بيلىك پارتياسى بيىك بەلەستەرگە باستايدى

“نۇر وتان” حدپ-نىڭ پارلامەنت ماجىلىسىندەگى فراكتسياسىنىڭ كەڭەيتىلگەن جيىنى ءوتىپ, وندا ەلباسىنىڭ بيىلعى جولداۋىنا سايكەس, ەلدىڭ باس قارجى قۇجاتى – “2010-2012 جىلدارعا ارنالعان رەسپۋبليكالىق بيۋدجەت تۋرالى” زاڭعا وزگەرىستەر مەن تولىقتىرۋلار ەنگىزۋ جايى قارالدى. جيىنعا پرەمەر-مينيستر كارىم ءماسىموۆ, پارلامەنت ءماجىلىسىنىڭ توراعاسى ورال مۇحامەدجانوۆ, پارتيا توراعاسىنىڭ ءبىرىنشى ورىنباسارى نۇرلان نىعماتۋلين, ۇكىمەت مۇشەلەرى مەن پارلامەنت دەپۋتاتتارى قاتىستى. جيىن بارىسىندا تالقىلانعان ماسەلەلەر سان ءتۇرلى سالانى, ءدا­لى­رەك ايتقاندا, جەدەلدەتىلگەن ين­دۋس­تريالىق-يننوۆاتسيالىق دامۋ, كەدەندىك وداق تەتىكتەرىن جۇزەگە اسىرۋ, كاسىپكەرلىكتى قولداۋ, مەم­لەكەتتىك الەۋمەتتىك مىندەتتەمەلەر دەڭگەيىن كوتەرۋ, 2011 جىلعى ازيا ويىندارىن ويداعىداي وتكىزۋ, استانانى دامىتۋ سەكىلدى ماسە­لەلەردى قامتىدى. “بۇل ماسەلەلەردىڭ بارلىعى ەل­باسىنىڭ بيىلعى حالىققا جول­داۋىنا سايكەس تىڭعىلىقتى جۇزەگە اسىرىلۋى ءتيىس. سولاردىڭ ىشىندە 2010-2014 جىلدار ارالىعىن قام­تيتىن جەدەلدەتىلگەن يندۋستريا­لىق-يننوۆاتسيالىق دامۋ مەم­لە­كەت­تىك باعدارلاماسىنىڭ ورنى اي­رىقشا. بۇل جاقىن 5 جىلدا قا­زاقستان ەكونوميكاسىن ىلگەرىلەتۋگە باعدار بەرەتىن ماڭىزدى قۇجات بو­لىپ سانالادى”, دەدى ۇكىمەت باس­شىسى ءوز سوزىندە. پرەمەردىڭ ءسوزى­نە قاراعاندا, اتالعان باعدار­لا­مانىڭ جاقسى جاقتارى بارشىلىق. ياعني, ك.ءماسىموۆ بەلگىلى ءبىر كوز­دەلگەن ماقساتقا جەتۋگە ىقپال ەتەتىن ايقىن تەتىكتەرمەن جانە قۇرالدارمەن بايىتىلعان دەپ باعالانعان باعدارلاماعا ۇلكەن ماڭىز بەردى. ماسەلەن, ونىڭ ءبىر تەتىگى – ەل تۇرعىندارىنىڭ بارلىق توپتارىنا جاڭا مۇمكىندىكتەر اشاتىنىمەن ماڭىزدى. ۇكىمەت باسشىسى كوتەرگەن تاعى ءبىر ماسەلە تۇرعىنداردىڭ ەڭبەك­پەن قامتىلۋىنا قاتىستى بولدى. ماسەلەن, تەك بيىلعى جىلدىڭ وزىندە الدىن الا جوبالانعان ءبىر­قاتار يندۋستريالىق نىساندار قا­تارعا قوسىلىپ ناتيجەسىندە حا­لىق­تى 25 مىڭ جاڭا تۇراقتى جۇ­مىس ورىندارىمەن قامتۋ كوزدەلىپ وتىر. جيىندا پرەمەر-مينيستر وندىرىسكە جاڭا زامانعى تەحنولو­گيا­لار مەن قۇرالداردى كوپتەپ ەن­گىزۋدىڭ ماڭىزدىلىعىنا توقتالىپ, وسىنىڭ اياسىندا ارنايى مىندەتتەر قويىلىپ وتىرعاندىعىن ماسەلە رەتىندە كوتەردى. بۇل اۋىل شارۋا­شىلىعى كەشەنىندەگى ەڭبەك ءونىم­دىلىگىن ارتتىرۋعا سەپ بولماق. ك.