شاراينا
سەيسەنبى, 27 قاراشا 2012 7:18
كاتالونيا تاۋەلسىزدىك الا ما؟
25 قاراشا كۇنى كاتالونيادا وتكەن سايلاۋدا ءوڭىردىڭ تاۋەلسىزدىگى ءۇشىن كۇرەسپەك پارتيالار باسىم داۋىس العان. بۇل جونىندە «فرانس-پرەسس» اگەنتتىگى حابارلادى. رەسمي مالىمەتتەرگە سايكەس, باسىمدىقتى ۇكىمەتتىڭ قازىرگى توراعاسى ارتۋر ماس باسشىلىق جاسايتىن «كونۆەرگەنتسيا جانە وداق» ۇلتتىق كواليتسياسى ساقتاپ قالعان.
سەيسەنبى, 27 قاراشا 2012 7:18
كاتالونيا تاۋەلسىزدىك الا ما؟
25 قاراشا كۇنى كاتالونيادا وتكەن سايلاۋدا ءوڭىردىڭ تاۋەلسىزدىگى ءۇشىن كۇرەسپەك پارتيالار باسىم داۋىس العان. بۇل جونىندە «فرانس-پرەسس» اگەنتتىگى حابارلادى. رەسمي مالىمەتتەرگە سايكەس, باسىمدىقتى ۇكىمەتتىڭ قازىرگى توراعاسى ارتۋر ماس باسشىلىق جاسايتىن «كونۆەرگەنتسيا جانە وداق» ۇلتتىق كواليتسياسى ساقتاپ قالعان.
بۇل كواليتسيا وڭىرلىك پارلامەنتتەگى 135 ورىننىڭ 50-ىنە يە بولعان. ەكىنشى ورىنعا كاتالونيانىڭ سەپاراتيستىك سولشىل رەسپۋبليكالىق پارتياسى كوتەرىلگەن. ول ءوزىنىڭ مانداتىن بۇعان دەيىنگى 10-نان 21-گە دەيىن كوبەيتكەن. جالپى, كاتالونيادا سوڭعى 20 جىلدا العاش رەت داۋىس بەرۋگە كەلگەن ادامداردىڭ رەكوردى تىركەلگەن. ءوڭىر حالقى كوپ جىلداردان بەرى تاۋەلسىزدىكتى قالايدى.
گازا سەكتورى شىعىنىن ەسەپتەۋدە
ءيزرايلدىڭ گازا سەكتورىندا جۇرگىزگەن وپەراتسياسىنان كەلگەن شىعىن 1,2 ميلليارد دوللاردان اسىپ تۇسكەن. حاماس قوزعالىسىنىڭ رەسمي وكىلى تاحەر ءال-نۋنۋدىڭ مالىمدەۋىنشە, بۇل سوما تىكەلەي اۆياسوققىلاردان كەلگەن شىعىن رەتىندە باعالانعان 545 ميلليون دوللاردان جانە 7 ميلليون دوللارعا باعالانعان تىكەلەي ەمەس شىعىنداردان جيناقتالعان.
ءال-نۋنۋ سونداي-اق يزرايل اسكەري-اۋە كۇشتەرىنىڭ ءىس-ارەكەتىنىڭ سالدارىنان 200 ءۇي مەن 42 تۇرعىن ەمەس قۇرىلىس تولىقتاي قيراعانىن اتاپ ءوتتى. بۇلاردىڭ ىشىندە حاماس ۇكىمەتىنىڭ شتاب-پاتەرى دە بار. پالەستينا دارىگەرلەرىنىڭ دەرەكتەرىنشە, يزرايل اۆياتسياسى شابۋىلىنان 166 ادام, ونىڭ ىشىندە 43 ءسابي بار, قازا تاپسا, 1235 ادام جارالانعان. ال يزرايل تاراپىنان 4 بەيبىت تۇرعىن مەن 2 اسكەري قىزمەتكەر كوز جۇمىپ, تاعى 240 ادام دەنە جاراقاتىن العان.
