شەرۋگە 100 مىڭ ادام قاتىستى
سەيسەنبى, 14 اقپان 2012 7:24
گرەكيادا بيلىكتىڭ قاتاڭ ەكونوميكالىق شارالار قابىلداۋىنا قارسىنارازىلىق اكتسياسىنا 100 مىڭنان استام ادام شىقتى. سولاردىڭ ءجۇزشاقتىسى پوليتسيامەن قاقتىعىسقا بارىپ, قاۋىپسىزدىك كۇشتەرىقىزمەتكەرلەرىن تاستارمەن اتقىلادى.
پارلامەنت ەكونوميكانىڭ قاتاڭ شارالارى پاكەتىن ماقۇلداۋى ءتيىس. ول بويىنشا بىرتە-بىرتە 15 مىڭ مەملەكەتتىك قىزمەتكەر جۇمىستارىنان بوساتىلاتىن بولادى. سونداي-اق گرەكيا حالىقارالىق ۆاليۋتا قورى مەن ەۋروپالىق وداقتان 130 ميلليارد ەۋرو كولەمىندە ترانش الۋى ءۇشىن دە پارلامەنت حالىق قارسىلىعىنا مويىنسۇنباۋى قاجەت. ترانش الىنباعان جاعدايدا گرەكيا دەفولت جاريالاۋى ابدەن مۇمكىن.
سەيسەنبى, 14 اقپان 2012 7:24
گرەكيادا بيلىكتىڭ قاتاڭ ەكونوميكالىق شارالار قابىلداۋىنا قارسىنارازىلىق اكتسياسىنا 100 مىڭنان استام ادام شىقتى. سولاردىڭ ءجۇزشاقتىسى پوليتسيامەن قاقتىعىسقا بارىپ, قاۋىپسىزدىك كۇشتەرىقىزمەتكەرلەرىن تاستارمەن اتقىلادى.
پارلامەنت ەكونوميكانىڭ قاتاڭ شارالارى پاكەتىن ماقۇلداۋى ءتيىس. ول بويىنشا بىرتە-بىرتە 15 مىڭ مەملەكەتتىك قىزمەتكەر جۇمىستارىنان بوساتىلاتىن بولادى. سونداي-اق گرەكيا حالىقارالىق ۆاليۋتا قورى مەن ەۋروپالىق وداقتان 130 ميلليارد ەۋرو كولەمىندە ترانش الۋى ءۇشىن دە پارلامەنت حالىق قارسىلىعىنا مويىنسۇنباۋى قاجەت. ترانش الىنباعان جاعدايدا گرەكيا دەفولت جاريالاۋى ابدەن مۇمكىن.
سيرياعا بىتىمگەرشىلەر ەنگىزۋگە شاقىردى
اراب مەملەكەتتەرىنىڭ ليگاسى (امل) كايردە جەكسەنبى كۇنى وتكەن كەڭەس قورىتىندىسى بويىنشا بۇۇ قاۋىپسىزدىك كەڭەسىنە سيرياعا بىتىمگەرشىلەر كونتينگەنتىن ەنگىزۋگە شاقىرعان قارار قابىلدادى.
قاراردا, سونىمەن قاتار, جۇمىس ىستەۋگە جاعدايدىڭ جوقتىعىنا بايلانىستى سيريادا امل بايقاۋشىلارىنىڭ ميسسياسى ءوز جۇمىسىن اياقتايتىنى ايتىلادى. قازىر 24 اقپاندا تۋنيستە «سيريانىڭ دوستارى» كەزدەسۋىن وتكىزۋ تۋرالى شەشىم قابىلدانعان. بۇل ۋاقىتشا بىرلەستىك قۇرۋ يدەياسى رەسەي مەن قىتاي بۇۇ قاۋىپسىزدىك كەڭەسىنىڭ سيريا بويىنشا قارارىنا توسقاۋىل قويعاننان كەيىن پايدا بولعان ەدى.
