كەشىرىم جاسالدى
سەيسەنبى, 17 ءساۋىر 2012 7:41
بەلورۋسسيادا 2010 جىلدىڭ جەلتوقسان ايىندا بولعان پرەزيدەنتسايلاۋىنىڭ قورىتىندىسىنا قارسى بولعاندار ۇكىمەت ءۇيىن باسىپ الاجازداپ, ۇلكەن دۇربەلەڭ تۋعىزعان ەدى. پوليتسيا 700-دەي ادامدى ۇستاپ, كوپ ادام جاپپاي تارتىپسىزدىكتەرگە جول بەرگەنى ءۇشىن دەگەن قىلمىستىق باپپەن تۇرمەگە قامالعان.
سەيسەنبى, 17 ءساۋىر 2012 7:41
بەلورۋسسيادا 2010 جىلدىڭ جەلتوقسان ايىندا بولعان پرەزيدەنتسايلاۋىنىڭ قورىتىندىسىنا قارسى بولعاندار ۇكىمەت ءۇيىن باسىپ الاجازداپ, ۇلكەن دۇربەلەڭ تۋعىزعان ەدى. پوليتسيا 700-دەي ادامدى ۇستاپ, كوپ ادام جاپپاي تارتىپسىزدىكتەرگە جول بەرگەنى ءۇشىن دەگەن قىلمىستىق باپپەن تۇرمەگە قامالعان.
سونىڭ ىشىندە پرەزيدەنتتىك لاۋازىمعا كانديداتۋراسىن ۇسىنعان ا.ساننيكوۆ تە بولدى. ول بەس جىلعا باس بوستاندىعىنان ايىرىلعان بولاتىن. بەلورۋسسيا باسشىلىعى باتىستىڭ قىسىمىنا قاراماي, سوت تانىعان قىلمىسكەرلەرگە كەشىرىم جاساۋدان وسى ۋاقىتقا دەيىن باس تارتىپ كەلگەن. تەك ولاردىڭ ءوز قىلمىستارىن مويىنداپ, كەشىرىم جاساۋ تۋرالى وتىنىشىنەن كەيىن عانا ا.لۋكاشەنكو ا.ساننيكوۆ پەن ونىڭ ارىپتەسى د.بوندارەنكونى ءوزىنىڭ جارلىعىمەن تۇرمەدەن بوساتتى.
جاڭا توراعا كەلدى
بۇكىلالەمدىك بانكتىڭ جاڭا ءتوراعاسى بولىپ كەشە اقش ازاماتى دجيم ەن كيم سايلاندى. ول بۇعان دەيىن تۋبەركۋلەزگە جانە سپيد-كە قارسى كۇرەستىڭ كۋراتورى قىزمەتىن اتقارعان. سوڭعى كەزدە ول نيۋ-گەمپشيردەگى دورتمۋند كوللەدجىن باسقاراتىن.
ونىڭ كانديداتۋراسىن اقش پرەزيدەنتى باراك وباما ۇسىندى. بانكتىڭ نەگىزگى اكتسيونەرلەرى اقش, جاپونيا جانە ەۋرووداق بولىپ تابىلادى. توراعالىققا وزدەرىنىڭ كانديداتۋرالارىن بارلىق 187 قاتىسۋشى دا جاساي الادى. دەگەنمەن, نەگىزىنەن وسىلار ۇسىنعان كانديداتتار عانا ءوتىپ كەلەدى.
تالىپتەر ازۋىن كورسەتىپ قالدى
دەمالىس كۇندەرى كابۋلدا تالىپتەردىڭ شابۋىلى بولدى. اۋعانستان ىشكى ىستەر مينيسترلىگىنىڭ مالىمەتتەرىنە قاراعاندا, وعان 19 لاڭكەسشى قاتىسقان. ولار 18 ساعات بويى قالانىڭ ناعىز ورتالىعىندا اتىسىپ, 8 پوليتسيا قىزمەتكەرىن جانە ۇلتتىق گۆارديانىڭ 40 اسكەرىن شەيت قىلدى.
لاڭكەسشىلەر قالا ورتالىعىنداعى جاڭادان سالىنىپ جاتقان ساۋدا ورتالىعىنىڭ بيىك عيماراتىن باسىپ الۋدى كوزدەگەن. وسى جەردەن ولار بريتان جانە گەرمانيا ەلشىلىكتەرىن شابۋىلداماقشى بولعان. اۋعان وكىمەتىنىڭ كۇشتەرىنە ناتو تىكۇشاقتارىنىڭ كومەگى كوپ بولدى. ولار لاڭكەستەردىڭ قايدا ورنالاسقانىن انىقتاپ وتىرعان جانە مەرگەندەرىن جويۋعا ۇلەس قوسقان.
رەسەيدىڭ مويىنداعىسى جوق
ەۋروپانىڭ ادام قۇقىقتارى جونىندەگى سوتىنا 1940 جىلعى رەسەي جەرىندە بولعان كاتىن قىرعىنىنا بايلانىستى 15 پولياك ازاماتى قايىرىلعان. ولار رەسەيدىڭ پولياك وفيتسەرلەرىن زاڭسىز قىرعان قىلمىسىن مويىنداتۋدى كوزدەيدى. سويتسە, ۇلكەن كولەمدە وتەماقى الارى ءسوزسىز.
