عىلىمي ورتالىق حالىقارالىق قۇرمەتكە يە بولدى
دۇيسەنبى, 12 ناۋرىز 2012 7:59
استاناداعى «ۇلتتىق مەديتسينالىق حولدينگ» كلينيكاسى – «انا مەن بالا» ۇلتتىق عىلىمي ورتالىعى» – كەڭەستىك داۋىردەن كەيىنگى كەڭىستىكتەگى جانە شىعىس ەۋروپا ەلدەرى اراسىندا ءبىرىنشى بولىپ JCI حالىقارالىق اككرەديتاتسياسىنا – اۋرۋحانالىق باسقارۋ سالاسىنداعى التىن ساپا ستاندارتىنا يە بولدى. دۇنيە ءجۇزىندە بۇل حالىقارالىق ۇيىمنىڭ اككرەديتاتسياسىن العان شامامەن 300-گە تارتا مەديتسينالىق مەكەمەلەر بار ەكەن.
دۇيسەنبى, 12 ناۋرىز 2012 7:59
استاناداعى «ۇلتتىق مەديتسينالىق حولدينگ» كلينيكاسى – «انا مەن بالا» ۇلتتىق عىلىمي ورتالىعى» – كەڭەستىك داۋىردەن كەيىنگى كەڭىستىكتەگى جانە شىعىس ەۋروپا ەلدەرى اراسىندا ءبىرىنشى بولىپ JCI حالىقارالىق اككرەديتاتسياسىنا – اۋرۋحانالىق باسقارۋ سالاسىنداعى التىن ساپا ستاندارتىنا يە بولدى. دۇنيە ءجۇزىندە بۇل حالىقارالىق ۇيىمنىڭ اككرەديتاتسياسىن العان شامامەن 300-گە تارتا مەديتسينالىق مەكەمەلەر بار ەكەن.
«انا مەن بالا ۇلتتىق عىلىمي ورتالىعىنىڭ» بۇل حالىقارالىق اككرەديتاتسياعا دايىندىق شارالارى 2009 جىلدان باستالعان بولسا, سودان بەرى كلينيكا دەڭگەيىن مەديتسينالىق كومەك كورسەتۋدىڭ جانە پاتسيەنت قاۋىپسىزدىگىن قامتاماسىز ەتۋدىڭ حالىقارالىق ستاندارتتارىنا ساي كەلتىرۋ ماقساتىندا كوپ جۇمىس جاسالعان. حالىقارالىق ساراپشىلار جىل سايىن كلينيكاداعى ءارىپتەستەرىمەن بىرگە دايىندىق جۇمىستارىنىڭ ءار كەزەڭىندە ءجۇرگىزىلىپ جاتقان ءىس-شارالاردىڭ ءتيىمدىلىگىن باعالاپ, ودان ءارى جەتىلدىرۋ جوسپارىنا ءوز تۇزەتۋلەرىن ەنگىزىپ وتىرعان. حالىقارالىق اككرەديتاتسياعا دايىنداۋ بارىسىندا كوميسسيانىڭ كەڭەسشىلەرى كلينيكادا ساپانىڭ 1200 ولشەمى بويىنشا باعالاناتىن 329 الەمدىك ستاندارتتىڭ جانە دەنساۋلىق ساقتاۋ سالاسىنداعى كوشباسشىلىقتىڭ ساقتالۋىنا اسا كوڭىل بولگەن. وسىنداي حالىقارالىق اككرەديتاتسيادان «ۇلتتىق مەديتسينالىق حولدينگتىڭ» بەس كلينيكاسى وتەدى دەپ جوسپارلانىپ وتىر, ال بۇل نازارباەۆ ۋنيۆەرسيتەتىنىڭ مەديتسينا مەكتەبىنىڭ كلينيكالىق بازاسىن قۇرۋ ءۇشىن وتە ماڭىزدى ءىس-شارا.
«انا مەن بالا ۇلتتىق عىلىمي ورتالىعى» استانا قالاسىنىڭ الدىڭعى قاتارلى مەديتسينالىق كلاستەر وبەكتىلەرىنىڭ ءبىرى بولىپ تابىلادى جانە ونىڭ ستاتسيونارلىق پاتسيەنتتەرگە ارنالعان 500 توسەك-ورنى بار. ورتالىقتا دياگنوستيكالاۋدىڭ جانە پاتسيەنتتەردى ەمدەۋدىڭ ەڭ زاماناۋي تەحنولوگيالارى قولدانىلادى. 2009 جىلدان باستاپ «انا مەن بالا ۇلتتىق عىلىمي ورتالىعىن» گەرمانياداعى شاريتە سياقتى بەلگىلى كلينيكالاردى, ۆەنانىڭ مەديتسينالىق ۋنيۆەرسيتەتىنىڭ كلينيكاسىن, سونداي-اق مالايزياداعى, ابۋ-دابيدەگى جانە دە باسقا ەلدەردەگى اۋرۋحانالاردى باسقاراتىن Vamed اۆستريا كومپانياسى باسقارىپ وتىر.
باسقوسۋدا «ۇلتتىق مەديتسينالىق حولدينگ» اق باسقارما توراعاسى ەلجان ءبىرتانوۆ, «انا مەن بالا ۇلتتىق عىلىمي ورتالىعى» اق باسقارما ءتوراعاسى لۋكاس ياكۋبەتس ورتالىقتىڭ جەتكەن جەتىستىكتەرى تۋرالى اڭگىمەلەپ, قويىلعان سۇراقتارعا جاۋاپ بەردى.
بەرىك سادىر.
