نەۆرولوگيانىڭ وزەكتى ماسەلەلەرى
بەيسەنبى, 11 قازان 2012 7:12
نەۆرولوگيا مەديتسيناداعى كۇردەلى سالانىڭ بىرىنەن سانالادى. جۇيكە اۋرۋلارىنىڭ كۇن ساناپ ءوسىپ, كۇردەلەنىپ وتىرعانىن ءومىردىڭ ءوزى دە, دارىگەرلىك زەرتتەۋلەر دە دالەلدەپ وتىر. ەڭ وكىنىشتىسى, جۇيكە اۋرۋلارىنىڭ جاسارىپ بارا جاتقاندىعى. الماتىدا الماتى مەملەكەتتىك دارىگەرلەر ءبىلىمىن جەتىلدىرۋ ينستيتۋتىنىڭ نەۆرولوگيا كافەدراسى (امدبجي),
نەۆرولوگيانىڭ وزەكتى ماسەلەلەرى
بەيسەنبى, 11 قازان 2012 7:12
نەۆرولوگيا مەديتسيناداعى كۇردەلى سالانىڭ بىرىنەن سانالادى. جۇيكە اۋرۋلارىنىڭ كۇن ساناپ ءوسىپ, كۇردەلەنىپ وتىرعانىن ءومىردىڭ ءوزى دە, دارىگەرلىك زەرتتەۋلەر دە دالەلدەپ وتىر. ەڭ وكىنىشتىسى, جۇيكە اۋرۋلارىنىڭ جاسارىپ بارا جاتقاندىعى. الماتىدا الماتى مەملەكەتتىك دارىگەرلەر ءبىلىمىن جەتىلدىرۋ ينستيتۋتىنىڭ نەۆرولوگيا كافەدراسى (امدبجي), س.ج.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ جۇيكە اۋرۋلارى كافەدراسى جانە «سماعۇل قايشىباەۆ اتىنداعى نەۆرولوگيا ينستيتۋتى» عىلىمي-تاجىريبەلىك ورتالىعىنىڭ ۇيىمداستىرۋىمەن وتكەن «نەۆرولوگيانىڭ وزەكتى ماسەلەلەرى» اتتى حالىقارالىق ءىى عىلىمي-تاجىريبەلىك كونفەرەنتسيادا نەۆرولوگيانىڭ ءتۇيىندى ماسەلەلەرى كەڭىنەن تالقىلاندى.
قازاقستان نەۆرولوگتارى عىلىمي مەكتەبىنىڭ نەگىزىن سالۋشى كورنەكتى عالىم, قازاقستاننىڭ ەڭبەك سىڭىرگەن قايراتكەرى, مەديتسينا عىلىمدارىنىڭ دوكتورى, پروفەسسور سماعۇل قايشىباەۆتىڭ تۋعان كۇنىنە ورايلاستىرىلىپ جىل سايىن ءوتكىزىلەتىن ءداستۇرلى جيىن قوناقتاردىڭ قۇتتىقتاۋ سوزىمەن اشىلدى.
– ماعان سىزدەردىڭ ارالارىڭىزدا بولۋ – ۇلكەن مارتەبە, – دەدى كونفەرەنتسيا جۇمىسىنا ساتتىلىك تىلەگەن لاتۆيا عىلىم اكادەمياسىنىڭ ورگانيكالىق سينتەز ينستيتۋتىنىڭ ديرەكتورى, اكادەميك, ي.كالۆينش. – ويتكەنى, قازاقستاندىق كارديولوگ, نەۆرولوگتاردى كوپتەن جاقسى بىلەمىن. ءارى سىزدەردىڭ مەكتەپتەرىڭىز وتە مىقتى. ينستيتۋتىمىز جايلى ايتار بولساق, كەڭەس وداعى كەزىندە ەكى ەلدىڭ مەديتسينا قاۋىمداستىعى قويان-قولتىق ارالاسىپ, ىنتىماقتاسا جۇمىس ىستەگەن ەدىك. ول كەزدە دارىحانالارعا تۇسەتىن ءاربىر ءتورتىنشى ءدارى بىزدە دايىندالاتىن. بۇگىندە سول بايلانىسىمىز قايتا جاندانىپ كەلەدى.
