تمد باستاۋ بولعان ينتەگراتسيا

مەملەكەت باسشىسى نۇرسۇلتان نازارباەۆ رەسەي فەدەراتسياسىنىڭ ۇكىمەتى توراعاسىنىڭ ءبىرىنشى ورىنباسارى يگور شۋۆالوۆتى قابىلدادى.پرەزيدەنت رەسەيدى تمد-عا ءتور­اعا­لىعىنىڭ باستالۋىمەن قۇتتىق­تا­دى. ن.نازارباەۆ تاۋەلسىز مەم­لەكەتتەر دوستاستىعى قازاقستاننىڭ باستاماسى بويىنشا الماتىدا 1991 جىلى 21 جەلتوقساندا قۇرىلعانىن اتاپ ءوتتى. – مەن ءبىز سول ۋاقىتتا دۇرىس شە­شىم قابىلدادىق دەپ ويلايمىن, – دەپ اتاپ ءوتتى مەملەكەت باس­شىسى. ن.نازارباەۆ سونداي-اق كەدەن­دىك وداقتى قۇرۋ جانە بىرىڭعاي ەكونوميكالىق كەڭىستىكتى قا­لىپ­تاس­تىرۋ جونىندەگى كەلىسىمدەردى كەلى­سىل­گەن مەرزىمدە ورىنداۋ قاجەتتىگىن اتاپ ءوتتى. ي.شۋۆالوۆ مەملەكەت باسشى­سىن ۇلى وتان سوعىسىنداعى جە­ڭىستىڭ 65 جىلدىعى اتاپ وتىلەتىن جىلداعى رەسەي توراعالىعى كەزىندە سوعىس ارداگەرلەرىن قولداۋ, سونداي-اق عىلىم مەن يننوۆاتسيانى دامى­تۋعا كومەكتەسۋ ماسەلەلەرىن شەشۋ نيەتىندە ەكەندىگىنەن حاباردار ەتتى. وسىعان بايلانىستى رەسەي دوس­تاس­تىق بويىنشا سەرىكتەستەرىمەن ءبىر­لە­سىپ كولىك, ەنەرگەتيكا, ەڭبەك رى­نوگى, ءبىلىم جانە مادەنيەت سالا­لارىنداعى جاڭا جوبالاردى ۇسىنۋ نيەتىندە. – كەلەسى جىلى تمد قۇرىل­عا­نىنا 20 جىل تولۋىن اتاپ وتەدى. وسى داتاعا وراي ەركىن ساۋدا ايما­عى تۋرالى جاڭا كەلىسىمدەر ازىرلەۋ قاجەت, – دەدى ي.شۋۆالوۆ كەزدەسۋ اياق­تالعاننان كەيىن. اڭگىمەلەسۋ بارىسىندا سونداي-اق 2009 جىلى قاراشادا مينسكىدە بەرىلگەن قازاقستان, بەلارۋس جانە رەسەي اراسىندا كەدەندىك وداق قۇرۋ جونىندەگى پرەزيدەنتتەردىڭ تاپ­سىرمالارىن ورىنداۋ بارىسى تۋرالى ءسوز بولدى. بۇل ءۇشىن كەدەن­دىك كودەكستى قابىلداۋ قاجەت. سو­نى­مەن قاتار, كەدەندىك قىزمەت جۇمىسىنىڭ بىرلەسكەن رەگلامەنتى, بىرىڭعاي اقپاراتتىق جۇيەنى قۇرۋ تۋرالى كەلىسسوزدەر ماڭىزدى, ال وسى­عان دەيىن ءاربىر ۇلتتىق كەدەن وسى اقپاراتتىق اعىنمەن قالاي قام­تاماسىز ەتىلەتىنىن ويلانۋ قاجەت. ي.شۋۆالوۆ ن.نازارباەۆتى كەدەندىك وداق كوميسسياسىنىڭ سوڭ­عى وتىرىسىندا قابىلدانعان شە­شىم تۋرالى, ياعني 1 شىلدەدەن باستاپ 2012 جىلعى 1 قاڭتارعا قا­راي بىرىڭعاي ەكونوميكالىق كەڭىس­تىكتى قۇرۋ جونىندەگى قۇجاتتار پاكە­تىن قالىپتاستىرۋ ۇدەرىسى باستالا­تىندىعىنان حاباردار ەتتى. بۇل ءبىز بىرلەسىپ كۇش-ءجى­گە­رىمىزدى سالۋ ارقىلى العا جىلجي­تىن ينتەرگاتسيانىڭ كەلەسى ساتىسى, – دەپ اتاپ ءوتتى ي.شۋۆالوۆ. قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.