يزرايل يرانعا سوققى جاساي ما؟
سەنبى, 4 اقپان 2012 7:15
اقش قورعانىس ءمينيسترى لەون پانەتتا ءيزرايلدىڭ 2012 جىلدىڭ كوكتەمىندە يراننىڭ يادرولىق نىساندارىنا سوققى جاساۋ ىقتيمالدىعى مول دەپ ەسەپتەيدى.
ول يران ءوزىنىڭ اتوم بومباسىن جاساپ, «يممۋنيتەت ايماعىن» وتكەنگە دەيىن جۇزەگە اسپاق. پەنتاگون باسشىسى ءوزىنىڭ دە, پرەزيدەنت باراك وبامانىڭ دا اقش-تىڭ يرانعا سوققى جاساۋعا قارسى ەكەنىن, وسى ەلگە قاتىستى ۇلعايىپ كەلە جاتقان حالىقارالىق سانكتسيالاردىڭ ونىڭ قاۋىپتى شەكتەن شىعىپ كەتۋىنە جول بەرمەيتىنىن تۇسىندىرگەندەرىن ايتقان. ساراپشىلار باتىس سيرياداعى باشار اساد رەجىمىن قۇلاتقاننان كەيىن عانا يرانعا شابۋىل جاسالۋى مۇمكىن دەپ سانايدى. ال ونىڭ قاشان جۇزەگە اسارى ازىرگە بەلگىسىز.
سەنبى, 4 اقپان 2012 7:15
اقش قورعانىس ءمينيسترى لەون پانەتتا ءيزرايلدىڭ 2012 جىلدىڭ كوكتەمىندە يراننىڭ يادرولىق نىساندارىنا سوققى جاساۋ ىقتيمالدىعى مول دەپ ەسەپتەيدى.
ول يران ءوزىنىڭ اتوم بومباسىن جاساپ, «يممۋنيتەت ايماعىن» وتكەنگە دەيىن جۇزەگە اسپاق. پەنتاگون باسشىسى ءوزىنىڭ دە, پرەزيدەنت باراك وبامانىڭ دا اقش-تىڭ يرانعا سوققى جاساۋعا قارسى ەكەنىن, وسى ەلگە قاتىستى ۇلعايىپ كەلە جاتقان حالىقارالىق سانكتسيالاردىڭ ونىڭ قاۋىپتى شەكتەن شىعىپ كەتۋىنە جول بەرمەيتىنىن تۇسىندىرگەندەرىن ايتقان. ساراپشىلار باتىس سيرياداعى باشار اساد رەجىمىن قۇلاتقاننان كەيىن عانا يرانعا شابۋىل جاسالۋى مۇمكىن دەپ سانايدى. ال ونىڭ قاشان جۇزەگە اسارى ازىرگە بەلگىسىز.
جاپون وندىرىسشىلەرى شىعىنعا ۇرىنۋدا
جاپونيالىق ەلەكترونيكا جانە تۇرمىستىق تەحنيكا شىعارۋشىلار بىرىنەن سوڭ ءبىرى شىعىنعا ۇرىنعاندارى تۋرالى ەسەپ بەرىپ, وزدەرىنىڭ بولجامدى تابىستارىن تومەندەتۋدە.
وعان سۇيىق كريستالدى جانە پلازمالى تەلەديدارلارعا دەگەن سۇرانىستىڭ تومەندەۋى, تۇتىنۋشى ءۇشىن باعالىق تارتىستار مەن وڭتۇستىككورەيالىق كومپانيالار تۋىنداتقان قاتاڭ ءباسەكەلەستىك سەبەپ بولىپ وتىر. ەكسپورتتىق تۇسىمدەردى تومەندەتكەن يەنانىڭ شامادان تىس تومەن باعامى, وتكەن جىلى جاپونيا مەن جاپونيالىق كومپانيالار وزدەرىنىڭ وندىرىستىك قۋاتتارىنىڭ ءبىر بولىگىن ورنالاستىرعان تايلاندتا بولعان تابيعي اپاتتار دا احۋالدى كۇردەلەندىرە ءتۇسىپ وتىر.
