كەڭەستىڭ كەزەكتى وتىرىسى ءوتتى
سارسەنبى, 25 ءساۋىر 2012 7:22
كەشە پەكيندە شانحاي ىنتىماقتاستىق ۇيىمىنا مۇشە مەملەكەتتەر قورعانىس مينيسترلەرى كەڭەسىنىڭ كەزەكتى وتىرىسى بولدى, وعان قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ قاتىستى, دەپ حابارلادى قر قورعانىس مينيسترلىگىنىڭ ءباسپاسوز قىزمەتى.
شىۇ-عا مۇشە مەملەكەتتەردىڭ قورعانىس ۆەدومستۆولارىنىڭ باسشىلارى اشىق جانە دوستىق جاعدايدا كوپتەگەن ماسەلەلەردى قاراستىردى, 2011 جىلى استانا قالاسىندا قابىلدانعان شىۇ قورعانىس مينيسترلەرىنىڭ 2012-2013 جىلدارعا ارنالعان ىنتىماقتاستىق جوسپارىنىڭ ءجۇزەگە اسىرىلۋىندا پروگرەستىڭ بار ەكەندىگى اتاپ ءوتىلدى.
سارسەنبى, 25 ءساۋىر 2012 7:22
كەشە پەكيندە شانحاي ىنتىماقتاستىق ۇيىمىنا مۇشە مەملەكەتتەر قورعانىس مينيسترلەرى كەڭەسىنىڭ كەزەكتى وتىرىسى بولدى, وعان قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆ قاتىستى, دەپ حابارلادى قر قورعانىس مينيسترلىگىنىڭ ءباسپاسوز قىزمەتى.
شىۇ-عا مۇشە مەملەكەتتەردىڭ قورعانىس ۆەدومستۆولارىنىڭ باسشىلارى اشىق جانە دوستىق جاعدايدا كوپتەگەن ماسەلەلەردى قاراستىردى, 2011 جىلى استانا قالاسىندا قابىلدانعان شىۇ قورعانىس مينيسترلەرىنىڭ 2012-2013 جىلدارعا ارنالعان ىنتىماقتاستىق جوسپارىنىڭ ءجۇزەگە اسىرىلۋىندا پروگرەستىڭ بار ەكەندىگى اتاپ ءوتىلدى.
قورعانىس مينيسترلەرى ايماقتاعى مەملەكەتتەر ءۇشىن ماڭىزى بار قاۋىپسىزدىكتى قامتاماسىز ەتۋ, ۇيىم اۋماعىندا بەيبىتشىلىك پەن تۇراقتىلىقتى ساقتاۋ ماسەلەلەرىنە باسا نازار اۋداردى. شىۇ-نىڭ كەلەشەكتە ءرولىن ارتتىرۋ ماقساتىندا سىندارلى يدەيالار ايتىلىپ, حالىقتى جاپپاي قىرىپ-جوياتىن قارۋلاردى تاراتپاۋ, تەرروريزم, سەپاراتيزم جانە ەكسترەميزممەن كۇرەسكە حالىقارالىق تۇرعىدا كۇش سالۋ ءسوز بولدى.
ءوز سوزىندە ادىلبەك جاقسىبەكوۆ قازاقستان شىۇ شەڭبەرىندەگى ىنتىماقتاستىققا كوپ كوڭىل بولەتىندىگىن, سونداي-اق ۇيىمنىڭ بولاشاعى زور ەكەندىگىن, ال ءبىزدىڭ ەلىمىز اسكەري سالاداعى باعىتتار بويىنشا ءوزارا ءىس-قيمىلدى دامىتۋعا نيەتتى ەكەندىگىن اتاپ ءوتتى.
كەڭەستىڭ قورىتىندىسى بويىنشا بىرلەسكەن كومميۋنيكە قابىلداندى, سونداي-اق تاجىكستاندا 8-14 ماۋسىم ارالىعىندا وتەتىن «بەيبىت ميسسيا-2012» بىرلەسكەن جاتتىعۋىنىڭ ءمانى بەكىتىلدى.
سول كۇنى ادىلبەك جاقسىبەكوۆ ءوز ارىپتەسى, قحر قورعانىس ءمينيسترى, گەنەرال-پولكوۆنيك ليان گۋانلەمەن كەزدەستى. كەزدەسۋدە ەكى ەل قورعانىس ۆەدومستۆولارىنىڭ ەكى جاقتى, كوپ جاقتى ءپىشىندەگى ءوزارا قارىم-قاتىناستارى تالقىلاندى.
كەڭەس شەڭبەرىندە شىۇ-عا مۇشە مەملەكەتتەر قورعانىس ۆەدومستۆولارىنىڭ باسشىلارىن قىتاي حالىق رەسپۋبليكاسى توراعاسىنىڭ ورىنباسارى سي تسزينپين قابىلدادى. قورعانىس مينيسترلەرى اتىنان ءادىلبەك جاقسىبەكوۆ ءسوز ءسويلەدى. قازاقستان قورعانىس ۆەدومستۆوسىنىڭ باسشىسى قىتاي جاعىنىڭ قوناقجايلىعىنا العىسىن ءبىلدىردى جانە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «شىۇ-نىڭ قۇرىلۋى ءمادەني, ءتىل جانە ساۋدا-ساتتىق جاعىنان تاريحي بايلانىسى بار, بەيبىت دامۋعا, تاتۋ كورشىلىك پەن ىنتىماقتاستىققا تالپىنعان حالىقتاردىڭ زاڭدى كورىنىسى بولدى. شىۇ مەملەكەتارالىق بايلانىستاعى ءبىزدىڭ ايماقتىڭ بولاشاقتاعى سيپاتى مەن كەلبەتىن انىقتايتىن جاڭا ءمادەنيەتتى بەينەلەيدى», دەگەن سوزىمەن قورىتىندىلادى.
