دارىگەرلەر باستاپ ەدى, بانكتەگىلەر قوستادى
جۇما, 15 ماۋسىم 2012 6:57
جىل سايىن 14 ماۋسىمدا ءدۇنيەجۇزىلىك دونور كۇنىن وتكىزۋ تۋرالى باستاماعا 4 بىردەي حالىقارالىق ۇيىم ۇيىتقى بولىپ كەلەدى. بۇلار – ددسۇ, قىزىل كرەست جانە قىزىل جارتى اي حالىقارالىق فەدەراتسياسى, قان دونورلارىن ۇيىمداستىرۋدىڭ حالىقارالىق فەدەراتسياسى جانە حالىقارالىق قان قۇيۋ قوعامداستىعى. بۇل ۇيىمدار قاندى تەگىن جانە ءوز ەرىكتەرىمەن تاپسىرۋعا ۇندەيدى.
جۇما, 15 ماۋسىم 2012 6:57
جىل سايىن 14 ماۋسىمدا ءدۇنيەجۇزىلىك دونور كۇنىن وتكىزۋ تۋرالى باستاماعا 4 بىردەي حالىقارالىق ۇيىم ۇيىتقى بولىپ كەلەدى. بۇلار – ددسۇ, قىزىل كرەست جانە قىزىل جارتى اي حالىقارالىق فەدەراتسياسى, قان دونورلارىن ۇيىمداستىرۋدىڭ حالىقارالىق فەدەراتسياسى جانە حالىقارالىق قان قۇيۋ قوعامداستىعى. بۇل ۇيىمدار قاندى تەگىن جانە ءوز ەرىكتەرىمەن تاپسىرۋعا ۇندەيدى.
بيىل مۇنداي شارانى الماتى قالاسىنداعى قالالىق قان ورتالىعى دۇنيەجۇزىلىك دونور كۇنى قارساڭىندا باستادى. بۇل ورتالىقتىڭ ءوزى دە 2004 جىلى 14 ماۋسىمدا قۇرىلعان. قالالىق اكىمشىلىكتىڭ قۇزىرىنا قارايتىن ورتالىق الماتىداعى 20-عا تارتا مەديتسينالىق مەكەمەگە قىزمەت كورسەتەدى. مىڭداعان ادامداردىڭ ومىرىنە اراشا بولعان قان ورتالىعى قان دايىنداۋدىڭ زاماناۋي ادىستەرىن ەنگىزىپ, تەستىلەپ, دونورلىق قان قۇرامىنىڭ قوسىمشا قاۋىپسىزدىگىن قامتاماسىز ەتەدى.
ال بيىلعى دۇنيەجۇزىلىك دونور كۇنى «الەمدى جارىلقا!» دەگەن ۇراندى ۇستانعان. بۇل باستاما كەزدەيسوق اپاتتار مەن جاراقاتتاردان قان جوعالتىپ, سوزىلمالى قان اۋرۋلارىنا دۋشار بولعان جانداردىڭ ءومىرىن ۇزارتۋعا سەپتەسەتىنى ءسوزسىز.
الدىمەن بۇل اكتسياعا قالالىق دەنساۋلىق ساقتاۋ باسقارماسىنىڭ باسشىلىعىمەن الماتى دارىگەرلەرىنىڭ ءوزى بەلسەنە كىرىسىپ, قان تاپسىرۋدى باستادى.
– بىزدە قانعا دەگەن قاجەتتىلىك وتە جوعارى, قالانىڭ ينفراقۇرىلىمى ءوسىپ كەلەدى, جول-كولىك وقيعاسى دا جيىلەگەن. بۇدان بولەك, سوڭعى جىلدارى بالا تۋ كورسەتكىشى دە جوعارى, – دەدى قالالىق قان ورتالىعىنىڭ ديرەكتورى جاندوس ناديروۆ.
سونداي-اق 12 ماۋسىم كۇنى الماتىداعى «تەمىربانك» اق-نىڭ قىزمەتكەرلەرى دە «سەنىڭ كۇنىڭ, دونور!» اتتى قان تاپسىرۋ ناۋقانىنا قاتىسىپ, 43 ادام 19 ليتر 350 گرامم قان وتكىزدى.
بۇل شاراپاتتى ءىستى قارجى ينستيتۋتىنىڭ قىزمەتكەرلەردى باسقارۋ دەپارتامەنتىنىڭ ۇيىمداستىرۋىمەن رەسپۋبليكالىق قان ورتالىعى مەن «باۋىرجان» قايىرىمدىلىق قورى بىرلەسىپ وتكىزدى. «بۇگىننەن باستاپ دونور بول» ۇرانىمەن وتكىزىلىپ وتىرعان ناۋقان قازاقستانداعى دونورلىق ينستيتۋتتى دامىتۋعا ۇلەس قوسۋعا باعىتتالعان.
مۇنداي يگى باستاما تەمىربانكتە وسىمەن ءۇشىنشى رەت وتكىزىلىپ وتىر. وعان 2010 جىلى – 42, 2011 جىلى – 47 ادام ءوز ەركىمەن قاتىسقان بولاتىن. بيىل جينالعان قان رەسپۋبليكالىق پەدياتريا ينستيتۋتى مەن ەلىمىزدىڭ مەديتسينالىق مەكەمەلەرىندەگى كۇردەلى ونكولوگيالىق جانە گەماتولوگيالىق سىرقات جاندارعا كومەك رەتىندە جونەلتىلەتىن بولادى, – دەيدى «تەمىربانك» اق-نىڭ ءباسپاسوز قىزمەتىنىڭ باس مامانى ءمادينا كەڭەس.
ايناش ەسالي,
«ەگەمەن قازاقستان».
الماتى.
