتۇرى پارا الۋ بولىپ سانالادى. مىسالى, وتكەن جىلى پارا الۋ فاكتىسى بويىنشا ءبىزدىڭ دەپارتامەنت قىزمەتكەرلەرى 17 قىلمىستىق ءىس قوزعاعان. ايتالىق, وبلىستا ورنالاسقان اسكەري ءبو­لىم­نىڭ جانار-جاعارمايمەن قام­تا­­ماسىز ەتۋ قىزمەتىنىڭ باستىعى كاپيتان ا.تولەگەنوۆتەن ءتارتىپ­تىك جازا شارالارىن قولدانباۋ ءۇشىن جامبىل, الماتى جانە وڭتۇستىك قازاقستان وبلىستارى بويىنشا «وڭتۇستىك» وڭىرلىك اسكەري قولباسشىلىعى باسقارما­سىنىڭ جانار-جاعارمايمەن قام­تا­ماسىز ەتۋ قىزمەتىنىڭ باستىعى كاپيتان ب. يساەۆ جالپى سوماسى 120 مىڭ تەڭگە پارا الۋ كەزىندە ۇستالدى. ءسويتىپ ول اسكەري سوت­تىڭ ۇكىمىمەن 6 ايعا باس بوستان­دىعىنان ايىرىلدى.

پارا الۋمەن بىرگە پارا بەرۋ دە قىلمىس بولىپ تابىلادى. بۇگىندە وبلىستا پارا بەرۋ دەرەگى بويىنشا 15 قىلمىستىق ءىس قوز­عالعان.  اتاپ ايتقاندا, جامبىل, قىزىلوردا جانە وڭتۇستىك قازاق­ستان وبلىستارى بويىنشا «وڭ­تۇستىك» وڭىرارالىق كولىكتىك با­قىلاۋ ينسپەكتسياسى مەملەكەتتىك مەكەمەسىنىڭ وبلىس بويىنشا في­ليالىنىڭ باستىعى ع. تايشىبەكوۆ بىرنەشە رەت وبلىستىق قارجى پوليتسياسى دەپارتامەنتىنىڭ ءبو­لىم باستىعىنا جالپى قامقور­شىلىق ءۇشىن سوماسى 6 مىڭ اقش دوللارى كولەمىندە پارا بەرۋ كەزىندە ۇستالىپ, وعان قاتىستى بىرنەشە قىلمىستىق ءىس قوزعالدى.

قولدانىستاعى قىلمىستىق زاڭداردا قىزمەتتىك وكiلەتتiگiن تەرiس پايدالانۋدىڭ ەڭ ۇلكەن جازاسى 8 جىل بولسا دا, قىلمىستىڭ وسى ءتۇرى قوعامعا قاۋىپتى جانە كوپ تارالعانداردىڭ ءبىرى بولىپ وتىر. وسىنداي دەرەكتەر بويىنشا وتكەن جىلى دەپارتامەنت قىز­مەتكەرلەرىمەن 40 قىلمىستىق ءىس قوزعالعان. مىسالعا, بايزاق اۋدانى اكىمىنىڭ قۇرىلىس ءبولىمى باستىعى و. مىرزاداۋلەتوۆ «اۋىز سۋ» مەملەكەتتىك باعدارلا­ما­سىن جۇزەگە اسىرۋ بارىسىندا قىز­مەت وكىلەتتىگىن تەرىس پايدا­لان­عان. اتالعان لاۋازىم يەسى سوت ۇكىمىمەن 2 جىلعا باس بوستان­دى­عى­نان ايرىلدى. مەملەكەتكە كەل­تى­رىلگەن 8,5 ملن. تەڭگەدەن اسا زالال ءوندىرىلدى.

سىبايلاس جەمقورلىققا نەگىز بولاتىن «كولەڭكەلى» ەكونوميكامەن كۇرەسۋ دە دەپارتامەنت قىز­مەتىندە باستى باعىتتاردىڭ ءبىرى بولىپ تابىلادى. وتكەن جىلى ەكو­نوميكالىق سالادا 334 قى­ل­مىس­تىق ءىس قوزعالدى. وسى باعىتتا دەپارتامەنت جەدەل قىزمەت­تەرى­نىڭ نەگىزگى كۇشى جالعان كاسىپ­كەرلىك, قىلمىستىق جولمەن تا­بىل­عان ءمۇ­لىكتى زاڭداستىرۋ جانە تەرروريستىك ۇيىمداردى قارجى­لاندىرۋ فاك­تىلەرىن انىقتاپ, ولار­دىڭ جولىن كەسۋگە جۇمىل­دىرىلۋدا.

ەلباسى ن. نازارباەۆتىڭ قا­زاق­ستان حالقىنا ارناعان جولداۋىندا ازاماتتاردىڭ كونستيتۋ­تسيا­لىق قۇقىقتارىنىڭ ساقتالۋىنا قۇقىق قورعاۋ ورگاندارىنىڭ كۇش سالۋى قاجەتتىلىگى باسا ايتىلدى. سوندىقتان, ءبىز مەملەكەتتىڭ جانە قوعامنىڭ ءاربىر ازاماتىنىڭ زاڭ­دى مۇددەلەرىن قورعاۋ جولىندا تەر توگە بەرەمىز. بۇدان بىلاي قۇ­قىق قورعاۋ ورگاندارىنىڭ قىز­مەتى حالىقتىڭ  سەنىمىنە  يە  بولۋ  دەڭگەيىمەن ولشەنەتىن بولادى.

جاقىندا اگەنتتىك توراعاسى­نىڭ نۇسقاۋىمەن قارجى پوليتسياسىندا قاراماعىنداعى قىزمەتكەر جەمقورلىق فاكتىسىمەن ۇستالعان جاعدايدا, باسشىسىنىڭ جۇمىس­تان بوساتىلۋ ەرەجەسى ەنگىزىلدى. بۇل ورايدا قاتارىمىزدىڭ پيعى­لى تەرىس قىزمەتكەرلەردەن تازا بولۋى وتە ماڭىزدى. سوندىقتان, ءوز ىشىمىزدەگى زاڭ بۇزۋشىلىقتار مەن جەمقورلىققا قارسى كۇرەس –  حالىقتىڭ جۇرەك قالاۋى دەپ تۇسىنەمىز.

سەرىك وتەمباەۆ, جامبىل وبلىسى بويىنشا قارجى پوليتسياسىنىڭ باستىعى.

جامبىل وبلىسى.