مەجەلى مىندەتتەردىڭ ورىندالۋى ويداعىداي

سارسەنبى كۇنى ماسكەۋدە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ پەن رەسەي فەدەراتسياسى ۇكىمەتىنىڭ توراعاسى ۆلاديمير ءپۋتيننىڭ كەزدەسۋى بولىپ ءوتتى. كەلىسسوزدەر بارىسىندا ەكى جاقتى ساۋدا-ەكونوميكالىق قىز­مەتتەستىكتى ودان ءارى دامىتۋ, ونىڭ ىشىندە عارىش, ەلەكتر ەنەر­گياسى سالالارى, سونداي-اق اتوم ونەركاسىبى سالاسىندا دا جەتىل­دىرۋ ماسەلەلەرى تالقىلان­دى. سول سياقتى قازاقستان مەن رەسەيدىڭ جۇمىس ىستەپ تۇرعان كە­دەن وداعى جانە ءبىرتۇتاس ەكونوميكالىق كە­ڭىستىك قا­لىپتاستىرۋ ۇدەرىسى شەڭ­بەرىن­دەگى ءوزارا ءىس-قيمىلدارىنىڭ كوكەيكەستى ماسەلەلەرى دە اڭگىمە ارقاۋىنا اينالدى. العا قويىلعان مىندەتتەردى شەشۋدە ايتارلىقتاي ۇلكەن العا باسۋشىلىقتارعا قول جەتكىزىلدى. مەنىڭ ويىمشا ءبىز كەلىسكەن 1 شىلدەگە دەيىن بارلىق مىندەتتەر ءوز شەشىمىن تابۋعا ءتيىس, دەپ اتاپ كورسەتتى ك.ءماسىموۆ. ينتەگراتسيالىق ۇدەرىستەردە قازاقستان پوستكەڭەستىك كەڭىس­تىكتە ناعىز كوشباسشى بولىپ تابىلادى جانە كەدەن وداعىن قۇرۋدا كوپ جۇمىستار اتقاردى, دەدى ۆ.پۋتين ءوز كەزەگىندە. كەزدەسۋ سوڭىندا ك.ءماسىموۆ پەن ۆ.پۋتين قازاقستان مەن رەسەي اراسىنداعى جەمىستى ساۋدا-ەكو­نو­مي­كالىق قىزمەتتەستىك پەن ءارىپ­تەس­­تىك قارىم-قاتىناستاردىڭ تا­بىس­تى دامي بەرەتىنىنە سەنىم ءبىلدىردى. پرەمەر-ءمينيستردىڭ ءباسپاسوز قىزمەتى.