قازاقستان رەسپۋبليكاسىنىڭ زاڭى №528-IV
بەيسەنبى, 26 قاڭتار 2012 7:20
عارىش قىزمەتى تۋرالى
وسى زاڭ قازاقستان رەسپۋبليكاسىندا عارىش قىزمەتىن جۇزەگە اسىرۋ جونىندەگى قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) عارىش ايلاعى – عارىش وبەكتىلەرىن دايىنداۋدى قامتاماسىز ەتۋگە جانە ۇشىرۋدى جۇزەگە اسىرۋعا ارنالعان تەحنيكالىق قۇرالدار, قۇرىلعىلار, عيماراتتار, قۇرىلىستار مەن جەر ۋچاسكەلەرى كەشەنى;
بەيسەنبى, 26 قاڭتار 2012 7:20
عارىش قىزمەتى تۋرالى
وسى زاڭ قازاقستان رەسپۋبليكاسىندا عارىش قىزمەتىن جۇزەگە اسىرۋ جونىندەگى قوعامدىق قاتىناستاردى رەتتەيدى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) عارىش ايلاعى – عارىش وبەكتىلەرىن دايىنداۋدى قامتاماسىز ەتۋگە جانە ۇشىرۋدى جۇزەگە اسىرۋعا ارنالعان تەحنيكالىق قۇرالدار, قۇرىلعىلار, عيماراتتار, قۇرىلىستار مەن جەر ۋچاسكەلەرى كەشەنى;
2) عارىش اپپاراتى – عارىش كەڭىستىگىن زەرتتەۋ جانە (نەمەسە) پايدالانۋ ماقساتىندا عارىش كەڭىستىگىنە شىعارۋعا ارنالعان تەحنيكالىق قۇرىلعى;
3) عارىش جۇيەلەرىنىڭ ۇلتتىق وپەراتورلارى – عارىش جۇيەلەرىن باسقارۋدى جانە پايدالانۋدى جۇزەگە اسىراتىن زاڭدى تۇلعالار;
4) عارىش جۇيەسى – عارىش كەڭىستىگىندەگى مىندەتتەردى شەشۋگە ارنالعان فۋنكتسيونالدىق-ءوزارا بايلانىستى وربيتالىق جانە جەرۇستى تەحنيكالىق قۇرالدارىنىڭ جيىنتىعى;
5) عارىش زىمىران كەشەنى – عارىش اپپاراتى بار تاسىمالداعىش زىمىراندى قابىلداۋدى, ساقتاۋدى, ۇشىرۋعا دايىنداۋدى جانە ۇشىرۋدى قامتاماسىز ەتەتىن تاسىمالداعىش زىمىران مەن تەحنيكالىق قۇرالداردىڭ, قۇرىلىستاردىڭ, تەحنولوگيالىق جابدىقتىڭ جانە كوممۋنيكاتسيالاردىڭ جيىنتىعى;
6) عارىش كەڭىستىگى – تەڭىز دەڭگەيىنەن ءجۇز كيلومەتردەن استام بيىكتىكتەگى اۋە كەڭىستىگىنەن تىسقارى جاتقان كەڭىستىك;
7) عارىش قىزمەتi – عىلىمي, ەكونوميكالىق, ەكولوگيالىق, قورعانىس, اقپاراتتىق جانە كوممەرتسيالىق ماقساتتارعا قول جەتكىزۋ ءۇشىن عارىش كەڭىستىگىن زەرتتەۋگە جانە پايدالانۋعا باعىتتالعان قىزمەت;
8) عارىش قىزمەتىنە قاتىسۋشىلار – وسى زاڭعا سايكەس قازاقستان رەسپۋبليكاسىنىڭ اۋماعىندا, سونداي-اق عارىش كەڭىستىگىندە عارىش قىزمەتىن جۇزەگە اسىراتىن جەكە جانە (نەمەسە) زاڭدى تۇلعالار;
9) عارىش قىزمەتى سالاسىنداعى جوبا – عارىش قىزمەتىن جۇزەگە اسىرۋعا باعىتتالعان عارىش تەحنيكاسى مەن تەحنولوگيالارىن جاساۋ جونىندەگى ءىس-شارالار جيىنتىعى;
10) عارىش قىزمەتى سالاسىنداعى قوسارلى ماقساتتاعى جوبا – الەۋمەتتىك-ەكونوميكالىق مىندەتتەردى شەشۋ ءۇشىن, سونداي-اق قورعانىس پەن قاۋىپسىزدىكتى قامتاماسىز ەتۋ ماقساتتارى ءۇشىن ىسكە اسىرىلاتىن عارىش قىزمەتى سالاسىنداعى جوبا;
11) عارىش قىزمەتى سالاسىنداعى ۋاكىلەتتى ورگان – عارىش قىزمەتى سالاسىنداعى باسشىلىقتى, سونداي-اق قازاقستان رەسپۋبليكاسىنىڭ زاڭناماسىندا كوزدەلگەن شەكتە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
12) عارىش وبەكتىسi – عارىش اپپاراتى جانە (نەمەسە) ونى عارىش كەڭىستىگىنە شىعارۋ قۇرالى جانە ولاردىڭ قۇرامداس بولىكتەرى;