رەسەي زىمىران كەشەنىن كوبەيتەدى
رەسەي قورعانىس مينيسترلىگى ەلدىڭ شەكارا اۋداندارىنا س-400 زەنيتتىك-زىمىراندىق كەشەنىنىڭ (ززك) جاڭا پارتياسىن ورنالاستىرۋ تۋرالى شەشىم الدى. بۇل جونىندە رەسەي اسكەري-اۋە كۇشتەرىنىڭ باس قولباسشىسى الەكساندر زەلين مالىمدەدى.
ۇستىمىزدەگى جىلى العاشقى ززك-ءنى باتىس اسكەري وكرۋگى الىپ, كالينينگراد وبلىسىنا ورنالاستىرادى دەپ جوسپارلانعان. قازىرگى كەزدە ماسكەۋ تۇبىندەگى ەلەكتروستال مەن دميتروۆتە س-400-ءدىڭ ەكى پولكى تۇر. ال 2011-2020 جىلدارعا ارنالعان مەملەكەتتىك باعدارلامادا ززك-ءنىڭ تاعى 56 ديۆيزيونىن ساتىپ الۋ كوزدەلگەن. ونىڭ جالپى قۇنى 23 تريلليون ءرۋبلدى قۇرايدى.
بەردىمۇحامەدوۆ 97 پايىز داۋىس الدى
تۇركىمەنستاندا وتكەن پرەزيدەنتتىك سايلاۋدا ءىس باسىنداعى پرەزيدەنت گۋربانگۋلى بەردىمۇحامەدوۆ سايلاۋشىلاردىڭ 97 پايىزدان استام داۋىسىن جيناعان. داۋىستاردى الدىن الا ەسەپتەۋ ناتيجەسى وسىنى كورسەتكەن.
پرەزيدەنتتىك سايلاۋعا بارلىعى 8 كانديدات قاتىسقان بولاتىن. ال سايلاۋشىلاردىڭ سايلاۋعا قاتىسۋ كورسەتكىشى 96 پايىزدان استامدى قۇراعان. پرەزيدەنت گ.بەردىمۇحامەدوۆتىڭ ءوزى سايلاۋ ۋچاسكەسىنە اكەسىمەن, ۇلىمەن جانە نەمەرەسىمەن بىرگە كەلىپ, العاشقىلار قاتارىندا داۋىس بەرگەن. 2007 جىلعى سايلاۋدا گ.بەردىمۇحامەدوۆ 90 پايىز داۋىس جيناعان بولاتىن.
تۇڭعىش رەت ورتاق ۇمىتكەر شىقتى
وتكەن جەكسەنبى كۇنى ۆەنەسۋەلادا ەل تاريحىندا العاش رەت وپپوزيتسيا پرايمەريز وتكىزدى. وپپوزيتسيالىق كواليتسيادان پرەزيدەنتتىككە كانديدات 62 پايىز داۋىس جيناعان ميراندا شتاتىنىڭ گۋبەرناتورى ەنريكە كاپريلەس بولدى.
ونىڭ باسەكەلەسى پابلو پەرەس 30 پايىز داۋىس العان. ناتيجەلەر جاريالانعاننان كەيىن كاپريلەستىڭ شتاب-پاتەرىنە ونىڭ مىڭداعان جاقتاستارى جينالىپ, جەڭىسىن تويلاعان. پرايمەريز شاڭبەرىندە وعان شامامەن 3 ميلليونداي ادام قاتىسقان. وپپوزيتسياداعىلار مۇنى جاقسىلىقتىڭ نىشانى دەپ باعالاپ, ەندى 7 قازان كۇنى وتەتىن پرەزيدەنتتىك سايلاۋدا دا وزدەرىنىڭ جاقتاستارى كوپ بولادى دەگەن ۇمىتتە وتىر.
