يران جاۋاپكەرشىلىكتى اقش-قا جۇكتەدى
سارسەنبى, 8 تامىز 2012 7:59
شار اينا
يران قاسيەتتى ورىندارعا قۇلشىلىق ەتۋگە بارىپ سيريادا كەپىلدىككەالىنعان يراندىقتاردىڭ تاعدىرى ءۇشىن جاۋاپكەرشىلىكتى اقش-تىڭموينىنا جۇكتەپ وتىر.
يران يسلام رەسپۋبليكاسىنىڭ سىرتقى ىستەر ءمينيسترىنىڭ ورىنباسارى حوسەين ءامىر ابدوللاحيان ۆاشينگتونعا سيرياداعى تەررورلىق توپتاردى قولدايتىن جانە ولارعا قارۋ-جاراق جىبەرەتىن اقش داماسكىدە 48 يراندىقتىڭ ۇرلانۋىنا كىنالى دەگەن جولداۋ جىبەرگەن.
سارسەنبى, 8 تامىز 2012 7:59
شار اينا
يران قاسيەتتى ورىندارعا قۇلشىلىق ەتۋگە بارىپ سيريادا كەپىلدىككەالىنعان يراندىقتاردىڭ تاعدىرى ءۇشىن جاۋاپكەرشىلىكتى اقش-تىڭموينىنا جۇكتەپ وتىر.
يران يسلام رەسپۋبليكاسىنىڭ سىرتقى ىستەر ءمينيسترىنىڭ ورىنباسارى حوسەين ءامىر ابدوللاحيان ۆاشينگتونعا سيرياداعى تەررورلىق توپتاردى قولدايتىن جانە ولارعا قارۋ-جاراق جىبەرەتىن اقش داماسكىدە 48 يراندىقتىڭ ۇرلانۋىنا كىنالى دەگەن جولداۋ جىبەرگەن. اتالعان توپ سيرياداعى شيتتەردىڭ قاسيەتتى ورىندارىنا قۇلشىلىق ەتۋگە بارعان. سول جەردە ولاردى سيريا ەرىكتى ارمياسىنىڭ سودىرلارى قولعا تۇسىرگەن بولاتىن. وپپوزيتسيونەرلەر كەپىلدىككە الىنعاندارعا يران رەجىمىنىڭ شپيوندارى دەگەن كىنا تاعىپ وتىر.
بۇۇ باقىلاۋشىلارى الەپپودان شىعارىلدى
قاۋىپسىزدىك جاعدايلارىنا بايلانىستى بۇۇ باقىلاۋشىلارى سيريانىڭالەپپو قالاسىنان شىعارىلدى.
وسىلايشا كۇنى قارۋ-جاراقتارى جوق 20 باقىلاۋشى داماسكىدەگى شتاب-پاتەرلەرىنە قايتىپ ورالعان. بۇۇ ميسسياسى وكىلىنىڭ ايتۋىنشا, بۇل شارا ۋاقىتشا سيپاتقا يە, جاعداي قالپىنا تۇسكەننەن كەيىن باقىلاۋشىلار ءوز جۇمىستارىن ودان ءارى جالعاستىراتىن بولادى. سوڭعى بىرنەشە كۇندە ۇكىمەت اسكەرلەرى ەرەۋىلشىلەر باقىلاۋىنداعى الەپپودا ءوز وپەراتسيالارىن كەڭەيتە تۇسكەن بولاتىن. ورىن العان قاقتىعىستار ناتيجەسىندە سوڭعى ەكى اپتادا جۇزدەگەن ادامنىڭ قازا تاپقانى دا بەلگىلى بولىپ وتىر.
كەمەدە ورىن العان اتىس
اقش-تىڭ دەترويت قالاسىنداعى قوعامدىق ورىندا تاعى دا ادامدارعا وقاتۋ وقيعاسى ورىن الدى.
دەترويت پورتىندا «دەترويت حانشايىمى» كورابلىندە ساپارلاستارىمەن ارادا بولعان داۋ-جانجالدان كەيىن ءبىر ايەل ادامدارعا قاراي وق اتقان. سونىڭ سالدارىنان 4 ەركەك پەن 1 ايەل اۋىر جاعدايدا اۋرۋحاناعا جەتكىزىلگەن. زارداپ شەككەن ايەلدەردىڭ ءبىرىنىڭ كورابل ەكيپاجىنىڭ قۇرامىنا كىرەتىنى بەلگىلى بولىپ وتىر. وزگە ادامدار تۋرالى ازىرگە ناقتى مالىمەتتەر جوق. وسى ورايدا اقش-تا ەكى كۇن ىشىندە ادامدارعا قاراي وق اتۋدىڭ ەكى بىردەي وقيعاسىنىڭ تىركەلىپ وتىرعانىن ايتا كەتۋ قاجەت.
