شاراينا
سارسەنبى, 6 ماۋسىم 2012 7:12
كاددافيگە كومەكتەستى دەپ ايىپتالدى
ءتريپوليدىڭ اسكەري سوتى ۋكراينانىڭ, بەلورۋسسيانىڭ جانە رەسەيدىڭ 24ازاماتىن كاددافي رەجىمىنىڭ اسكەري تەحنيكاسىن جوندەگەنى ءۇشىنايىپتى دەپ تاپتى.
رەسەيدىڭ ءبىر ازاماتى ءومىر بويىنا باس بوستاندىعىنان ايىرۋعا كەسىلدى, ال قالعاندارى: 19 ۋكراين ازاماتى, 1 رەسەي ازاماتى جانە 3 بەلارۋس ازاماتى ارقايسىسى 10 جىلعا سوتتالدى. سوت شەشىم شىعارماس بۇرىن ۋكراينا سىرتقى ىستەر مينيسترلىگى مەن ليۆيا اراسىندا ۇزاق كەلىسسوزدەر ءجۇردى. كيەۆ ءتىپتى ليۆياعا گۋمانيتارلىق كومەك رەتىندە ەكى ۇشاق, ساپەرلەر بريگاداسىن جىبەرىپ, جارالى ليۆيالىقتاردى وزدەرىندە ەمدەدى. سونىڭ ناتيجەسىندە 4 ۋكراينالىق ەلدەرىنە قايتىپ ورالدى.
سارسەنبى, 6 ماۋسىم 2012 7:12
كاددافيگە كومەكتەستى دەپ ايىپتالدى
ءتريپوليدىڭ اسكەري سوتى ۋكراينانىڭ, بەلورۋسسيانىڭ جانە رەسەيدىڭ 24ازاماتىن كاددافي رەجىمىنىڭ اسكەري تەحنيكاسىن جوندەگەنى ءۇشىنايىپتى دەپ تاپتى.
رەسەيدىڭ ءبىر ازاماتى ءومىر بويىنا باس بوستاندىعىنان ايىرۋعا كەسىلدى, ال قالعاندارى: 19 ۋكراين ازاماتى, 1 رەسەي ازاماتى جانە 3 بەلارۋس ازاماتى ارقايسىسى 10 جىلعا سوتتالدى. سوت شەشىم شىعارماس بۇرىن ۋكراينا سىرتقى ىستەر مينيسترلىگى مەن ليۆيا اراسىندا ۇزاق كەلىسسوزدەر ءجۇردى. كيەۆ ءتىپتى ليۆياعا گۋمانيتارلىق كومەك رەتىندە ەكى ۇشاق, ساپەرلەر بريگاداسىن جىبەرىپ, جارالى ليۆيالىقتاردى وزدەرىندە ەمدەدى. سونىڭ ناتيجەسىندە 4 ۋكراينالىق ەلدەرىنە قايتىپ ورالدى.
مۇسىلمانداردى نەلىكتەن جەك كوردى؟
ەكى بىردەي تەراكت ۇيىمداستىرعان نورۆەگيالىق تەررورشى اندەرسبرەيۆيك سوت بارىسىندا ءوزىنىڭ مۇسىلمانداردى نەلىكتەن جەك كورەتىنىنايتىپ بەردى.
ونىڭ ايتۋىنشا, بالا كەزىندە مۇسىلماندارمەن بولعان قارىم-قاتىناس ءتاجىريبەسى وعان قاتتى اسەر ەتكەن. ءبىرىنشى رەت ول مۇسىلمانمەن 7 جاسىندا كەزدەسكەن. وندا تۇركيادان شىققان دوسىنىڭ اكەسى مۇنىڭ ۆەلوسيپەدىن قيراتقان. تاعى ءبىر جولى بىرەۋلەر مۇنىڭ اناسىنىڭ ەسىگىنىڭ جانىنا قوقىس تولى قاپشىق قالدىرىپ كەتكەن. سونىمەن بىرگە ول ءوزىنىڭ يمميگرانت وتباسىلارىنان شىققان بىرنەشە دوستارى بولعانىن دا مويىنداعان. برەيۆيك ولاردىڭ نورۆەگ بالالارىنا قاراعاندا قايسارلىعىنىڭ ءوزىن ءتانتى ەتكەنىن دە اتاپ كورسەتكەن.
كەلىسىمنىڭ ورىندالۋىن تالاپ ەتتى
اقش تاعى دا رەسەيدى 2008 جىلى قول قويىلعان گرۋزياعا قارسى وقاتۋدى توقتاتۋ جونىندەگى كەلىسىمدى تولىق ورىنداۋعا شاقىرىپ وتىر.
اقش مەملەكەتتىك حاتشىسى حيللاري كلينتون بۇل جونىندە باتۋميدە ستراتەگيالىق قىزمەتتەستىك حارتياسىنىڭ گرۋزين-امەريكا كوميسسياسىنىڭ اشىلۋى كەزىندە ءمالىمدەگەن. ءبىز باسىپ الىنعان اۋماقتان رەسەيدىڭ بۇكىل قارۋلى قۇرىلىمدارىنىڭ شىعارىلۋىن قاراستىراتىن وسىناۋ كەلىسىمنىڭ بارلىق تارماقتارىنىڭ ورىندالۋىن تالاپ ەتەمىز دەپ اتاپ كورسەتكەن حيللاري كلينتون. سونىمەن بىرگە ول ۆاشينگتوننىڭ گرۋزيانىڭ اۋماقتىق تۇتاستىعى مەن ەگەمەندىگىن مويىندايتىنىن دا مالىمدەگەن.