13) عارىش سالاسىنىڭ وبەكتىلەرى – عارىش قىزمەتىنە قاتىسۋشىلاردىڭ عارىش قىزمەتىن جۇزەگە اسىرۋ كەزىندە پايدالاناتىن وندىرىستىك وبەكتىلەرى, عيماراتتارى, قۇرىلىستارى جانە باسقا دا جىلجىمايتىن مۇلكى;
14) عارىشتىق قىزمەتتەر – عارىش تەحنيكاسى مەن تەحنولوگيالارىن پايدالانا وتىرىپ كورسەتىلەتىن قىزمەتتەر;
15) دالدىگى جوعارى سپۋتنيكتىك ناۆيگاتسيا جۇيەسى – جەرۇستى جانە (نەمەسە) عارىشتا ورنالاساتىن تەحنيكالىق قۇرالداردى قامتيتىن جاھاندىق ناۆيگاتسيالىق سپۋتنيكتىك جۇيەنى فۋنكتسيونالدىق تولىقتىرۋلار;
16) جاھاندىق ناۆيگاتسيالىق سپۋتنيكتىك جۇيە – جەرۇستى, سۋ جانە اۋە وبەكتىلەرىنىڭ كوورديناتتىق-ۋاقىتتىق (گەوگرافيالىق كوورديناتتارى مەن بيىكتىكتەرىنىڭ, قوزعالىس جىلدامدىعى مەن باعىتىنىڭ, ۋاقىتتىڭ) پارامەترلەرىن ايقىنداۋعا ارنالعان عارىش جۇيەسى;
17) جەردى قاشىقتىقتان زوندتاۋ – عارىش كەڭىستىگىنەن قۇرلىق, مۇحيت, جانە اتموسفەرا ەلەمەنتتەرىنىڭ وزىندىك جانە شاعىلىسقان ساۋلەلەنۋىن باقىلاۋ مەن ولشەۋ ارقىلى جەر بەتى تۋرالى اقپارات الۋ پروتسەسى;
18) قازاقستان رەسپۋبليكاسىنىڭ عارىشكەرلىگىنە كانديدات (بۇدان ءارi – عارىشكەرلىككە كانديدات) – الدىن الا iرiكتەۋدەن وتكەن جانە عارىشكەر بiلiكتiلiگiن الۋ ءۇشiن دايارلىققا جiبەرiلگەن قازاقستان رەسپۋبليكاسىنىڭ ازاماتى;
19) قازاقستان رەسپۋبليكاسىنىڭ عارىشكەرi (بۇدان ءارi – عارىشكەر) – دايارلىقتان وتكەن, عارىشكەر (سىناۋشى عارىشكەر, زەرتتەۋشi عارىشكەر, نۇسقاۋشى عارىشكەر) بiلiكتiلiگiنىڭ جانە عارىشكەر مارتەبەسiنىڭ بەرىلگەنى تۋرالى قۇجاتتار العان قازاقستان رەسپۋبليكاسىنىڭ ازاماتى;
20) سپۋتنيكتىك ناۆيگاتسيا – وبەكتiلەردiڭ كوورديناتتىق-ۋاقىتتىق پارامەترلەرiن ايقىنداۋ ءۇشىن جاھاندىق ناۆيگاتسيالىق سپۋتنيكتiك جۇيەنi پايدالانا وتىرىپ, ناۆيگاتسيا مىندەتتەرىن شەشۋ پروتسەسى;
21) سپۋتنيكتىك ناۆيگاتسيالىق قىزمەتتەر – وبەكتىلەردىڭ كوورديناتتىق-ۋاقىتتىق پارامەترلەرىن ايقىنداۋ جونىندەگى قوسىمشا (جاھاندىق ناۆيگاتسيالىق سپۋتنيكتىك جۇيەلەر ستاندارتتى تۇردە ۇسىناتىن قىزمەتتەرگە قاتىستى) قىزمەتتەرگە قاجەتتىلىكتى قاناعاتتاندىرۋعا باعىتتالعان قىزمەت;
22) تاسىمالداعىش زىمىران – عارىش اپپاراتتارىن عارىش كەڭىستىگىنە شىعارۋعا ارنالعان تەحنيكالىق قۇرىلعى;
23) تاسىمالداعىش زىمىرانداردان بولىنەتىن بولىكتەردىڭ قۇلاۋ اۋدانى – ۇشۋ بارىسىندا تاسىمالداعىش زىمىرانداردىڭ ىستەن شىققان جانە ءبولىنگەن ەلەمەنتتەرى جانە (نەمەسە) فراگمەنتتەرى قۇلايتىن (قوناتىن) جەر ۋچاسكەسى;
24) عارىش اپپاراتى ترانسپوندەرى – عارىش اپپاراتىندا ورناتىلعان جانە جەر – عارىش – جەر سيگنالدارىن قايتا تاراتۋعا ارنالعان راديوحابار تاراتاتىن قۇرىلعىلار جيىنتىعى;
25) ۇشىرۋ قىزمەتتەرى – عارىش اپپاراتتارىن عارىش كەڭىستىگىنە شىعارۋ ماقساتىندا تاسىمالداعىش زىمىراندار ۇشىرۋدى ۇيىمداستىرۋ جانە جۇزەگە اسىرۋ جونىندەگى ءىس-شارالار جيىنتىعى;
26) شىعارۋ قۇرالى – عارىش اپپاراتتارىن عارىش كەڭىستىگىنە شىعارۋعا ارنالعان تاسىمالداعىش زىمىران, ەكپىندەتكىش بلوك, اۆياتسيالىق زىمىران-عارىش جۇيەسى.