مىڭداعان ميگرانت قاماۋعا الىندى
گرەكيا قۇقىق قورعاۋ ورگاندارى جۇرگىزگەن وپەراتسيالار بارىسىندا 1130 زاڭسىز ميگرانتتار قاماۋعا الىنعان.
كەيبىر مالىمەتتەرگە قاراعاندا, ەل وكىمەتى وسىلايشا بالكانعا ءوتىپ كەتۋگە تالپىنىس جاساپ جاتقان سيريالىق بوسقىندارعا بەلگى بەرمەك نيەتتە. سونىمەن بىرگە افينا زاڭسىز ميگرانتتاردىڭ ءوتىپ كەتۋ قاۋپى بار تۇركيامەن شەكارانى كۇزەتۋدى كۇشەيتە ءتۇسۋ جونىندە دە شارالار قابىلداپ وتىر. قازىرگى ۋاقىتتا گرەكيانىڭ ەۋرووداققا زاڭسىز قونىس اۋدارۋشىلار ءۇشىن «قاقپاعا» اينالىپ وتىرعانىن ايتا كەتۋ كەرەك. زاڭسىز ميگرانتتاردىڭ 80 پايىزدان استامى وسى بالكان ەلى ارقىلى وتەتىن كورىنەدى.
رومني اقشا جيناۋدان وزىپ تۇر
اقش پرەزيدەنتتىگىنە كانديدات ميتت ءرومنيدىڭ سايلاۋالدى قورى شىلدە ايىندا قازىرگى پرەزيدەنت باراك وبامانىڭ قورىنا قاراعاندا الدەقايدا كوپ اقشا جيناعان.
شىلدە ايى ىشىندە ءرومنيدىڭ سايلاۋالدى قورىنا 101 ميلليون دوللار تۇسسە, وباما قورىنا 75 ميلليون دوللار عانا تۇسكەن. وسىمەن رەسپۋبليكالىق پارتيادان تۇسكەن كانديدات وبامانى سايلاۋالدى ناۋقانىنا جيناعان قارجىنىڭ كولەمى بويىنشا قاتارىنان 3 اي بويى باسىپ وزىپ كەلەدى. بيىلعى سايلاۋالدى ناۋقانى اقش تاريحىنداعى ەڭ قىمبات ناۋقان بولادى دەپ كۇتىلۋدە. رومني قورىنداعى قارجىنىڭ 75 پايىزىن نەبارى 6 پايىزدى قۇرايتىن ونىڭ جاقتاۋشىلارى تۇسىرگەن كورىنەدى.
تاعىلعان ايىپتى تەرىسكە شىعاردى
يزرايل وكىمەتى 16 پوليتسەيدىڭ قازا تابۋىنا سوقتىرعان سيناي جارتى ارالىنداعى تەررورلىق شابۋىلعا قاتىستى وزدەرىنە تاعىلعان ايىپتى تەرىسكە شىعاردى.
بۇعان دەيىن «مۇسىلمان باۋىرلار» قوزعالىسى قۇقىق قورعاۋ قىزمەتكەرلەرىنىڭ قازا تابۋىنا يزرايلدىك موسساد بارلاۋ قىزمەتى كىنالى دەپ مالىمدەگەن بولاتىن. ءيزرايلدىڭ قورعانىس ءمينيسترى ەحۋد باراك ەگيپەت وكىمەتىن سينايداعى اسكەري نىساندار قاۋىپسىزدىگىنە كوبىرەك كوڭىل بولۋگە شاقىردى. ءوز كەزەگىندە ەگيپەت پرەزيدەنتى قورقاۋلىق شابۋىل جاساعانداردىڭ جازاسىز قالمايتىنىن مالىمدەپ وتىر.
التسگەيمەر اۋرۋىنا ەم تابىلماي وتىر
امەريكالىق «پفايزەر» جانە «دجونسون ەند دجونسون» كومپانيالارى التسگەيمەر اۋرۋى جاعدايىندا ەستە ساقتاۋ قابىلەتىنىڭ تومەندەۋ زارداپتارىن جەڭىلدەتۋ ءۇشىن پرەپارات ويلاپ تابۋ جونىندەگى جۇمىستى تولىق توقتاتاتىنىن مالىمدەدى.
ولار مۇنداي قورىتىندىعا وزدەرى جۇرگىزگەن زەرتتەۋلەر ناتيجەسىندە كەلىپ وتىر. مەديتسينا قىزمەتكەرلەرى ناۋقاستاردى قاتىستىرا وتىرىپ جۇرگىزگەن زەرتتەۋ بارىسىندا وزدەرى جاساپ شىعارعان پرەپاراتتىڭ ناۋقاستارعا ونشالىق وڭ اسەر ەتپەيتىنىنە كوز جەتكىزگەن.
ينتەرنەت ماتەريالدارى نەگىزىندە ازىرلەندى.
