شاراينا
بەيسەنبى, 29 ناۋرىز 2012 7:35
رومني رەسەيدى جاۋ دەپ ەسەپتەيدى
رەسپۋبليكالىق پارتيادان اقش سەناتىنا مۇشە ميتت رومني پرەزيدەنت باراك وبامادان پرو جۇيەسىن قۇرۋ بارىسىندا رەسەي الدىندا ەشقانداي شەگىنىس جاساماۋدى تالاپ ەتتى.
اق ءۇيدىڭ سىرتقى ساياساتتاعى باعىتىنا سىن ايتقان اقش پرەزيدەنتتىگىنەن ۇمىتكەر ميتت رومني رەسەيدى ءنومىر ءبىرىنشى جاۋ دەپ اتادى. ورىستاردىڭ الدىنداعى كەز كەلگەن شەگىنىس اقش-تىڭ مۇددەلەرى مەن قاۋىپسىزدىگىنە قاتەر ءتوندىرۋى مۇمكىن دەلىنگەن رەسپۋبليكاشىل-سەناتورلاردىڭ پرەزيدەنت باراك وباماعا جولداۋىندا. حاتقا رەسپۋبليكاشىلدار فراكتسياسىنىڭ 47 مۇشەسىنىڭ 43-ءى قول قويعان.
بەيسەنبى, 29 ناۋرىز 2012 7:35
رومني رەسەيدى جاۋ دەپ ەسەپتەيدى
رەسپۋبليكالىق پارتيادان اقش سەناتىنا مۇشە ميتت رومني پرەزيدەنت باراك وبامادان پرو جۇيەسىن قۇرۋ بارىسىندا رەسەي الدىندا ەشقانداي شەگىنىس جاساماۋدى تالاپ ەتتى.
اق ءۇيدىڭ سىرتقى ساياساتتاعى باعىتىنا سىن ايتقان اقش پرەزيدەنتتىگىنەن ۇمىتكەر ميتت رومني رەسەيدى ءنومىر ءبىرىنشى جاۋ دەپ اتادى. ورىستاردىڭ الدىنداعى كەز كەلگەن شەگىنىس اقش-تىڭ مۇددەلەرى مەن قاۋىپسىزدىگىنە قاتەر ءتوندىرۋى مۇمكىن دەلىنگەن رەسپۋبليكاشىل-سەناتورلاردىڭ پرەزيدەنت باراك وباماعا جولداۋىندا. حاتقا رەسپۋبليكاشىلدار فراكتسياسىنىڭ 47 مۇشەسىنىڭ 43-ءى قول قويعان.
كاسترو ريم پاپاسىمەن كەزدەسپەك
فيدەل كاسترو كۋبادا ساپارمەن جۇرگەن ريم پاپاسى بەنەديكت ءحVى-مەن كەزدەسەتىن بولادى.
مەن ەلدىڭ سىرتقى ىستەر ءمينيسترى برۋنو رودريگەستەن پاپانىڭ مەنىمەن كەزدەسۋگە قۋانىشتى ەكەنىن ءبىلدىم, سوندىقتان ودان مەن ءۇشىن ءوزىنىڭ قىمباتتى ءبىرنەشە مينۋتىن ءبولۋدى سۇرادىم دەپ جازعان كاسترو ءوزىنىڭ جەرگىلىكتى باسىلىمدا جاريالانعان ماقالاسىندا. ايتا كەتۋ كەرەك, كۋبا ۇزاق ۋاقىتتار بويى اتەيستىك مەملەكەت رەتىندە تانىلىپ كەلگەن بولاتىن. تەك 90-جىلداردىڭ ورتاسىنان باستاپ قانا ەلدە شىركەۋگە دەگەن كوزقاراس وزگەرە باستادى.
سيرياداعى احۋال تالقىلانباق
تۇركيا پرەمەر-ءمينيسترى رەدجەپ تايپ ەردوعان كەشە ەل باسشىلىعىمەن كەلىسسوزدەر جۇرگىزۋ ءۇشىن يرانعا كەلدى.
