شاراينا
سەيسەنبى, 10 شىلدە 2012 7:25
زارداپ شەككەندەر سانى – 24 مىڭ
كراسنودار ولكەسىنىڭ قىرىم اۋدانىنداعى سۋ تاسقىنى سالدارىنان 24 مىڭ ادام زارداپ شەككەن. تابيعات اپاتىنان كوز جۇمعاندار سانى, ءىىم-ءنىڭ سوڭعى ءمالىمەتتەرى بويىنشا, 171 ادامدى قۇراپ وتىر. وپات بولعان ادامداردىڭ وتباسىنا فەدەرالدىق بيۋدجەتتەن 1 ملن. رۋبل, ءوڭىر بيۋدجەتىنەن تاعى 1 ملن. رۋبل تولەنبەكشى.
سەيسەنبى, 10 شىلدە 2012 7:25
زارداپ شەككەندەر سانى – 24 مىڭ
كراسنودار ولكەسىنىڭ قىرىم اۋدانىنداعى سۋ تاسقىنى سالدارىنان 24 مىڭ ادام زارداپ شەككەن. تابيعات اپاتىنان كوز جۇمعاندار سانى, ءىىم-ءنىڭ سوڭعى ءمالىمەتتەرى بويىنشا, 171 ادامدى قۇراپ وتىر. وپات بولعان ادامداردىڭ وتباسىنا فەدەرالدىق بيۋدجەتتەن 1 ملن. رۋبل, ءوڭىر بيۋدجەتىنەن تاعى 1 ملن. رۋبل تولەنبەكشى.
كراسنودار ولكەسىندەگى سۋ تاسقىنىنا شەلەكتەپ جاۋعان نوسەر جاڭبىر سەبەپ بولعان ەدى. رەسەي پرەزيدەنتى ۆلاديمير پۋتين اپتانىڭ سوڭىنا دەيىن كۋبانداعى گيدروتەحنيكالىق قۇرىلىستار جۇمىسىنا ساراپتاما جۇرگىزىپ, وزىنە ۇسىنۋدى تالاپ ەتتى. جالپى, ۇلكەن شىعىنعا اكەلگەن اپاتقا گيدروتەحنيكالىق قۇرىلعىلارداعى كىناراتتار سەبەپ بولعان سەكىلدى.
اساد اقش-تى كىنالى سانايدى
سيريا پرەزيدەنتى باشار اساد اقش-تى لاڭكەستەرگە كومەك كورسەتۋدە جانە ەلدەگى جاعدايدى تۇراقسىزداندىرۋدا دەپ ايىپتادى. اسادتىڭ سوزىنە قاراعاندا, اقش سيرياداعى جانجالدارعا دەم بەرۋشى بولىپ تابىلادى. سوندىقتان بەيبىت تۇرعىنداردىڭ ولىمىنە دە جاۋاپ بەرۋى ءتيىس.
سيريا پرەزيدەنتى سونداي-اق انكارا ونىڭ قارسىلاستارىنا كونتراباندالىق وي-پيعىلدارىن جۇزەگە اسىرۋ ءۇشىن لوگيستيكالىق قولداۋ كورسەتىپ وتىر دەپ تۇركيانى دا ايىپتاعان پىكىر ءبىلدىردى. سونىمەن ءبىر مەزگىلدە, اساد ەگەر قانداي دا ءبىر ەل سيرياداعى پروبلەمالاردى شەشۋگە كومەكتەسكىسى كەلگەن جاعدايدا, ءتىپتى ول اقش بولسا دا, ەسىك اشىق ەكەنىن مالىمدەدى.
ءبىر تاۋلىكتە 30 ادام وپات بولدى
اۋعانستاندا 8 شىلدە كۇنى بومبالاردىڭ جارىلۋى مەن سودىرلاردىڭ شابۋىلىنان تۇتاستاي العاندا 30 ادام وپات بولعان. ولاردىڭ 7-ەۋى ناتو-نىڭ اسكەري قىزمەتشىلەرى بولسا, 16-سى بەيبىت تۇرعىندار, سونداي-اق ارالارىندا 5 جەرگىلىكتى پوليتسيا قىزمەتكەرى مەن ناتو-نىڭ 2 ازاماتتىق قىزمەتكەرى بار.
ناقتىراق ايتقاندا, 6 امەريكالىق اسكەري قولدان جاسالعان مينا جارىلىسىنان كوز جۇمعان. ودان بۇرىن تۋرا وسىنداي جاعدايدا تاعى ءبىر كواليتسيالىق كۇشتەردىڭ اسكەري قىزمەتكەرى وپات بولعان ەدى. ال بەيبىت تۇرعىندار كانداگار پروۆينتسياسىندا جاسالعان 3 جارىلىستىڭ سالدارىنان قازا تاپقان. جىل باسىنان بەرى اۋعانستاندا ناتو-نىڭ كەم دەگەندە 234 اسكەري قىزمەتشىسى وپات بولىپتى.