ءماسىموۆتىڭ ايتۋىنشا, ەگەر بۇل ۇدەرىس ءساتتى جۇزەگە اسسا, اۋىل شارۋاشىلىعى ونىمدەرىن وڭدەۋدىڭ جىلدامدىعى ارتادى. ياعني, ءبىزدىڭ رىنوكتاعى تۇتىناتىن تاۋارلار­دىڭ 80 پايىزعا جۋىعى وتاندىق ءوندىرىستىڭ ەنشىسىنە تيمەك. باس­قاشا ايتساق, بۇل ەل ەكونوميكاسىن وزگەنىڭ “جاقسىسىنا” دەگەن قاجەت­تىلىكتەن ارىلتىپ, وتاندىق تاۋار وندىرۋشىلەردى قولداۋعا, بارىمىز­دى باعالاۋعا ىقپال ەتەتىن بولادى. “بىزگە قىتايلىق, يا بولماسا, رە­سەيلىك تاۋارلار قاجەت ەمەس. ءبىز­گە ءوزىمىزدىڭ وتاندىق تاۋارلارىمىز قاجەت. بىراق ولاردىڭ ساپاسى دا سايكەسىنشە جوعارى بولۋى ءتيىس”, دەدى بۇل جونىندە ك.ءماسىموۆ. وسى رەتتە ول كەدەندىك وداققا مۇشە مەملەكەت رەتىندە كونتراباندالىق تاۋارلاردىڭ جولىن كەسۋ, ءوڭتۇس­تىك­تەگى بارلىق شەكارا بەكەتتەرىن مىعىمداۋدى قاتاڭ قاداعالاۋ قا­جەت­تىگىنە توقتالىپ ءوتتى. بۇل ءوز وندىرىسىمىزگە تونەتىن قاۋىپتىڭ دە الدىن الماق. پرەمەر-مينيستر سون­داي-اق, “بيزنەستىڭ جول كارتا­سى-2020” جوباسىنىڭ ماڭىزدى­لى­عى تۋرالى ايتا كەلە, ونى جۇزەگە اسىرۋعا بيىلعى جىلى رەسپۋب­لي­كالىق بيۋدجەتتەن 27 ملرد. تەڭگە قاراستىرىلاتىنىن جەتكىزدى. جيىن بارىسىندا 2010-2012 جىلدارعا ارنالعان مەملەكەتتىك بيۋدجەتكە وزگەرىستەر مەن تولىق­تى­رۋ­لار ەنگىزۋدى قاجەت ەتەتىن كورسەت­كىشتەر ەلباسى جۇكتەگەن ستراتە­گيا­لىق تاپسىرمالاردى قارجى­لان­دىرۋعا جول اشاتىندىعى ايتىلدى. ءوز كەزەگىندە ءسوز العان “نۇر وتان” حدپ توراعاسىنىڭ ءبىرىنشى ورىنباسارى نۇرلان نىعماتۋلين بۇل جيىننىڭ ەلىمىز ءۇشىن ماڭىزى ايرىقشا ەكەنىن اتاپ ءوتتى. “ەلبا­سىمىز, پارتيا توراعاسى نۇرسۇل­تان نازارباەۆ ءوزىنىڭ بيىلعى جولداۋىندا ەلىمىزدىڭ 1 جىلدىق قانا ەمەس, 10 جىلدىق ەكونومي­كا­لىق, الەۋمەتتىك دامۋىن ايقىنداپ بەردى. بۇگىندە سىزدەر مەن بىزدەر بار­لىق ايماقتاردى ارالاۋ بارى­سىندا پرەزيدەنت جولداۋىنىڭ ەل تاراپىنان قولداۋعا يە بولىپ وتىر­عانىنا كۋا بولۋدامىز”, دەدى ن.نىعماتۋلين. سونداي-اق, ول وبلىس, استانا مەن الماتى قالا­لا­رى اكىمدىكتەرىنىڭ ايماقتار مەن جەرگىلىكتى بيۋجەتتەر جوباسىن ءماس­ليحاتتارعا ۇسىنباس بۇرىن, دەپۋ­تات­تىق فراكتسيالاردىڭ وتىرىس­تارىندا جان-جاقتى تالقىلاۋدان وتكىزۋ قاجەتتىگىن ايتتى. “بۇل رەتتە ايماقتىق جۇمىس اسپەكتىلەرىن كۇشەيتۋگە باسا نازار اۋدارۋىمىز قاجەت”, دەدى پارتيا توراعاسىنىڭ ءبىرىنشى ورىنباسارى. وتىرىس قورىتىندىسىندا بيۋد­جەتكە وزگەرىستەر ەنگىزۋ تۋرالى ۇكى­مەت ۇسىنىسىن قولداۋ جانە رەس­پۋب­ليكالىق بيۋدجەتكە ەنگىزىلە­تىن تو­لىق­تىرۋلارعا ءبىراۋىزدان داۋىس بەرۋ جونىندە “نۇر وتان” حدپ فراك­تسياسىنىڭ شەشىمى قابىلداندى. ءلايلا ەدىلقىزى.