تۋريزم جاعدايى تالقىلاندى
سەنبى, 16 ماۋسىم 2012 6:43
12-13 ماۋسىمدا مادريد قالاسىندا قازاقستان رەسپۋبليكاسىنىڭ ەلشىسى, بۇۇ دۇنيەجۇزىلىك تۋريستىك ۇيىمى جانىنداعى تۇراقتى وكىلى باقىت دۇيسەنباەۆ دتۇ-نىڭ اتقارۋشى كەڭەسىنىڭ 93-ءشى سەسسياسىنا قاتىستى.
ۇيىمعا مۇشە ەلدەردىڭ دەلەگاتسيالارىنان باسقا, سەسسيا جۇمىسىنا استۋريا حانزاداسى فەليپە جانە يسپانيانىڭ يندۋستريا, ەنەرگەتيكا جانە تۋريزم ءمينيسترى حوسە مانۋەل سوريا قاتىستى.
سەنبى, 16 ماۋسىم 2012 6:43
12-13 ماۋسىمدا مادريد قالاسىندا قازاقستان رەسپۋبليكاسىنىڭ ەلشىسى, بۇۇ دۇنيەجۇزىلىك تۋريستىك ۇيىمى جانىنداعى تۇراقتى وكىلى باقىت دۇيسەنباەۆ دتۇ-نىڭ اتقارۋشى كەڭەسىنىڭ 93-ءشى سەسسياسىنا قاتىستى.
ۇيىمعا مۇشە ەلدەردىڭ دەلەگاتسيالارىنان باسقا, سەسسيا جۇمىسىنا استۋريا حانزاداسى فەليپە جانە يسپانيانىڭ يندۋستريا, ەنەرگەتيكا جانە تۋريزم ءمينيسترى حوسە مانۋەل سوريا قاتىستى.
سەسسيانىڭ شەڭبەرىندە تۋريزم سالاسىنداعى قازىرگى احۋال ورتاعا سالىندى. دەلەگاتتار الدىندا ءسويلەگەن سوزىندە دتۇ-نىڭ باس حاتشىسى تالەب ريفاي تاياۋ شىعىستاعى وقيعالار جانە تىنىق مۇحيت ءوڭىرىندەگى تابيعي اپاتتارعا قاراماستان, بىلتىرعى حالىقارالىق تۋريستىك ساپارلاردىڭ سانى جاعىنان ورىن العان وڭ وزگەرىستەرگە نازار اۋداردى. سونىمەن قاتار, بۇۇ دتۇ-نىڭ باس حاتشىسى قاتىسۋشىلاردى ءتۋريزمدى عالامدىق كۇن تارتىبىنە ەنگىزۋ جانە بۇۇ جۇيەسىندەگى ۇيىمدارمەن ىنتىماقتاستىقتى ءجۇرگىزۋ بويىنشا جاسالعان جۇمىس تۋرالى اقپاراتتاندىردى.
سەسسيانىڭ قورىتىندىلارى بويىنشا, دتۇ اتقارۋشى كەڭەسىنىڭ كەلەسى 94-ءشى سەسسياسىن 2012 جىلدىڭ كۇزىندە مەكسيكادا وتكىزۋ جونىندە شەشىم قابىلداندى.
