ەليسوۆتىڭ ەرلىگى
سەنبى, 11 اقپان 2012 8:23
بەيبىت كۇندە دە ەرلىككە ورىن بارىن تاۋەلسىز ەلدىڭ قىراعى قىراندارى بۇرناعى ۋاقىتتا ايقىن دالەلدەپ كەلەدى. دەمالىس كۇندەرى پەتروپاۆل قالاسىنداعى ىشكى ءاسكەرلەر اسكەري ينستيتۋتىنىڭ ءاسكەري قىزمەتشىسى اعا سەرجانت ۆيتالي ەليسوۆ ءتىلسىز جاۋدان ادام ءومىرىن اراشالاپ, اجال الدىندا قالعان ايەلدى قۇتقارىپ قالدى.
سەنبى, 11 اقپان 2012 8:23
بەيبىت كۇندە دە ەرلىككە ورىن بارىن تاۋەلسىز ەلدىڭ قىراعى قىراندارى بۇرناعى ۋاقىتتا ايقىن دالەلدەپ كەلەدى. دەمالىس كۇندەرى پەتروپاۆل قالاسىنداعى ىشكى ءاسكەرلەر اسكەري ينستيتۋتىنىڭ ءاسكەري قىزمەتشىسى اعا سەرجانت ۆيتالي ەليسوۆ ءتىلسىز جاۋدان ادام ءومىرىن اراشالاپ, اجال الدىندا قالعان ايەلدى قۇتقارىپ قالدى.
وقيعا اقپاننىڭ 4-ءى كۇنى ورىن الدى. بۇل ۋاقىتتا ۆيتالي وبلىس ورتالىعىنان شەتكەرى جاتقان بوركي كەنتىنىڭ سپورتتىق بازاسىندا بولعان ەدى. «كەنەتتەن جاقىن ماڭداعى جەر ۇيلەردەن قاتتى جارىلىس ەستىلدى. ەش ويلانباستان, دەرەۋ سول جاققا قاراي جۇگىردىم. وقيعا ورنىنا جەتكەندە, ءتۇتىندەنىپ جاتقان ءۇي ەسىگىنىڭ الدىندا قولىندا ءسابيى بار ايەلدى بايقادىم. شۇعىل ارادا ولاردى شىعارىسۋعا كومەكتەستىم», – دەيدى اعا سەرجانت ەليسوۆ, سول كۇندەگى وقيعانى ەسىنە الىپ. سويتسە, ورتەنىپ جاتقان ءۇي ىشىندە جان-ايقايى شىققان ايەلدىڭ داۋىسى ەستىلگەن ەكەن. ىشكى اسكەر جاۋىنگەرى ءوز ءومىرىنە قاۋىپ تونگەنىنە قاراماستان, ارعى بولمەلەرگە كىرگەن. جارىلىستىڭ سالدارىنان باسپانانىڭ قابىرعاسى مەن توبەسى قۇلاپتى بۇل ۋاقىتتا.
«تۇتىننەن ءۇيدىڭ ىشىندە تۇك كورىنبەي كەتتى. ءارى اۋا دا جەتىسپەدى. باسپانانىڭ كەيبىر جەرلەرىن وت شالىپ ۇلگەردى. قولدا بار كورپەشىكپەن تەز ارادا ءتىلسىز جاۋدى اۋىزدىقتادىم. قاتتى تۇتىننەن ءايەلدى بىردەن تابۋ مۇمكىن بولمادى. سودان سوڭ قۇلاعان تاقتايلاردى قوپارىپ, ءۇيىندىنىڭ استىندا قاتتى كۇيىك شالعان ادامدى كوردىم. ەسىنەن تانعان ەكەن. شۇعىل تۇردە ءۇيىندىدەن بوساتىپ, اۋلاعا الىپ شىقتىم. العاشقى مەديتسينالىق كومەك كورسەتىپ, قاۋىپسىز جەرگە ىعىستىردىم», – دەيدى ۆيتالي.
بۇل كەزدە وقيعا ورنىنا ءورت ءسوندىرۋشىلەر كەلىپ, ءتىلسىز جاۋدى تولىعىمەن اۋىزدىقتادى. ءۇي ءىشىنەن ءۇش گاز بالونى شىعارىلدى. ابىروي بولعاندا, جارىلىستان باسقا ەشكىم زارداپ شەككەن جوق. ال ولىمنەن ادام ءومىرىن اراشالاعان اعا سەرجانت ۆيتالي ەليسوۆ قازىر اسكەري ينستيتۋت باسشىلىعىنىڭ قولداۋىمەن جوعارى ناگراداعا ۇسىنىلىپ وتىر.
رۋسلان جانگۋلين, اعا لەيتەنانت.
سولتۇستىك قازاقستان وبلىسى.