ول يران پرەزيدەنتى ماحمۋد احمادينەجادپەن جانە پارلامەنت توراعاسى ءالي لاريدجانيمەن كەزدەسپەك. بۇگىندە قانتوگىستەر جالعاسىپ جاتقان كورشىلەس سيرياداعى احۋال نەگىزگى اڭگىمە وزەگىنە اينالادى دەپ كۇتىلۋدە. تۇرىك پرەمەرىنىڭ ايتۋىنشا, قازىردىڭ وزىندە بۇل ەلگە 17 مىڭ بوسقىن كەلگەن. ءتۇركيا سيريا پرەزيدەنتى باشار اساد رەجىمىنە سىن كوزبەن قاراسا, يران كەرىسىنشە, سيريا بيلىگىنىڭ ەجەلگى وداقتاسى بولىپ تابىلادى.
جاڭا زىمىراندى سىناقتان وتكىزدى
ءۇندىستان رەسەي-ءۇندىستان بىرلەسىپ جاساعان «براموس» دىبىستان جىلدام ۇشاتىن قاناتتى زىمىراندى سىناقتان وتكىزدى.
زىمىران وريسسا شتاتىنداعى پوليگوننان ۇشىرىلعان. «براموس» زىمىرانى 200 شاقىرىم قاشىقتىققا ۇشا الادى جانە 300 كيلوعا دەيىن سالماقتاعى قاراپايىم ۇلگىدەگى وقتۇمسىقتى جەتكىزۋگە قابىلەتتى. زىمىراننىڭ اتالعان ءتۇرىمەن ءۇندى ارمياسى وتكەن جىلدىڭ سوڭىنان باستاپ قارۋلانۋعا كىرىسكەن بولاتىن. «براموس» قۇرلىقتاعى كۇشتەردىڭ جاۋىنگەرلىك مۇمكىندىكتەرىن ايتارلىقتاي ارتتىرۋعا جاعداي جاسايدى.
ەۋروپا اسكەري ونەركاسىبىندەگى قۇلدىراۋ
قارجى تاپشىلىعى سالدارىنان 2020 جىلعا قاراي ەۋروپادا اسكەري ۇشاقتار, تىكۇشاقتار مەن ۇشقىشسىز ۇشاتىن اپپاراتتار وندىرىسىنە قاتەر ءتونۋى مۇمكىن.
ەۋروپاداعى اسكەري اۆياقۇرىلىس ونەركاسىبى بۇرىن سالىنعان قارجىنىڭ ارقاسىندا عانا جان ساقتاپ تۇر. وسىنداي قورىتىندى جاساعان ەۋروپالىق قورعانىس اگەنتتىگىنىڭ زەرتتەۋ توبى ءىرى-ءىرى ەۋروپالىق قورعانىس كومپانيالارىنىڭ قىزمەتىن ءوز بايانداماسىنىڭ نەگىزىنە العان. ەۋروپانىڭ اسكەري ونەركاسىبى سالاعا ينۆەستيتسيالار تارتۋ ارقىلى عانا داعدارىستان قۇتىلا الادى.
ماليدە جاڭا قۇجات جاريالاندى
ماليدە بيلىكتى باسىپ العان اسكەري حۋنتا ەلدىڭ بۇرىنعى كونستيتۋتسياسىن الماستىراتىن قۇجاتتى جارىققا شىعاردى.
حۋنتانىڭ مالىمدەۋىنشە, جاڭا نەگىزگى زاڭ دەموكراتياعا قولداۋ جاساۋعا باعىتتالعان جانە ەڭ باستى ادام قۇقىقتارىنىڭ بارلىعىن دا ساقتاۋعا كەپىلدىك بەرەدى. سونىمەن بىرگە باتىسافريكالىق مەملەكەتتەردىڭ ەكونوميكالىق قاۋىمداستىعىنىڭ ليدەرلەرى ءماليدىڭ وسى ۇيىمعا مۇشەلىگىن توقتاتىپ تاستادى. ءسوز ورايىندا ۇستىمىزدەگى جىلدىڭ 22 ناۋرىزىندا ماليدە اسكەري توڭكەرىس بولعانىن ايتا كەتۋ قاجەت.