العاشقى پرەزيدەنت وتانىنا ورالدى
ازەربايجاننىڭ العاشقى پرەزيدەنتى اياز مۋتاليبوۆ 7 شىلدە كۇنى كەشكىسىن 20 جىلدىق ۇزىلىستەن كەيىن وتانىنا ورالدى. ول وسىنشا جىل رەسەيدە تۇرىپ كەلگەن ەدى. ەلدىڭ العاشقى باسشىسىنىڭ ورالۋى پارلامەنتتىڭ ءتيىستى زاڭ قابىلداۋىنا وراي مۇمكىن بولدى.
ازەربايجان پارلامەنتى «بۇرىنعى پرەزيدەنت پەن ونىڭ وتباسى مۇشەلەرىن قامتاماسىز ەتۋ تۋرالى» زاڭ قابىلداعان ەدى. ءسويتىپ, ەكس-پرەزيدەنت قىلمىستىق جاۋاپتىلىقتان بوساتىلعان-تىن. بۇعان قوسا, مۋتاليبوۆ اي سايىن ءىس باسىنداعى پرەزيدەنت جالاقىسىنىڭ 50 پايىزى كولەمىندە زەينەتاقى الىپ تۇراتىن بولادى. بۇرىنعى پرەزيدەنت قايتىس بولعان جاعدايدا ونىڭ زەينەتاقىسى زايىبىنا كوشەدى.
ىستىقتان 74 امەريكالىق كوز جۇمدى
ەكى اپتا ىشىندە اقش-تا اپتاپ ىستىقتان كەم دەگەندە 74 ادام قايتىس بولعان. اسىرەسە, اقش-تىڭ ورتا باتىسى مەن شىعىسى كوپ زارداپ شەككەن. بىرقاتار شتاتتاردا اۋانىڭ تەمپەراتۋراسى وسى مەزگىلدەگىدەن ايتارلىقتاي جوعارى كورىنەدى.
ماسەلەن, چيكاگودا 6 شىلدە كۇنى اۋانىڭ تەمپەراتۋراسى 38 گرادۋس ىستىق دەڭگەيىندە بولعان. سەنت-لۋيستە (ميسسۋري شتاتى) 10 كۇن بويى وسىنداي جانە ودان جوعارى تەمپەراتۋرا ۇستالىپ تۇرعان. ال كولۋمبيا وكرۋگىندە 38 گرادۋستىق ىستىق 8 شىلدەگە دەيىن جالعاسقان. سولت-لەيك-سيتيدە 11 شىلدە كۇنى اۋانىڭ تەمپەراتۋراسى شامامەن 40 گرادۋسقا دەيىن كوتەرىلەدى دەپ كۇتىلۋدە.
قىسقا قايىرىپ ايتقاندا:
l قۇراما شتاتتار اۋعانستانعا 2017 جىلعا دەيىن قارجىلاي كومەككورسەتۋ نيەتىندە. بۇل تۋرالى اقش-تىڭ مەملەكەتتىك حاتشىسىحيللاري كلينتون توكيودا اشىلعان اۋعانستان جونىندەگى حالىقارالىقكونفەرەنتسيادا جاريا ەتتى.
l مەكسيكالىق اسكەريلەر اقش-پەن شەكارادا ەسىرتكى وتكىزۋ ءۇشىنپايدالانىلىپ كەلگەن توننەل تاپقان. ونىڭ ۇزىندىعى 230 مەتربولسا, 20 مەتر تەرەڭدىكتە قازىلعان ەكەن. بيلىك باسىنداعىلاردىڭمالىمەتىنشە, 1990 جىلدان بەرى وسىنداي 150-دەن استام توننەلدەرتابىلىپتى.
l 7 شىلدە كۇنى ۋكراينانىڭ چەرنيگوۆ وبلىسىندا رەسەيلىك 43 ادام مىنگەناۆتوبۋس اپاتقا ۇشىراپ, 14 ادام قازا تاپقان بولاتىن. جولقوزعالىسى قاۋىپسىزدىگى ەرەجەلەرى بۇزىلعان دەگەن باپ بويىنشاقىلمىستىق ءىس قوزعالىپ, جۇرگىزۋشى قاماۋعا الىندى.
l ۇستىمىزدەگى جىلى سولتۇستىك كورەيانىڭ ەكونوميكاسى 0,8 پايىزعا وسكەن. وسىنداي ءوسۋ كورىنىسى 2010 جىلى دا بايقالعان بولاتىن. سول جىلعى ءوسىم 0,5 پايىزدى قۇراعان ەدى. وسىلايشا سولتۇستىك كورەيا ەكونوميكاسى سوڭعى التى جىلدا ەكىنشى مارتە ءوسىپ وتىر. سوعان قاراماستان, كحدر الەمدەگى ەڭ كەدەي ەلدەردىڭ ءبىرى بولىپ قالۋدا.
ينتەرنەت ماتەريالدارى نەگىزىندە ازىرلەندى.
