14 ناۋرىز، 2012

اسكەري ينتەرۆەنتسياعا شاقىردى

232 رەت كورسەتىلدى

اسكەري ينتەرۆەنتسياعا شاقىردى

سارسەنبى، 14 ناۋرىز 2012 7:21

سيريا وپپوزيتسياسى اراب جانە باتىس ەلدەرىن ەل ىسىنە اسكەري ارالاسۋعا شاقىردى. قازىرگى كەزدە ۇكى­مەتتىك اسكەرلەر مەن وپپوزيتسيا اراسىنداعى قاق­تى­عىستار بارىسىندا 7،5 مىڭنان استام ادام كوز جۇمعان دەگەن مالىمەت بار.

سيريا ۇلتتىق كەڭەسىنىڭ وكىلى ىستامبۇلداعى ءباسپاسوز ءماسليحاتىندا اسكەري ينتەرۆەنتسيا سيريادا «گۋمانيتارلىق ءدالىز» قۇرۋ ءۇشىن قاجەت ەكەنىن اتاپ كورسەتتى. بۇعان دەيىن بۇۇ-نىڭ سيريانى رەتتەۋ بويىنشا ارنايى وكىلى كوفي اننان الەمدىك قوعامداستىقتىڭ كۇش-جىگەرىمەن جانجالداسۋشى جاقتاردى كەلىسسوز ۇستەلىنە وتىرعىزۋعا بولادى دەپ سانايتىنىن مالىمدەگەن ەدى. بىراق بۇل مالىمدەمەگە بۇگىن كۇمانمەن قاراۋشىلار كوپ.

 

سارسەنبى، 14 ناۋرىز 2012 7:21

سيريا وپپوزيتسياسى اراب جانە باتىس ەلدەرىن ەل ىسىنە اسكەري ارالاسۋعا شاقىردى. قازىرگى كەزدە ۇكى­مەتتىك اسكەرلەر مەن وپپوزيتسيا اراسىنداعى قاق­تى­عىستار بارىسىندا 7،5 مىڭنان استام ادام كوز جۇمعان دەگەن مالىمەت بار.

سيريا ۇلتتىق كەڭەسىنىڭ وكىلى ىستامبۇلداعى ءباسپاسوز ءماسليحاتىندا اسكەري ينتەرۆەنتسيا سيريادا «گۋمانيتارلىق ءدالىز» قۇرۋ ءۇشىن قاجەت ەكەنىن اتاپ كورسەتتى. بۇعان دەيىن بۇۇ-نىڭ سيريانى رەتتەۋ بويىنشا ارنايى وكىلى كوفي اننان الەمدىك قوعامداستىقتىڭ كۇش-جىگەرىمەن جانجالداسۋشى جاقتاردى كەلىسسوز ۇستەلىنە وتىرعىزۋعا بولادى دەپ سانايتىنىن مالىمدەگەن ەدى. بىراق بۇل مالىمدەمەگە بۇگىن كۇمانمەن قاراۋشىلار كوپ.

قوس تاراپ تاتۋلاسۋعا ۋاعدالاستى

گازا سەكتورىندا ءىس-قيمىل تانىتىپ جاتقان يزرايل مەن پالەستينا توپتارى قۇرباندىقتار سانى كەم دەگەندە 25 ادامعا جەتىپ جىعىلعان جانجالدى توقتاتۋ تۋرالى كەلىسىمگە كەلدى. مۇنداي كەلىسىمگە مىسىردىڭ باستا­ما­شىلىعىمەن قول جەتكىزىلگەن.

قارىم-قاتىناس ۋشىققان سوڭعى 4 كۇندە گازا سەكتورىندا، جوعارىدا ايتىلعانىنداي، 25 ادام قازا تاپسا، ولاردىڭ اراسىندا بەيبىت تۇرعىندار دا بار دەلىنىپ وتىر. بۇعان قوسا، 80 ادام جارالانعان. ال يزرايل اۋماعىندا كوز جۇم­عاندار جوق، تەك 5 ادام جاراقات الىپتى. تاراپتار اراسىن­داعى جاڭا قاقتىعىستار بۇۇ، ەو جانە كورشىلەس مىسىر تاراپىنان سىنعا ۇشىرادى.

مەشىت ورتىنەن يمام كوز جۇمدى

بەلگيانىڭ استاناسى بريۋسسەل قالاسىندا شيت مەشىتى ورتەلدى. جەرگىلىكتى بيلىكتىڭ دەرەكتەرىنە قاراعاندا، اتى-ءجونى ايتىلمايتىن ەر ادام عيما­رات­قا بەنزين قۇيىپ وت قويعان. بۇل بريۋسسەلدەگى ەڭ ەڭسەلى مەشىتتەردىڭ بىرىنەن سانالادى.

ءورت سالدارىنان مەشىت تۇگەل كۇلگە اينالسا، ونىڭ 47 جاستاعى يمامى قازا تاپقان. قازىرگى كەزدە كۇدىكتى قاماۋعا الىنىپتى. بيلىك وكىلدەرى بۇل ارەكەتتى جازعىرعان مالىمدەمە تاراتتى. ماسەلەن، بەلگيا ىشكى ىستەر ءمينيسترى جوەل ميلكۋە حانىم وقيعا ءوزىن ەس-تۇسىنەن ايىرعانىن اتاپ كورسەتتى. ەلدە مەشىتكە شابۋىل سوڭعى رەت 1989 جىلى جاسالعان ەكەن.

توڭكەرىسشى-جۋرناليستەر بوساتىلدى

تۇركيادا مەملەكەتتىك توڭكەرىس دايىنداۋعا قا­تىسى بار دەپ ايىپتالعان 4 جۋرناليست بوستان­دىققا شىقتى. سوت تۇرمەدە ايتارلىقتاي ۇزاق ۋاقىت وتىر­عاندىقتان جانە تەرگەۋ ىسىنە كەدەرگى جاساي المايدى دەپ ساناعاندىقتان، ولاردى بوساتۋ تۋرالى شەشىم قابىلداعان.

