قاقتىعىستا 30 ادام قۇربان بولدى
سەيسەنبى, 4 قىركۇيەك 2012 7:32
تۇركيانىڭ وڭتۇستىك-باتىسىنداعى شيرناك پروۆينتسياسىندا اسكەريلەرمەن كۇرد سودىرلارىنىڭ قاقتىعىسىنان 30 ادام قۇربان بولدى. «رەيتەر»اگەنتتىگىنىڭ حابارلاۋىنشا, ولاردىڭ 21-ءى كوتەرىلىسشىلەر كورىنەدى.
سەيسەنبى, 4 قىركۇيەك 2012 7:32
تۇركيانىڭ وڭتۇستىك-باتىسىنداعى شيرناك پروۆينتسياسىندا اسكەريلەرمەن كۇرد سودىرلارىنىڭ قاقتىعىسىنان 30 ادام قۇربان بولدى. «رەيتەر»اگەنتتىگىنىڭ حابارلاۋىنشا, ولاردىڭ 21-ءى كوتەرىلىسشىلەر كورىنەدى.
سودىرلاردىڭ شابۋىلىنا قارسى سوققى بەرگەن كەزدە قۇقىق قورعاۋ كۇشتەرىنىڭ توعىز قىزمەتكەرى مەرت بولىپ, سەگىزى جارالانعان. كۇرد جۇمىسشى پارتياسىنىڭ كوتەرىلىسشىلەرى 2 قىركۇيەك كۇنى كەشكىسىن قۇقىق قورعاۋ قىزمەتكەرلەرىنە ءارتۇرلى جەردەن ءتورت مارتە شابۋىل جاساعان. قاقتىعىس بولعان اۋداندا ءۇش ساعات بويى ەلەكتر جارىعى بولماعان. ال تاراپتار اراسىنداعى ۇرىس تۇركيانىڭ سيريا جانە يراكپەن شەكتەسەتىن شەكارا ماڭىندا وتكەن. اتالعان اگەنتتىكتىڭ اقپاراتتارى بويىنشا, تۇركيا اۋماعىندا تىيىم سالىنعان كۇرد جۇمىسشى پارتياسى مەن تۇركيا بيلىگى اراسىنداعى قارسى تۇرۋشىلىق 30 جىلدان بەرى توقتاماي كەلەدى.
راقىمشىلىققا قارسىلىق ءبىلدىردى
ۆەنگريا سىرتقى ىستەر مينيسترلىگىنىڭ مەملەكەتتىك حاتشىسى جولت نەمەتازەربايجاننىڭ بۋداپەشتتەگى ەلشىسىنە ارميان وفيتسەرىن ولتىرگەن راميلسافاروۆقا باكۋدىڭ راقىمشىلىق جاساۋ تۋرالى شەشىمىنە بايلانىستىرەسمي قارسىلىق ءبىلدىردى.
«نوۆوستي» اقپارات اگەنتتىگى سايتىنىڭ جازۋىنشا, ۆەنگريا بيلىگى سافاروۆقا راقىمشىلىق جاساۋ جونىندەگى شەشىمدى نەگىزسىز دەپ ەسەپتەيدى. ۆەنگريا سونداي-اق ازەربايجاندى ءومىر بويى تۇرمەدە وتىرۋ جازاسىنا كەسىلگەن سافاروۆتىڭ مەرزىمىن ازەربايجاندا وتەۋ تۋرالى ەكىجاقتى كەلىسىمدى بۇزدى دەپ ايىپتايدى. ايتا كەتەيىك, ازەربايجاندىق وفيتسەر راميل سافاروۆ 2004 جىلى ۆەنگريادا اعىلشىن ءتىلىن ۇيرەنۋ كۋرسىنان ءوتىپ جاتقان كەزدە ارمەنيا قارۋلى كۇشتەرىنىڭ اعا لەيتەنانتى گۋرگەن مارگارياندى بالتامەن شاۋىپ ولتىرگەن ەدى.
نەستەروۆتى قىزمەتىنەن بوساتتى
رەسەي پرەزيدەنتى ۆلاديمير پۋتين حرۋنيچەۆ اتىنداعى عارىش ورتالىعىنىڭ باس ديرەكتورى ۆلاديمير نەستەروۆتى قىزمەتىنەن بوساتتى. جارلىققا 31 تامىزدا قول قويىلعان ەكەن. بىراق قۇجات كەشە عانا جاريا ەتىلدى.
«ينتەرفاكس» اگەنتتىگىنىڭ مالىمەتتەرىنە قاراعاندا, ۆ.نەستەروۆ ءوزىن قىزمەتتەن بوساتۋ جونىندە 7 تامىز كۇنى ءوتىنىش بەرگەن سياقتى. ويتكەنى, تامىز ايىنىڭ باسىندا حرۋنيچەۆ اتىنداعى عارىش ورتالىعى «ەكسپرەسس-مد2» جانە «تەلكوم-3» سپۋتنيكتەرىن اۋە كەڭىستىگىنە شىعارا الماعان ەدى. كوميسسيا ولاردى جاساۋ كەزىندە وندىرىستىك قاتەلىكتەر جىبەرىلگەن دەپ تاپتى. وسىدان كەيىن-اق باس ديرەكتوردىڭ قىزمەتىنەن كەتەتىندىگى ءجيى ايتىلا باستاعان. وعان ەندى قانداي قىزمەت ۇسىنىلاتىنى بەلگىسىز.