پاكستان پرەمەرى سوتقا تارتىلادى
پاكستاننىڭ جوعارعى سوتى ەل پرەمەر-ءمينيسترى يۋسۋف رەزە گيلانيعا سوتقا قۇرمەت تانىتپادى دەگەن ايىپ تاقتى. ۇكىمەت باسشىسى بولسا, ءوزىن كىنالىمىن دەپ سانامايدى. گيلانيدىڭ ايىپتالۋىنا ءىس باسىنداعى پرەزيدەنت اسيف الي زارداريگە قاتىستى قىلمىستىق ءىستىڭ جالعاستىرىلۋىنا ىقپال ەتۋدەن باس تارتۋى سەبەپ بولىپ وتىر.
اتاپ ايتقاندا, ول شۆەيتساريانىڭ سوت ورگاندارىنا سۇراۋ جولداۋدان باس تارتقان. تەرگەۋ نۇسقاسى بويىنشا, 1990-جىلدارى قازىرگى پرەزيدەنت پەن ونىڭ زايىبى بەنازير بحۋتتو شۆەيتسارياعا 12 ميلليون دوللار جىلىستاتىپ جىبەرگەن. پرەمەر كىنالى دەپ تابىلعان جاعدايدا, قىزمەتىنەن قۋىلادى ءارى جارتى جىلعا دەيىن تۇرمەگە قامالۋى مۇمكىن.
قىسقا قايىرىپ ايتقاندا:
l سيرياداعى امل بايقاۋشىلارى ميسسياسىنىڭ باسشىسى مۇحاممەد مۇستافا ءال-دابي وتستاۆكاعا كەتتى. جاڭا باسشىلىققا يوردانيانىڭ ەكس-سىرتقى ىستەر ءمينيسترى ابدەل يلاح ءحاتيبتىڭ كانديداتۋراسى ۇسىنىلعان.
l يران باسشىلىعى يراننىڭ يادرولىق باعدارلاماسى بويىنشا جۇمىس ىستەپ جۇرگەن عالىم موستافا احمادي روشاننىڭ ولىمىنە ازەربايجاندى ايىپتادى. م.روشان وسى جىلدىڭ 11 قاڭتارىندا بومبا جارىلىسىنان قازا تاپقان ەدى.
l اقش-تا زاڭسىز تۇرىپ جاتقان وزبەكستان ازاماتى, 22 جاستاعى ۇلىقبەك كوديروۆ اقش پرەزيدەنتى باراك وبامانى بىرنەشە مارتە ولتىرمەك بولدىم دەپ قوقان-لوقى جاساعانىن مويىنداعان. ول بىلتىرعى شىلدە ايىندا ۇستالعان ەدى.
l ماسكەۋدەگى ۇكىمەت ءۇيى الدىندا نيجني تاگيل تۇرعىنى ۆەرا سمولينا ءوزىن ءوزى ورتەپ جىبەرۋگە ارەكەت جاساعان. بۇگىندە ول اۋىر كۇيىك سالدارىنان ءولىم ۇستىندە جاتىر. ۆ.سمولينانىڭ مۇنداي قادامعا نە ءۇشىن بارعانى ازىرشە بەلگىسىز.
l قىرعىزستان مەن تاجىكستان شەكاراسىندا «سامارقاندىق» شەكارا زاستاۆاسى باستىعىنىڭ ورىنباسارى قانات دۇيشەناليەۆ اتىپ ءولتىرىلدى. بۇل اقپاراتتى قىرعىزستاننىڭ ۇلتتىق قاۋىپسىزدىك كوميتەتىنىڭ ءباسپاسوز قىزمەتى تاراتتى.
l تاعىنان تايدىرىلعان مۋاممار كاددافيدىڭ ۇلى – ساادي كاددافي وزىنە بوسقىن مارتەبەسى بەرىلگەن نيگەريادا ءۇي قاماعىنا الىنىپ, ۇيالى تەلەفون ارقىلى سويلەسۋگە تىيىم سالىندى. ول ليۆيادا ۇلتتىق وتپەلى كەڭەسكە قارسى جالپىۇلتتىق اكتسيا دايىندالىپ جاتىر دەگەن ارانداتۋشىلىق مالىمدەمەسى ءۇشىن جازالاندى.
ينتەرنەت ماتەريالدارى نەگىزىندە ازىرلەندى.