جاڭا مۇمكىندىكتەر جولى
سولتۇستىكاتلانتيكالىق وداق اۋعانستاننان حالىقارالىقاسكەرلەردى شىعارعان كەزدە اسكەري تەحنيكا جانە باسقا دا جابدىقتارءترانزيتى جونىندە وزبەكستانمەن, قىرعىزستانمەن جانەقازاقستانمەن كەلىسىمگە كەلگەنىن حابارلادى.
ءتيىستى قۇجاتتارعا بريۋسسەلدە قول قويىلعان. ناتو باس حاتشىسى اندەرس فوگ راسمۋسسەننىڭ ايتۋىنشا, اتالعان كەلىسىم اۋعانستاننان 2014 جىلدىڭ سوڭىندا اسكەرلەردى شىعارۋدى قامتاماسىز ەتۋ ىسىندە سولتۇستىكاتلانتيكالىق وداققا جاڭا مۇمكىندىكتەر بەرەدى. اتاپ ايتقاندا, سوڭعى جىلدارى اقش-پەن قارىم-قاتىناسى ناشارلاي تۇسكەن پاكستاندى اينالىپ وتۋگە جاعداي تۋماقشى.
يزرايل سوعىسقا دايىندالىپ جاتىر ما؟
گفر-دىڭ رەسمي وكىلدەرى العاش رەت نەمىس تاراپىنىڭ يزرايلگە يادرولىق وقتۇمسىعى بار زىمىراندارمەن جابدىقتاۋعا بولاتىن سۇڭگۋىر قايىقتار جەتكىزىپ بەرگەنىن راستاعان.
بۇل جونىندە نەمىستىڭ «شپيگەل» جۋرنالى ءوزىنىڭ جۋرناليستىك زەرتتەۋلەرىنىڭ قورىتىندىلارى بويىنشا حابارلاعان. اڭگىمە «دەلفين» كلاسىنا جاتاتىن كوپ ماقساتتى سۇڭگۋىر قايىقتار جونىندە بولىپ وتىر. جۋرنالدىڭ جازۋىنا قاراعاندا, اتالمىش سۇڭگۋىر قايىققا ورناتىلاتىن زىمىراندار سالماعى 200 كيلو تارتاتىن يادرولىق وقتۇمسىقتى 1500 شاقىرىم قاشىقتىققا دەيىن جەتكىزە الاتىن كورىنەدى.
ءۇشىنشى رەاكتور تۋرالى سىبىس
يران قۇپيا تۇردە ءۇشىنشى يادرولىق رەاكتوردى قۇرۋدا, دەلىنگەن امەريكالىق «يزيس» زەرتتەۋ ورتالىعىنىڭ ەسەبىندە.
ساراپشىلار بىرقاتار يراندىق جوعارى لاۋازىمدى تۇلعالاردىڭ ايتقاندارى مەن اتوم ەنەرگەتيكاسى جونىندەگى حالىقارالىق اگەنتتىكتىڭ (ماگاتە) ەسەبىن نەگىزگە الىپ وتىرعان كورىنەدى. جاڭا رەاكتوردىڭ قاي جەردە ورنالاسقاندىعى جونىندە ازىرگە ەشقانداي اقپارات جوق. كەيبىر مالىمەتتەرگە قاراعاندا, يران ءوز قولاستىنداعى بايىتىلعان ۋراننىڭ 10 پايىزىن سوڭعى ءۇش ايدا وندىرگەن كورىنەدى.
سيريا ماسەلەسىن سيريالىقتار شەشۋى ءتيىس
رەسەي سيريا پرەزيدەنتى باشار اسادتى ورنىنان كەتىرۋ تۋرالى اقش-پەن ەشقانداي كەلىسسوزدەر جۇرگىزىپ جاتقان جوق.
رەسەي فەدەراتسياسى سىرتقى ىستەر ءمينيسترىنىڭ ورىنباسارى ميحايل بوگدانوۆ كەشە وسىلاي دەپ مالىمدەدى. بۇل ماسەلەنى بوتەن بىرەۋلەر ەمەس, سيريالىقتاردىڭ وزدەرى تالقىلاۋعا ءتيىس دەپ اتاپ كورسەتكەن م.بوگدانوۆ. سونىمەن بىرگە ول قازىرگى كەزدە رەسەيدىڭ سيرياداعى احۋالعا قاتىستى بارلىق شەتەلدىك ارىپتەستەرىمەن, سونىڭ ىشىندە اقش-پەن دە قارقىندى كەلىسسوزدەر جۇرگىزىپ جاتقانىن حابارلاعان.
اۋەجاي ەرەۋىلشىلەردەن تازارتىلدى
ليۆيا وكىمەتىنە ادال اسكەرلەر تريپولي حالىقارالىق اۋەجايىنداعى جاعدايدى ءوز باقىلاۋىنا الدى.
ايتا كەتۋ كەرەك, اۋەجايدى ەرەۋىلشىلەر بىرنەشە ساعات بويى قۇرساۋدا ۇستاعان بولاتىن. جەرگىلىكتى بۇقارالىق اقپارات قۇرالدارىنىڭ حابارلاۋىنشا, وپەراتسيا بارىسىندا 10 ادام زارداپ شەككەن. وسىدان ءبىر كۇن بۇرىن ەلدىڭ ورتالىعىنان كەلگەن تايپالىق قارسىلىق كورسەتۋشى جاۋىنگەرلەر ءوز كوسەمدەرى ءابۋ ادجيل ءال-ءحابشيدى بوساتۋدى تالاپ ەتىپ, اۋەجايدى قورشاپ الىپ, ۇشۋ-قونۋ الاڭىن جاۋىپ تاستاعان بولاتىن.
ينتەرنەت ماتەريالدارى نەگىزىندە ازىرلەندى.
