– قاراعاندىدا Fashion يندۋسترياسىن دامىتۋ كوپتەن بەرى ويىمدا ءجۇرگەن يدەيا ەدى. بۇگىندە بۇل سالانىڭ ماڭىزدى ءارى قاجەت ەكەنىنە جۇرتتىڭ دا كوزى جەتە باستادى. پىكىرلەستەرىم مەن قولداۋشىلارىمنىڭ بارلىعىنا قۋانىشتىمىن. ال اتالعان بايقاۋدىڭ جاڭا دەڭگەيگە شىققانى – ءبىز تاڭداعان جولدىڭ دۇرىستىعىن كورسەتەدى, – دەيدى جوبا اۆتورلارىنىڭ ءبىرى يرينا نەچاەۆا.
بايقاۋداعى اشەكەيشىلەر سايىسىندا قاراعاندىلىق ولگا تسەللەرگە تەڭ كەلەر ەشكىم بولمادى. قولونەر شەبەرىنىڭ كەنشىلەر قالاسىنىڭ ەرەكشەلىگىن كورسەتەتىن توپتاماسىندا تاس كومىر مەن تابيعي گۇلدەر ۇيلەسىم تاۋىپ, كوزدىڭ جاۋىن الاتىن الۋان ءتۇرلى اشەكەي بۇيىمدارىنا اينالعان. باس جۇلدەگە يە بولعان جەڭىمپاز ەندى ءماسكەۋ قالاسىندا وتەتىن حالىقارالىق بايقاۋدا باق سىنايتىن بولادى.
ولگانىڭ نەگىزگى ماماندىعى ەكونوميست. بەزەندىرۋ ديزاينىمەن ءتورت جىلدان بەرى اينالىسىپ كەلەدى.
– بارلىعى حوببيدەن باستالدى. مەن وزىمە جانە قۇربىلارىما ارنالعان اكسەسسۋارلار جاسادىم. سودان كەيىن شايىر ءۇستىنە تابيعي گۇلدەردەن اشەكەي جاساۋ تەحنولوگياسىن مەڭگەردىم. ءحوببيىم كەلە-كەلە كاسىبىمە اينالدى. قازىر كوللەكتسيالارمەن جۇمىس ىستەيمىن ءجانە ءوزىمنىڭ بىرەگەي ستيلىمدى جاساۋعا تىرىسىپ كەلەمىن, – دەيدى ولگا تسەللەر.
ال «ۇزدىك ديزاينەر» اتالىمى بويىنشا باس جۇلدە ەلوردالىق شەبەر كاميليا سۇلەيمەنوۆاعا بۇيىردى. جەڭىمپازدىڭ كيىز وڭدەۋ ىسىنە زاماناۋي لەپ بەرىپ, ونى جاڭا قىرىنان تانىتا بىلگەن شەبەرلىگى قازىلار القاسىنان جوعارى باعا الدى.
قاراعاندى