كايردە قاقتىعىستار قايتا ءورشىدى
ەگيپەت استاناسى كايردىڭ ورتالىعىندا ەرەۋىلشىلەر مەن پوليتسيا اراسىنداعى قاقتىعىس قايتادان ءورشي ءتۇستى.
ەگيپەتتەگى جاعداي پورت-سايد قالاسى ستاديونىندا ورىن العان قاندى وقيعالاردان كەيىن مەيلىنشە شيەلەنىسىپ كەتكەن. وسى وقيعادان سوڭ وزدەرىنىڭ قايعىلارىن ءبىلدىرۋ ءۇشىن مىڭداعان ادام كايردىڭ ورتالىعىنا جينالدى. قالىڭ توپتىڭ اراسىندا پورت-سايدتان كەلگەن جانكۇيەرلەر دە بولدى. ولار قولدارىنا ميكروفون الىپ وزدەرىنىڭ باستارىنان كەشكەن ۇرەيلى جاعدايلاردى بايانداعان. سونىڭ سالدارىنان پوليتسيانى ارەكەتسىز دەپ كىنالاعان توپ ءىىم عيماراتىنا لاپ قويعان.
قاۋىپسىزدىك كەڭەسىندەگى مامىلە
بۇۇ قاۋىپسىزدىك كەڭەسى رەسەي مەن قىتاي ۇستانىمدارى ەسكەرىلگەن سيريا جونىندەگى قاراردىڭ ءماتىنى بويىنشا كەلىسىمگە كەلدى.
قۇجاتتان سيريا ليدەرى باشار اسادتى شۇعىل تۇردە وتستاۆكاعا كەتىرۋ تۋرالى ۇندەۋ مەن داماسكىگە قارۋ-جاراق جەتكىزىپ بەرۋگە ەمبارگو قويۋ تۋرالى پۋنكت الىنىپ تاستالدى. سونىمەن بىرگە قاراردا قاۋىپسىزدىك كەڭەسىنىڭ سيريادا ۇلتتىق بىرلىك ۇكىمەتىن قۇرۋدى جانە كەيىن ەلدە كەزەكتەن تىس سايلاۋ وتكىزۋدى قاراستىراتىن اراب مەملەكەتتەرى ليگاسىنىڭ جوسپارىنا قولداۋ جاسالاتىنى دا اتاپ كورسەتىلگەن.
يران جەر سەرىگى ۇشىرىلدى
يراندا جاڭا «ناۆيد» زەرتتەۋ سپۋتنيگى عارىشقا ۇشىرىلدى.
يران عارىش اگەنتتىگىنىڭ باسشىسى حاميد فازەلي ۇشىرۋدىڭ ءساتتى وتكەنىن حابارلاعان. ول اپپاراتتىڭ 250-370 شاقىرىم بيىكتىكتە بولاتىنىن دا اتاپ كورسەتكەن. «ناۆيد» بايلانىس سپۋتنيگى رەتىندە جانە تابيعات قۇبىلىستارىن زەرتتەۋ, تابيعي اپاتتاردىڭ الدىن الۋ سياقتى ءتۇرلى عىلىمي ماقساتتار ءۇشىن دە پايدالانىلاتىن بولادى. تاياۋ جىلداردا يران تاعى دا عارىشقا ءۇش سپۋتنيك شىعارۋدى جوسپارلاپ وتىر. 2009 جىلى بۇل ەل ءوزىنىڭ العاشقى «وميد» سپۋتنيگىن ۇشىرعان بولاتىن.
اۋعانستانداعى اسكەر قاشان شىعارىلادى؟
اقش قورعانىس ءمينيسترى لەون پانەتتانىڭ ناتو اۋعانستان اۋماعىنداعى سوعىس قيمىلدارىن 2013 جىلى اياقتايدى دەگەنىمەن اقش اكىمشىلىگى وسى ەلدەن اسكەردى شىعارۋ جوسپارىنا وزگەرىستەر ەنگىزىلمەۋىن تالاپ ەتىپ وتىر.
لەون پانەتتا ناتو كونتينگەنتىنىڭ اۋعاندىق اسكەري قىزمەتشىلەردى وقىتىپ-ۇيرەتۋ جانە اقىل-كەڭەستەر بەرۋ ءۇشىن 2014 جىلعا دەيىن ەل اۋماعىندا قالاتىنىن دا اتاپ كورسەتكەن. وسىعان دەيىن ناتو باس حاتشىسى اندەرس فوگ راسمۋسسەن ناتو ءاسكەرلەرى اۋعانستاننان بۇرىنعى جوسپار بويىنشا, 2014 جىلدىڭ سوڭىندا شىعارىلادى دەپ مالىمدەگەن بولاتىن. بۇل ءمالىمدەمە فرانتسيا پرەزيدەنتى ن.ساركوزيدىڭ ناتو اسكەرلەرىن مەرزىمىنەن بۇرىن شىعارۋ كەرەك دەگەن ۇندەۋىنە جاۋاپ بولىپ تابىلادى.
سۋعا باتقاندار ىزدەستىرىلۋدە
پاپۋا-جاڭا گۆينەيا جاعالاۋىندا باتىپ كەتكەن «راباۋل كۋين» پارومىنىڭ 100 جولاۋشىسىن ىزدەۋ جۇمىستارى بەلسەندى جۇرگىزىلۋدە.
پاروم بورتىندا بولعان 362 ادامنىڭ 246-سى قۇتقارىلىپ, امان-ەسەن كۇيلەرىندە جاعالاۋعا جەتكىزىلگەن. دەگەنمەن, ءجۇزدەن استام جولاۋشىنىڭ تاعدىرى ازىرگە بەلگىسىز كۇيىندە قالىپ وتىر. سۋدان قازا بولعانداردىڭ دەنەلەرى تابىلماعان كورىنەدى. ۇكىمەت تەپلوحودتان شىعىپ ۇلگەرمەگەن ادامدار ونىمەن بىرگە سۋ تۇبىنە باتىپ كەتكەن جوق پا دەگەن قاۋىپ ءبىلدىرىپ وتىر. قۇتقارىلعان جولاۋشىلاردىڭ ايتۋىنشا, اپات بولاردىڭ الدىندا پاروم وتە ۇلكەن تولقىننىڭ استىندا قالىپ, سونىڭ سالدارىنان اۋدارىلىپ, سۋعا باتىپ كەتكەن.
ەۋروپانى دا اياز قىسىپ تۇر
ەۋروپادا ورىن العان كۇشتى اياز سالدارىنان 160-تان استام ادام قۇربان بولعان.
شىعىس ەۋروپا ەلدەرى بارىنەن دە كوپ زارداپ شەگىپ وتىر. وڭتۇستىك-باتىسىندا مينۋس 30 گرادۋستى كورسەتىپ تۇرعان پولشادا سوڭعى تاۋلىكتە عانا 10 ادام قازا تاپقان. بارلىعى وسى ەلدە اپتا ىشىندە 29 ادام ومىرلەرىمەن قوشتاسقان. رۋمىنيادا 20 ەركەك پەن ايەل قاتىپ قالسا, ءجۇز جىل بويى دەرلىك مۇنداي ايازدى كورمەگەن بولگاريادا 10 ادام ءۇسىپ ولگەن. لاتۆيا مەن ليتۆا ەلدەرىندەگى جاعداي دا ءدال وسىنداي. سول سياقتى يتاليادا, اۆستريا مەن گرەكيادا دا قازا تاپقاندار بار.
باسپاناسىزدارعا كومەك كورسەتىلۋدە
رەسەيدىڭ بارلىق وڭىرلەرىندە تمج ايازعا ۇرىنعان ادامدارعا كومەك كورسەتەتىن ارناۋلى پۋنكتتەر اشۋدا.
سوڭعى مالىمەت بويىنشا بۇرىن-سوڭدى بولماعان اياز سالدارىنان ەلدە 60-تان استام ادام قازا تاپقان. وسىنداي جاعدايلاردىڭ الدىن الۋ ءۇشىن توتەنشە جاعدايلار ءمينيسترى س.شويگۋ بۇكىل ەل بويىنشا باسپاناسىزداردى تاماقتاندىراتىن جانە مەديتسينالىق جەردەم كورسەتەتىن پۋنكتتەر اشۋ جونىندە وكىم شىعارعان.
ينتەرنەت ماتەريالدارى نەگىزىندە ازىرلەندى.