قايتىپ كەلۋىن جوققا شىعارمايدى
رەسەي پرەمەر-ءمينيسترى دميتري مەدۆەدەۆ 2018 جىلى پرەزيدەنت لاۋازىمىنا قايتىپ كەلۋى ىقتيمال ەكەنىن جوققا شىعارمايدى. ول مۇنى Le Figaro باسى-
لىمىنا بەرگەن سۇحباتىندا مالىمدەگەن. د.مەدۆەدەۆتىڭ سوزىنە قاراعاندا, كوپ نارسە ونىڭ دەنساۋلىعىنا, سونىمەن قاتار, باسقا دا فاكتورلارعا تاۋەلدى بولادى.
بىراق دەيدى ول, ەشقاشاندا ەشقاشان دەپ ايتۋعا بولمايدى. ونىڭ ۇستىنە مەن بۇل وزەنگە ءبىر مارتە سۇڭگىپ شىققانمىن. تاعى ءبىر مارتە نەگە سۇڭگىمەسكە؟ سونداي-اق, ول ءوزىن پرەمەر-مينيستر ورىنتاعىندا دا تاماشا سەزىنەتىنىن اتاپ كورسەتكەن. ونىڭ سوزىنە قاراعاندا, وزىمەن جۇمىس ىستەۋگە جايلى ءبىر ادام بار بولسا, ول – ۆلاديمير پۋتين. ۆ.پۋتين مەن د.مەدۆەدەۆتىڭ «كەلىسىمى» بويىنشا ەكەۋى لاۋازىمدارىمەن الماسقانى بەلگىلى.
تىكۇشاق بازاسىنا باقىلاۋ ورناتتى
سيريا ب ۇلىكشىلەرى ەل استاناسى – داماسكىدەن 15 شاقىرىم جەردە ورنالاسقان ۇكىمەت اسكەرلەرىنىڭ تىكۇشاق بازاسىن باسىپ الىپ, باقىلاۋ ورناتقاندارىن مالىمدەدى. بۇل ب ۇلىكشىلەر وسى ايدا باسىپ العان ۇكىمەتتىك اسكەري-اۋە كۇشتەرىنىڭ ەكىنشى بازاسى بولىپ تابىلادى.
ب ۇلىكشىلەردىڭ سوزدەرىنە قاراعاندا, گازانى باسىپ الۋ وپەراتسياسى بارىسىندا ەكى تىكۇشاق پەن راديولوكاتور قيراتىلىپ, ەل پرەزيدەنتى باشار اساد رەجىمىنىڭ 15 جاقتاسى تۇتقىنعا الىنعان. سوڭعى ۋاقىتتا رەجىمگە قارسى ب ۇلىكشىلەردىڭ كوپتەگەن توبى كۇرەس جۇرگىزىپ جاتقانى بەلگىلى. ويتكەنى, قاراشا ايىنىڭ باسىندا ولار ءوز ءىس-قيمىلدارىن اسادقا قارسى ۇيلەستىرۋ ماقساتىندا كواليتسياعا بىرىگۋگە قول جەتكىزگەن ەدى.
سااكاشۆيلي گرۋزيادان كەتپەيدى
گرۋزيا پرەزيدەنتى ميحايل سااكاشۆيلي ەلدى تاستاپ كەتپەيتىنىن مالىمدەدى. مۇنداي مالىمدەمەنى ول 23 قاراشا كۇنى باگراتا عيباداتحاناسىنا بارعان كەزىندە جاسادى. گرۋزيا قازىر سىناق كەزەڭىن باسىنان كەشىپ وتىر, سوندىقتان مەن بۇل سىناقتى حالىقپەن بىرگە ءبولىسۋ نيەتىندەمىن, دەدى ول.
ارينە, مەن ءوز حالقىمدى ەشقايدا تاستاپ كەتپەيمىن. ءبىز پروبلەمالاردى ەڭسەرىپ, ەلىمىزدى وسى سىناق كەزەڭىنەن شىعاراتىن بولامىز, دەدى ول ءارى قاراي. قازان ايىنداعى پارلامەنتتىك سايلاۋدا وپپوزيتسيالىق كواليتسيا جەڭىسكە جەتىپ, م.سااكاشۆيلي باسقاراتىن پارتيا ۇكىمەت پەن پارلامەنتتىڭ قولداۋىنان ايىرىلعانى ءمالىم. بىراق ول الداعى جىلدىڭ كۇزىندە وتەتىن پرەزيدەنتتىك سايلاۋعا دەيىن ءوز لاۋازىمىندا قالا بەرەدى.