جۋرناليستەر قاماۋعا وتكەن جىلدىڭ ناۋرىز ايىندا الىنسا، تۇرمەدە ءبىر جىلدان استام ۋاقىت ۇستالعان. بيلىك ولار رەجدەپ تايىپ ەردوعاننىڭ ۇكىمەتىن قۇلاتۋ نيەتىندە بولعان «ەرگەنەكون» دەپ اتالاتىن جاسىرىن ۇلتتىق ۇيىم­نىڭ قىزمەتىنە قاتىسقان دەپ پايىمدايدى. جالپى، اتالعان ۇيىم وكىلدەرىن تۇتقىنداۋ 2008 جىلدىڭ جازىندا باستال­عان بولاتىن.

150 ادام ىزدەستىرىلىپ جاتىر

بانگلادەشتە بورتىندا 200-دەي ادامى بار پاروم اپاتقا ۇشىرادى. ول مەنگا وزەنىندە ەل استاناسى داككي قالاسىنان وڭتۇستىككە قاراي 30 شاقىرىم جەردە باسقا پاروممەن سوقتىعىسىپ قالعان.

جەرگىلىكتى پوليتسيا وكىلىنىڭ سوزىنە قاراعاندا، 35 جولاۋشىنى باسقا پاروم ءوز بورتىنا العان. قالعان ادامداردىڭ تاعدىرى بەلگىسىز. اپات بولعان جەردە قۇتقارۋشىلار جۇمىس ىستەپ جاتىر. ولار ازىرشە اپات بولعان بىردە-ءبىر ادامنىڭ دەنەسىن تابا الماعان. پارومدار مەن قايىقتار اپاتى بانگلادەشتە ءجيى ورىن الىپ تۇرادى جانە ولاردان ونداعان ادام كوز جۇمادى.

ەڭ باي ايەلدىڭ ءۇيى ءتىنتىلدى

فرانتسيا پوليتسياسى ەۋروپاداعى ەڭ باي ايەل، L’Oreal-ءدىڭ تەڭ يەگەرى ليليان بەتانكۋردىڭ ۇيىنە ءتىنتۋ جۇرگىزدى. ءتىنتۋ سالىق تولەۋدەن جالتاردى جانە ساياسي ۇيىمداردى زاڭسىز قارجىلاندىردى دەگەن ءىستى تەرگەۋمەن بايلانىستى جۇزەگە اسىرىلدى.

ل.بەتانكۋرعا 2007 جىلى نيكوليا ساركوزيدىڭ سايلاۋالدى باعدارلاماسىن قارجىلاندىرۋعا 150 مىڭ دوللاردى زاڭسىز ءبولدى دەگەن كۇدىك كەلتىرىلۋدە. ول ەۋروپاداعى ەڭ باي ايەل، ال الەمدەگى ەڭ باي ايەلدەردىڭ ءبىرى سانالادى. «فوربس» جۋرنالى ونىڭ بايلىعىن 24 ميلليارد دوللار دەپ باعالاعان بولاتىن. بۇل جولعى ءتىنتۋدى فرانتسياداعى پرەزيدەنتتىك سايلاۋمەن تىكەلەي بايلانىستىرعان دا ءجون سەكىلدى.

قىسقا قايىرىپ ايتقاندا:

اقش قورعانىس ءمينيسترى لەون پانەتتا اۋعانستاننىڭ قانداعار پروۆينتسياسىندا 16 بەيبىت تۇرعىندى اتىپ ولتىرگەن امەريكالىق اسكەري قىزمەتشىنىڭ ءولىم جازاسىنا كەسىلۋى مۇمكىن ەكەنىن مالىمدەدى.

* بۇۇ كەڭەسىنىڭ ادام قۇقى جونىندەگى ءماجىلىسى كەزىندە سولتۇستىك كورەياداعى ادام قۇقىنىڭ بۇزىلۋى تۋرالى ەو مەن جاپونيا بايانداماشىلارىنان كەيىن وڭتۇستىك جانە سولتۇستىك كورەيا وكىلدەرى اراسىندا توبەلەس ورىن الدى.

فرانتسيا پرەزيدەنتى نيكوليا ساركوزي سايلاۋالدى ناۋقانى باستالعالى بەرى العاش رەت قوعامدىق سۇراۋ سالۋلار ءناتي­جەسىن­دە باستى قارسىلاسى – سوتسياليستىك پارتيادان كانديدات فرانسۋا وللاندتان باسىم ءتۇستى.

* تالليندەگى اسكەري زيراتتا ورناتىلعان ازات ەتۋشى جاۋىنگەرگە ارنالعان ەسكەرتكىشكە بەلگىسىز بىرەۋلەر اق بوياۋ جاعىپ كەتكەن. قولادان قۇيىلعان سولدات – ەستونيانى فاشيستەردەن ازات ەتۋ جولىندا قازا تاپقان كەڭەس اسكەريلەرىنە ورناتىلعان ەسكەرتكىش بولىپ تابىلادى.

تاشكەنتتە بۇرىنعى اكتەر، ادولف گيتلەردىڭ قوسارى (دۆوينيك) رەتىندە تانىلعان الەكساندر شيشكين ومىردەن ءوتتى. ول بىرقاتار فيلمدە گيتلەردى سومداعان بولاتىن. 17 دوللار زەينەتاقى الىپ كەلگەن اكتەر وتە كەدەي تۇرسا كەرەك.

ينتەرنەت ماتەريالدارى نەگىزىندە ازىرلەندى.

سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار