ورتاق قازىنا
جۇما, 5 قازان 2012 7:19
قاي كەزەڭدە, قاي قوعامدا بولسىن دامۋدىڭ قوزعاۋشى كۇشى – جاستار ەكەنى بەلگىلى. ءبىز, جاستار, ءبىر تىلدە سويلەپ, ءبىر ماقساتقا جۇمىلاتىن بولساق, ءبىزدىڭ كۇشىمىز بەن قۋاتىمىز دا ارتا تۇسەدى, ىنتىماعىمىز بەن بىرلىگىمىز دە نىعايادى. سوندىقتان «ءبىز – تىلەگى مەن ءتىلى ءبىر قازاقستاندىقپىز» دەگەن ورتاق يدەيانى ۇستانۋىمىز قاجەت.
جۇما, 5 قازان 2012 7:19
قاي كەزەڭدە, قاي قوعامدا بولسىن دامۋدىڭ قوزعاۋشى كۇشى – جاستار ەكەنى بەلگىلى. ءبىز, جاستار, ءبىر تىلدە سويلەپ, ءبىر ماقساتقا جۇمىلاتىن بولساق, ءبىزدىڭ كۇشىمىز بەن قۋاتىمىز دا ارتا تۇسەدى, ىنتىماعىمىز بەن بىرلىگىمىز دە نىعايادى. سوندىقتان «ءبىز – تىلەگى مەن ءتىلى ءبىر قازاقستاندىقپىز» دەگەن ورتاق يدەيانى ۇستانۋىمىز قاجەت.
قازاقستان حالقى اسسامبلەياسىنىڭ سەسسياسىندا سويلەگەن سوزىندە ەلباسى: «بۇدان كەيىنگى كەزەڭدە قازاقستانداعى قازاق ءتىلىنىڭ ءرولى كۇشەيە بەرمەك. ارينە, ورىس, اعىلشىن جانە وزگە تىلدەردى دامىتۋ ماسەلەسىن دە قولدايتىن بولامىز. مەملەكەتتىك ءتىلدى, ەڭ الدىمەن, ءبىزدىڭ بالالارىمىز بىلۋلەرى قاجەت» دەپ, – اتاپ وتكەن بولاتىن.
قازىرگى كەزدە ەكونوميكاسى قارىشتاپ العا باسقان ەلدەر دامۋدىڭ جوعارى ساتىسىنا كوتەرىلۋدە. دانىشپان اباي: «ادام بالاسى ادام بالاسىنان اقىل, عىلىم, ار, مىنەز دەگەن نارسەلەرمەن وزادى», – دەگەن ەكەن. كوكجيەگىمىزدى كەڭەيتىپ, وزگەمەن تەرەزەمىز تەڭ بولۋى ءۇشىن, الەمدىك باسەكەدە ۇلكەن بەدەلگە يە بولۋ ءۇشىن دە عىلىم-بىلىممەن قارۋلانۋىمىز كەرەك. وعان تەك تىلدەردى مەڭگەرۋ ارقىلى عانا جەتەمىز. ولاي بولسا, قازاق, ورىس, اعىلشىن تىلدەرىن قاتار مەڭگەرگەن باسەكەگە قابىلەتتى مامان اتانۋ – ءبارىمىزدىڭ نەگىزگى ماقساتىمىزعا اينالۋعا ءتيىس.
«ءجۇزى باسقا بولسا دا, جۇرەگى ءبىر, ءتىلى باسقا بولسا دا, تىلەگى ءبىر» بىزدەر – قازاقستاننىڭ جارقىن بولاشاعىمىز. ءاربىر جاس تاۋەلسىز ەلىمىزدىڭ تۇتاستىعىن, جەرىمىزدىڭ بۇتىندىگىن, حالقىمىزدىڭ جاراستىعىن امان ساقتاي ءبىلۋ قانشالىقتى جاۋاپكەرشىلىك جۇكتەيتىنىن جان-تانىمەن سەزىنۋى كەرەك.
قازاقستاندا تۇراتىن ءاربىر وزگە ۇلت وكىلى قازاق ءتىلىن بىلۋگە, قازاقتىڭ سالت-ءداستۇرىن سىيلاۋعا, قۇرمەتتەۋگە مىندەتتى. ءوزىن قازاقستاننىڭ بولاشاعىمىن دەپ ويلايتىن ءاربىر وزگە ۇلت وكىلى, وسى مەملەكەتىمىزدىڭ ەرتەڭى ءۇشىن, جانى, جۇرەگى اۋىرىپ, وسى ەلدىڭ, قازاق جەرىنىڭ پاتريوتى بولۋى كەرەك.
وسى ەلدە تۇرىپ جاتقان بارلىق ۇلتتار ءۇشىن قازاق ەلى ورتاق, جەرى ورتاق بولعاننان كەيىن ونىڭ ءتىلى دە ورتاق بولارىنا كامىل سەنەمىز. قازاق ءتىلىن دامىتۋ دا, ونىڭ قولدانىس اياسىن كەڭەيتۋ دە – قولىمىزدا.
نيكولاي سمولين.
قاراعاندى وبلىسى.