ەحۋد باراك ساياساتپەن قوشتاسپاق
يزرايل قورعانىس ءمينيسترى ەحۋد باراك كەشە كنەسسەتكە (پارلامەنتكە) سايلاۋدان سوڭ ءوزىنىڭ كارەراسىن اياقتاپ, ساياساتتان كەتەتىنىن مالىمدەدى. بۇل جونىندە «رەيتەر» اگەنتتىگى حابارلادى. بىراق باراك جاڭا ۇكىمەت جاساقتالعانشا, ءوزىنىڭ ورىنتاعىندا قالا بەرەتىنىن, ءسويتىپ, قورعانىس مينيسترلىگىن باسقارۋدى جالعاستىراتىنىن اتاپ كورسەتتى.
مينيستر شەشىمىنىڭ سەبەبى, ونىڭ «تاۋەلسىزدىك» پارتياسى, قوعامدىق سۇراۋ سالۋلاردىڭ ناتيجەسىنە سايكەس, كنەسسەتكە وتۋگە ەشقانداي مۇمكىندىگى جوقتىعىندا جاتۋى ىقتيمال. ە.باراك 2007 جىلدان بەرى قورعانىس ءمينيسترى بولىپ كەلەدى. ول بۇل قىزمەتتى 1999-2001 جىلدار ارالىعىندا دا اتقارعان بولاتىن. ە.باراك وتكەن كەزەڭدە باسقا دا ءتۇرلى لاۋازىمداردا بولعان ساياساتكەر. يزرايل پارلامەنتىن سايلاۋ الداعى جىلدىڭ 22 قاڭتارىندا وتەدى.
قىسقا قايىرىپ ايتقاندا:
ەگيپەت پرەزيدەنتى موحاممەد مۋرسي ءوزىنىڭ وكىلەتتىگىن كەڭەيتۋ تۋرالى جارلىقتار ۋاقىتشا ۇدەرىس بولىپ تابىلاتىنىن, مۇنداي كەڭ وكىلەتتىلىك وعان قازىر ەلدەگى ساياسي تۇراقتىلىقتى قايتارۋ ءۇشىن قاجەت ەكەنىن مالىمدەدى.
جاقىندا رەسەي قورعانىس ءمينيسترى بولىپ تاعايىندالعان سەرگەي شويگۋ وزىمەن بۇرىن قىزمەتتەس بولعان 14 وفيتسەر مەن گەنەرالدىڭ قورعانىس مينيسترلىگى اپپاراتىنا اۋىساتىنىن حابارلادى. ولاردىڭ بارلىعى بۇعان دەيىن توتەنشە جاعدايلار مينيسترلىگىندە جۇمىس ىستەگەن.
ۋكراينانىڭ استاناسى – كيەۆ قالاسىندا اشتىق قۇرباندارى ەسكە الىندى. شاراعا شامامەن 2 مىڭداي ادام قاتىستى. ەل پرەزيدەنتى ۆيكتور يانۋكوۆيچتىڭ ۇستانىمىنشا, 30-شى جىلدارداعى اشتىق – كەڭەس وداعىنا كىرگەن مەملەكەتتەردىڭ ورتاق قاسىرەتى.
مەكسيكانىڭ سولتۇستىگىندەگى چيۋاۋا شتاتىندا 19 ادامنىڭ مۇردەسى تابىلدى. شامامەن 20 مەن 30 جاس ارالىعىنداعى ەر ادامدار وسىدان 2 جىل بۇرىن ەسىرتكى كارتەلدەرى اراسىنداعى كۇرەس كەزىندە ولتىرىلسە كەرەك. ولار 3 زيراتقا ءبولىپ جەرلەنىپتى.
ينتەرنەت ماتەريالدارى نەگىزىندە ازىرلەندى.