ءولىم جازاسىنا كەسىلگەندەر قانشا؟
ەڭ جوعارى جازانى قولداناتىن ەلدەردىڭ ازايعانىنا قاراماستان, الەمدە وتكەن جىلى ءولىم جازاسىنا كەسىلگەندەر سانى ارتا تۇسكەن.
بۇل تۋرالى Amnesty International حالىقارالىق قۇقىق قورعاۋ ۇيىمىنىڭ بايانداماسىندا كەلتىرىلگەن. ونداعى ءمالىمەتتەر بويىنشا, 2011 جىلى الەمدە ءولىم جازاسىنا كەسىلگەندەر سانى الدىنداعى جىلعا قاراعاندا 149 ادامعا كوپ بولعان. ونىڭ سىرتىندا 18750 ادام تۇرمەلەردە ءولىم جازاسىن كۇتۋدە. بۇل سانعا اقپاراتتاردىڭ مەملەكەتتىك قۇپيا بولىپ تابىلاتىنىنا بايلانىستى قىتايدا ءولىم جازاسىنا كەسىلگەندەر ەنبەگەن كورىنەدى. سول سياقتى ۆەتنام, موڭعوليا جانە بەلورۋسسيا ءولىم جازاسىنا كەسىلگەندەر سانىن قۇپيا ۇستايدى ەكەن.
انناننىڭ جوسپارى جۇزەگە اسا ما؟
سيريا ۇكىمەتى بۇۇ-نىڭ ارناۋلى وكىلى كوفي انناننىڭ ەلدە كۇش كورسەتۋدى توقتاتۋ تۋرالى جوسپارىن جۇزەگە اسىرۋعا كەلىستى.
كوفي اننان ءوز كەزەگىندە سيريا بيلىگىنەن موينىنا العان مىندەتتەمەلەردى جەدەل تۇردە ورىنداۋدى تالاپ ەتتى. باشار اسادتىڭ مۇنداي شەشىم قابىلداۋىنا رەسەي ۇستانىمىنىڭ دا ىقپال ەتكەنى انىق. دەگەنمەن, بۇل جوسپاردىڭ جۇزەگە اسارىنا كۇمانمەن قاراۋشىلار دا از ەمەس. وعان قۇجاتتا ناقتىلانباعان جالپىلاما بايانداۋلاردىڭ ورىن الۋى سەبەپكەر بولىپ وتىر.
وزىنەن-ءوزى ابىگەرگە تۇسكەن ۇشقىش
اقش-تا نيۋ-يوركتەن لاس-ۆەگاس قالاسىنا قاراي بەت الىپ بارا جاتقان ۇشاق تەحاس شتاتىنداعى اماريللو اۋەجايىنا توتەنشە جاعدايدا قونۋعا ءماجبۇر بولعان.
كۋاگەرلەردىڭ ايتۋلارىنا قاراعاندا, رەيس كومانديرى ۇشاق ىشىندە ورىنسىز ابىگەرشىلىك تۋعىزعان. ول بومبا بار دەپ ايقايلاپ, وزىنە الدەبىر كودتى بەرۋدى تالاپ ەتكەن. وسىدان كەيىن ۇشقىشتى جولاۋشىلار سالونىنا اۋىستىرىپ, ونىڭ ورنىنا ماماندىعى ۇشقىش بولىپ تابىلاتىن ءبىر جولاۋشىنى وتىرعىزۋعا تۋرا كەلگەن. اياق استىنان مىنەز كورسەتكەن اۋە كومپانياسىنىڭ قىزمەتكەرى اۋرۋحاناعا جاتقىزىلعان كورىنەدى.
ينتەرنەت ماتەريالدارى نەگىزىندە ازىرلەندى.
