يسلاميست-ۇمىتكەر – مىسىر پرەزيدەنتى
سەيسەنبى, 26 ماۋسىم 2012 7:51
وتكەن جەكسەنبى كۇنى ەگيپەتتىڭ ورتالىق سايلاۋ كوميسسياسى ەلدەگى سايلاۋدىڭ ەكىنشى تۋرىندا سايلاۋشىلاردىڭ 52 پايىزدان استامى داۋىسىن بەرگەن موحاممەد مۋرسيدىڭ جەڭىسكە جەتكەنىن حابارلادى. ال ونىڭ قارسىلاسى, بۇرىنعى پرەمەر-مينيستر احمەد شافيك 48 پايىز داۋىس الدى. سايلاۋشىلاردىڭ سايلاۋ ۋچاسكەلەرىنە كەلۋ كورسەتكىشى 51,8 پايىزدى قۇرادى. ەل ءۇشىن تاعدىرشەشتى كەزەڭدە سايلاۋ ۋچاسكەلەرىنە داۋىس بەرۋشىلەردىڭ جارتىسىنان ءسال استامى عانا كەلۋى وسىنشاما ۋاقىتقا سوزىلعان داعدارىستى كەزەڭ كوپشىلىككە سونشالىقتى اسەر ەتە قويماعانداي كورىنەدى.
سەيسەنبى, 26 ماۋسىم 2012 7:51
وتكەن جەكسەنبى كۇنى ەگيپەتتىڭ ورتالىق سايلاۋ كوميسسياسى ەلدەگى سايلاۋدىڭ ەكىنشى تۋرىندا سايلاۋشىلاردىڭ 52 پايىزدان استامى داۋىسىن بەرگەن موحاممەد مۋرسيدىڭ جەڭىسكە جەتكەنىن حابارلادى. ال ونىڭ قارسىلاسى, بۇرىنعى پرەمەر-مينيستر احمەد شافيك 48 پايىز داۋىس الدى. سايلاۋشىلاردىڭ سايلاۋ ۋچاسكەلەرىنە كەلۋ كورسەتكىشى 51,8 پايىزدى قۇرادى. ەل ءۇشىن تاعدىرشەشتى كەزەڭدە سايلاۋ ۋچاسكەلەرىنە داۋىس بەرۋشىلەردىڭ جارتىسىنان ءسال استامى عانا كەلۋى وسىنشاما ۋاقىتقا سوزىلعان داعدارىستى كەزەڭ كوپشىلىككە سونشالىقتى اسەر ەتە قويماعانداي كورىنەدى.
ەگيپەتتىڭ جاڭا پرەزيدەنتى سايلانعاننان كەيىنگى سويلەگەن ءوزىنىڭ العاشقى سوزىندە بۇكىل مىسىرلىقتاردىڭ پرەزيدەنتى بولاتىنىن مالىمدەدى. سونداي-اق ول ءوز ەلىنىڭ بۇعان دەيىن قابىلداعان حالىقارالىق كەلىسىمدەرىنەن باس تارتپايتىنىن اتاپ كورسەتتى. سونىمەن قاتار, وتانداستارىن ۇلتتىق بىرلىكتى نىعايتۋعا شاقىرىپ, قالىپتاسقان كۇردەلى جاعدايدان وسى بىرلىكتىڭ عانا كومەگىمەن شىعۋعا بولاتىنىن جەتكىزدى.
مۋرسي سايلاۋعا «مۇسىلمان باۋىرلار» قوزعالىسىنان جانە سايلاۋعا ىلگەرىلەتىلگەن يسلامدىق بوستاندىق جانە ادىلەتتىلىك پارتياسىنان تۇسكەن بولاتىن. اتالعان پارتيا «مۇسىلمان باۋىرلار» قوزعالىسىنىڭ ساياسي قاناتى بولىپ سانالادى.
يسلاميستەر ءمۋرسيدىڭ جەڭىسىن قۋانا قابىلدادى. گازا سەكتورىنىڭ كوشەلەرىندە تۇرعىندار اسپانعا وق اتىپ, وتكەن-كەتكەنگە كامپيتتەر تاراتتى. پالەستينانىڭ حاماس قوزعالىسىنىڭ وكىلدەرى مىسىرلىقتار پرەزيدەنتتى تەك وزدەرىنە عانا ەمەس, سونداي-اق اراب جانە يسلام حالىقتارىنا سايلاعانىن جاريا ەتتى. يران سىرتقى ىستەر مينيسترلىگى ءوزىنىڭ رەسمي مالىمدەمەسىندە «مىسىر حالقىنىڭ رەۆوليۋتسيالىق قوزعالىسى تاياۋ شىعىس پەن يسلامدى ۇيقىدان وياتۋ جاڭا ءداۋىرى دامۋىنىڭ سوڭعى كەزەڭىندە تۇرعانىن» اتاپ ءوتتى.
وسى ارالىقتا باسقا تاياۋ شىعىس مەملەكەتتەرى مەن باتىس ءمۋرسيدىڭ پرەزيدەنت بولىپ سايلانۋىنا ۇستامدى كوزقاراس تانىتتى. ماسەلەن, ساۋد ارابياسىنىڭ بيلىگى يسلاميست-ۇمىتكەردىڭ جەڭىسىنە ەشقانداي تۇسىنىك بەرمەسە, بىرىككەن اراب امىرلىكتەرى مىسىر حالقىنىڭ تاڭداۋىنا قۇرمەتپەن قارايتىندارىن مالىمدەۋمەن عانا شەكتەلدى.
اقش ەگيپەتتىڭ جاڭا پرەزيدەنتىن جاڭا ۇكىمەت جاساقتاۋدا بارلىق پارتيالارمەن جانە قوعامدىق قوزعالىستارمەن كۇش بىرىكتىرە جۇمىس ىستەۋگە شاقىرىپ, ەلدىڭ دۇنيە ءجۇزى مەن وڭىردەگى سالماقتى ءرولىن ساقتاپ قالۋعا شاقىردى. ۇلىبريتانيا سىرتقى ءىستەر مينيسترلىگى جاڭا ۇكىمەتتى ەگيپەت قوعامىنىڭ جەكەلەگەن توپتارى اراسىندا تىعىز بايلانىس ورناتىپ, ادام قۇقىعىن ساقتاۋدى قامتاماسىز ەتۋگە شاقىردى. ەۋرووداقتىڭ باسقا مەملەكەتتەرىنىڭ ءۇنى دە وسىعان ۇقساس شىقتى.
تۇركيا جاڭا پرەزيدەنتكە ونىڭ الدىندا ايتارلىقتاي سىناقتار كۇتىپ تۇر دەپ ەسكەرتسە, يزرايل ءمۋرسيدىڭ جەڭىسىنە قۇرمەتپەن قارايتىنىن اتاپ كورسەتىپ, ونى ەگيپەتتىڭ تاعىنان تايدىرىلعان پرەزيدەنتى حوسني مۇباراك 33 جىل بويى ساقتاپ كەلگەن بەيبىت ۋاعدالاستىقتاردان باس تارتپاۋعا شاقىردى.