وبالىنا ۇلى قالدى
قىتاي كوممۋنيستىك پارتياسى ورتالىق كوميتەتى باس باسقارماسىنىڭ جەتەكشىسى لين تسزيحۋا ۇلىنىڭ جول-كولىك وقيعاسىن جاساۋىنا بايلانىستى قىزمەتىنەن كەتۋگە ءماجبۇر بولدى. بۇل جونىندە «رەيتەر» اگەنتتىگى حابارلادى.
اتالعان اگەنتتىكتىڭ حابارلاۋىنشا, لين تسزيحۋا قحر توراعاسى حۋ تسزينتاونىڭ جاقىن سەرىكتەرىنىڭ ءبىرى بولىپ تابىلادى. سونداي-اق, ونى جاقىن كۇندەرى قكپ ساياسي بيۋروسى ۇيىمداستىرۋ ءبولىمىنىڭ باسشىسى ەتىپ تاعايىنداۋى ءتيىس بولعان. بۇل ءبولىم ەلدىڭ جوعارى لاۋازىمىنا قىزمەتكەرلەردى تاعايىنداۋ جانە قىزمەتتەرىنەن بوساتۋ ىستەرىن جۇرگىزەدى ەكەن. ەندى ونىڭ وبالىنا ۇلى قالىپ وتىر. كىشى لين وسى جىلدىڭ ناۋرىزىندا «فەرراري» اۆتوكولىگىن جۇرگىزىپ كەلە جاتقاندا اپاتقا ۇشىراپ, كولىكتەگى ءۇش ادامنىڭ بىرەۋى قايتىس بولعان. بۇل قىتاي قوعامىندا اشۋ-ىزا تۋعىزعان. اگەنتتىكتىڭ جازۋىنشا, ءوزىنىڭ سەرىكتەسىن ەل باسشىسى دا قورعاپ قالا الماعان.
كانديداتتاردىڭ رەيتينگى تەڭەستى
«رەيتەر» اگەنتتىگىنىڭ تاراتقان اقپاراتتارىنا قاراعاندا, اقش-تىڭ قازىرگى پرەزيدەنتى باراك وباما مەن ونىڭ پرەزيدەنتتىك سايلاۋداعى باسەكەلەسى ميتت ءرومنيدىڭ رەيتينگى تەڭەسكەن. سۇراۋ سالۋ ناتيجەسى وسىنى كورسەتكەن.
قازىرگى كەزدە كانديداتتاردىڭ ەكەۋىنە دە سايلاۋشىلاردىڭ 45 پايىزى داۋىس بەرۋگە دايىن ەكەنىن بىلدىرگەن. ونلاين جۇيەسى بويىنشا داۋىس بەرۋگە 1,4 مىڭ امەريكالىق قاتىسىپتى. ساراپشىلاردىڭ پىكىرىنشە, ءرومنيدىڭ رەيتينگى 31 تامىزدا فلوريدا شتاتىندا وتكەن رەسپۋبليكاشىلار پارتياسىنىڭ سەزىنەن كەيىن ءبىرشاما وسە تۇسكەن. بۇعان دەيىن باراك وبامانىڭ سايلاۋشىلار اراسىنداعى رەيتينگى جوعارى تۇرعان ەدى. سۇراۋ سالىنعان سايلاۋشىلاردىڭ 46 پايىزى باراك وباماعا, 42 پايىزى ميتت رومنيگە داۋىس بەرەتىندەرىن ايتقان-دى. اقش-تا پرەزيدەنتتىك سايلاۋ 2012 جىلعى قاراشادا وتەدى.
قىسقا قايىرىپ ايتقاندا:
*اۋعانستان پرەزيدەنتى حاميد كارزاي ەلدىڭ بارلاۋ قىزمەتىنىڭ باسشىلىعىنا شەكارالاس اۋماقتار ماسەلەسى جونىندەگى مينيستر اسادۋللا ءحاليدتىڭ كانديداتۋراسىن ۇسىندى. قۇقىق قورعاۋشىلار ونىڭ كانديداتۋراسىنا قارسىلىق بىلدىرۋدە.
*بريتانيا بيلىگى ەگيپەتتىڭ بۇرىنعى پرەزيدەنتى حوسني مۇباراكتىڭ وتباسى مۇشەلەرى مەن سەرىكتەرى اكتيۆتەرىنىڭ بارلىعىن توقتاتپاعان. بۇل جونىندە سوڭعى التى ايداعى تەرگەۋ امالدارى كورسەتتى, دەپ حابارلادى ۆۆس تەلەراديوكومپانياسى.
*پولشا ەۋروايماققا وزدەرىنىڭ قارىزدارىنا بايلانىستى پروبلەما شەشىلگەننەن كەيىن عانا قوسىلادى. ەلدىڭ سىرتقى ىستەر ءمينيسترى رادوسلاۆ سيكورسكي وسىلاي دەپ مالىمدەدى.
* سيريا ۇكىمەتىنىڭ اۆياتسياسى كەشە ەرتەڭگىسىن اۋەدەن ال-باب قالاسىنا بىرنەشە رەت سوققى بەردى. ونىڭ سالدارىنان ءبىر تۇرعىن ءۇي تولىق قيراپ, 18 بەيبىت تۇرعىن قۇربان بولدى. اراسىندا ايەلدەر مەن بالالار دا بار.
ينتەرنەت ماتەريالدارى نەگىزىندە ازىرلەندى.