رەسەي نەۆرولوگتارى قاۋىمداستىعى اتىنان اكادەميك, ە.ي.گۋسەۆتىڭ ىستىق سالەمىن جەتكىزگەن رممۋ ەمدەۋ فاكۋلتەتىنىڭ نەۆرولوگيا جانە نەيروحيرۋرگيا كافەدراسىنىڭ پروفەسسورى ە.چۋكانوۆا, ت.ب. جيىننىڭ تابىستى وتۋىنە تىلەك ءبىلدىردى.
– جالپى كونفەرەنتسيانى وتكىزۋدەگى باستى ماقسات, – دەيدى امدبجي نەۆرولوگيا كافەدراسىنىڭ مەڭگەرۋشىسى, «س.قايشىباەۆ اتىنداعى نەۆرولوگيا ينستيتۋتى» عتو ديرەكتورى, مەديتسينا عىلىمدارىنىڭ دوكتورى, پروفەسسور ن.قايشىباەۆ, – ول تاجىريبە, ءبىلىم الماسۋ, وسى كەزەڭ ارالىعىندا قول جەتكىزگەن جەتىستىكتەرىمىزبەن ءبولىسۋ. ەكىنشىدەن, ول جاس ءدارىگەرلەرىمىزدى, ارىپتەستەرىمىزدى, كۋرسانتتار مەن رەزيدەنتتەرىمىزدى وقىتۋ. ولاي دەيتىنىمىز, كۋرسانتتار ءۇشىن پروفەسسورلارمەن ينتەراكتيۆتىك پىكىر الماسۋعا مۇنداي ءمۇمكىندىكتەر بولا بەرمەيدى. ءار فورۋم, ءار كونفەرەنتسيادا ولار دا, ءدارىگەرلەر دە الەمدىك مەديتسينانىڭ دامۋىنان, ىلگەرىلەۋىنەن كوپ حاباردار بولار ەدى. نەۆرولوگيادا وزەكتى ماسەلەلەر جەتكىلىكتى, بۇگىنگى كونفەرەنتسيادا قارالىپ وتىرعانى سونىڭ ءبىر بولشەگى عانا.
ءۇش كۇنگە سوزىلىپ, 300 دەلەگات قاتىسقان كەلەلى كەڭەستىڭ كۇن تارتىبىنە ەنگىزىلگەن ماسەلەلەر ءتورت بلوكقا ءبولىنىپ قارالدى. ولار ترانزيتورلىق يشەميالىق سوققىلار; دياگنوستيكاسى مەن ەم-دومى; ميدىڭ سوزىلمالى يشەمياسى. زاماناۋي ەمدەۋ باعىتتارى; نەۆرولوگيالىق بۇزىلىستاردى انىقتاۋ مەن ەمدەۋدىڭ زاماناۋي تاسىلدەرى; XXI عاسىر مەديتسيناسىنداعى اۋرۋ ماسەلەلەرىنە ءداستۇرلى جانە بالاما كوزقاراس. مىنە, وسى تاقىرىپتار بويىنشا سەمەي ممۋ نەۆرولوگيا, پسيحياتريا جانە ناركولوگيا كافەدراسىنىڭ مەڭگەرۋشىسى, مەديتسينا عىلىمدارىنىڭ دوكتورى, پروفەسسور تالعات حايبۋللين, رەسەي مەديتسينا اكادەمياسى ديپلومنان كەيىنگى ءبىلىم بەرۋدىڭ نەۆرولوگيا كافەدراسىنىڭ مەڭگەرۋشىسى ولەگ لەۆين, ن.ا.سەماشكو اتىنداعى №38 قالالىق اۋرۋحانانىڭ نەۆرولوگيالىق وڭالتۋ ءبولىمىنىڭ مەڭگەرۋشىسى ۆيتالي كوۆالچۋك (سانكت-پەتەربۋرگ), بەلارۋستىك عالىم, ديپلومنان كەيىنگى ءبىلىم بەرۋ مەديتسينالىق اكادەمياسى نەۆرولوگيا جانە نەيروحيرۋرگيا كافەدراسىنىڭ دوتسەنتى كريستينا سادوحا, ياشي كلينيكالىق ورتالىعى, نەۆرولوگيالىق وڭالتۋ اۋرۋحاناسىنىڭ ديرەكتورى, پروفەسسور دينۋ پوپەسكۋ (رۋمىنيا), مەديتسينا عىلىمدارىنىڭ دوكتورى ۆەرا چەركاسوۆا (رەسەي), ت.ب. قازاقستاندىق عالىمدار ءوز تاجىريبەلەرىمەن ءبولىستى.
گۇلزەينەپ سادىرقىزى,
«ەگەمەن قازاقستان».