بىراق سوت بىرجاقتى شەشىم قابىلداعان جوق. تەك ادامداردى جاپپاي زاڭسىز, سوتسىز اتۋ فاكتىسىن مويىنداماۋعا لاج جوق ەكەنىن جانە رەسەيدىڭ وسى ۋاقىتقا دەيىن قىلمىستى تولىق اشۋعا كەدەرگى جاساپ كەلگەندەرىنە قايران قالاتىندىقتارىن جاريالاعان. بۇعان قاناعاتتانباعان تالاپ-ارىز بەرۋشىلەر ەندى وسى سوتتىڭ جوعارى ينستانتسياسىنا شاعىنباقشى.
تەمىر جولدى اۋكتسيونعا قويادى
گرۋزيا وكىمەتى وسى ۋاقىتقا دەيىن تولىعىمەن مەملەكەت مەنشىگىندە بولىپ كەلگەن تەمىر جولىنىڭ 25 پايىزدىق اكتسياسىن لوندون بيرجاسىندا اۋكتسيوننان ساتۋ تۋرالى شەشىم قابىلدادى. قازىر بۇل ساۋداعا قىزىعۋشىلار قاتارى كوپ ەكەنى ايتىلۋدا.
ەلدىڭ قۇرلىقتاعى نەگىزگى كولىك قۇرالى بولىپ تابىلاتىن تەمىر جول بىلتىرعى جىلدىڭ قورىتىندىسى بويىنشا 285,8 ملن. دوللار تابىس تاپقان ەكەن. ۇكىمەت ءتۇسىمنىڭ 30 پايىزىن ديۆيدەند تولەۋگە جۇمسايتىنىن دا جاريالاعان. اۋكتسيون مامىر ايىندا وتەتىن بولادى.
وليمپيادا ورتالىعىن نىساناعا العانى ەمەس پە؟
سوچي قالاسىنىڭ ورتاسىنداعى ءبىر دۇكەننىڭ الدىندا قولدان جاسالعان بومبا جارىلعان. ناتيجەسىندە ءوتىپ بارا جاتقان ءبىر ادام قاتتى جارالانعان. قىسقى وليمپياداعا قاتتى دايىندالىپ, ءتارتىپ ساقتاۋدىڭ قاتاڭ رەجىمىنە ەنگەن قالا تۇرعىندارىنا بۇل ءجايت توبەدەن جاي تۇسىرگەندەي بولدى.
بومبانىڭ جاسالۋ ساپاسى تومەن ءارى اكتىنىڭ ناقتى سەبەبى بەلگىسىز دەپ جەرگىلىكتى پوليتسيا بۇل ءىستى ۇساق قىلمىسقا سايىپ, جاقاۋراتىپ وتىرعانىمەن, وسى كۇندەرى قالا تۇرعىندارى اراسىندا كادىمگىدەي دۇربەلەڭ بار. كراسنودار ولكەسىنىڭ بارلىق پوليتسياسى قازىر قاتاڭ رەجىمدەگى قىزمەت تارتىبىنە ەنگىزىلگەن.
قىسقا قايىرىپ ايتقاندا:
* وار پرەزيدەنتى دجەيكوب زۋما التىنشى رەت ۇيلەنىپ, ءتورتىنشى ايەلىن ۇيىنە كىرگىزدى. بۇل ەلدە كوپ ايەل الۋعا رۇقسات ەتىلگەن. 70 جاستاعى پرەزيدەنتتىڭ 21 بالاسى بار, ول 2009 جىلدان بەرى مەملەكەت باسىندا وتىر.
* قحدر پرەزيدەنتى كيم چەن ىن ەل ەكونوميكاسىنا رەفورما جاساۋدا كاپيتاليستىك ادىستەردى دە قولدانۋدان قورىقپاۋ كەرەك ەكەنىن جاريا ەتتى. بۇعان دەيىن رىنوكتىق ادىستەردى ۇسىنۋعا ماماندار يدەولوگيالىق جاعىنان ايىپتى بولىپ قالۋدان قورقىپ, ۇندەي المايتىن.
* وسلودا 77 ادامنىڭ قانىن جۇكتەگەن «نورۆەگ اتقىشىنا» سوت پروتسەسى باستالدى. سوت زالىنا اكەلىنىپ, قولىنان كىسەن الىنعاندا ول فاشيستەردىڭ ادىسىمەن وڭ قولىن كوتەرىپ, جينالعاندارعا سالەم بەرگەن.
* وتكەن جەكسەنبى كۇنى پاريج كوشەلەرىنە ن.ساركوزي مەن ونىڭ قارسىلاسى ف.وللاندتى قولدايتىن ميتينگىگە بارۋ ءۇشىن 100 مىڭنان ارتىق ادام شىقتى.
* كيپر رەسپۋبليكاسى ءوز پورتتارىنا گەرمانيانىڭ يران قارۋلارىن تيەگەن كەمەلەرىن توقتاتپايتىنىن جاريالادى. ويتكەنى, كەمەدەگى قارۋلار سيريا وكىمەتى اسكەرلەرىنە ارنالعاندىعى بەلگىلى بولىپ وتىر.
* قىتايدىڭ شىعىسىنداعى شەنيان-حايلوۋ جوعارى جىلدامدىقتى اۆتوتراسساسىندا قالىڭ تۇماننىڭ كەسىرىنەن 7 جول اپاتى وقيعاسى بولىپ, 12 ادام شەيت كەتكەن. ال 26 ادام ءتۇرلى جاراقاتپەن اۋرۋحانالارعا جەتكىزىلگەن.
ينتەرنەت ماتەريالدارى نەگىزىندە ازىرلەندى.