2-باپ. قازاقستان رەسپۋبليكاسىنىڭ عارىش قىزمەتى سالاسىنداعى زاڭناماسى
1. قازاقستان رەسپۋبليكاسىنىڭ عارىش قىزمەتى سالاسىنداعى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭداعىدان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
3-باپ. عارىش قىزمەتىن جۇزەگە اسىرۋ قاعيداتتارى
عارىش قىزمەتىن جۇزەگە اسىرۋ قاعيداتتارى مىنالار بولىپ تابىلادى:
1) عارىش قىزمەتىن جۇزەگە اسىرۋ كەزىندە قازاقستان رەسپۋبليكاسىنىڭ ۇلتتىق مۇددەلەرىن ساقتاۋ, قورعانىسى مەن ۇلتتىق قاۋىپسىزدىگىن قامتاماسىز ەتۋ;
2) عارىش قىزمەتىن دامىتۋدىڭ باسىم باعىتتارىن قولداۋ;
3) عارىش قىزمەتىن ەكونوميكالىق ىنتالاندىرۋ;
4) عارىش قىزمەتىن جۇزەگە اسىرۋ سالدارىنان تۋىنداعان جەكە تۇلعالاردىڭ دەنساۋلىعىنا كەلتىرىلگەن زياندى, قورشاعان ورتاعا, جەكە جانە زاڭدى تۇلعالاردىڭ, مەملەكەتتىڭ مۇلكىنە كەلتىرىلگەن زالالدى وتەۋ;
5) ەكولوگيالىق تالاپتاردى, تەحنيكالىق رەتتەۋ جانە حالىقتىڭ سانيتاريالىق-ەپيدەميولوگيالىق سالاۋاتتىلىعىن قامتاماسىز ەتۋ سالاسىنداعى تالاپتاردى ساقتاۋ;
6) عارىش قىزمەتى سالاسىنداعى حالىقارالىق قۇقىق نورمالارىن ساقتاۋ;
7) عارىش كەڭىستىگىن جانە قازاقستان رەسپۋبليكاسىنىڭ عارىش ينفراقۇرىلىمىن ءتيىمدى جانە ۇتىمدى پايدالانۋ;
8) قازاقستان رەسپۋبليكاسىنىڭ مەملەكەتتiك مۇددەلەرi ساقتالاتىن جاعدايدا عارىش قىزمەتىن دامىتۋعا ينۆەستيتسيالار تارتۋدى ىنتالاندىرۋ.
4-باپ. عارىش قىزمەتىنىڭ باعىتتارى
قازاقستان رەسپۋبليكاسىندا عارىش قىزمەتى مىناداي باعىتتار بويىنشا جۇزەگە اسىرىلادى:
1) عارىش سالاسىنىڭ وبەكتىلەرىن قۇرۋ جانە پايدالانۋ;
2) عارىش كەڭىستىگىن, پلانەتالاردى جانە كۇن-جەر بايلانىستارىن زەرتتەۋ;
3) جەردى قاشىقتىقتان زوندتاۋ;
4) كوورديناتتىق-ۋاقىتتىق جانە ناۆيگاتسيالىق قامتاماسىز ەتۋ;
5) عارىشتىق بايلانىس جۇيەلەرىن قۇرۋ جانە پايدالانۋ;
6) عارىش وبەكتىلەرىن ۇشىرۋدى جۇزەگە اسىرۋ;
7) عارىشتىق قىزمەتتەردىڭ ۇلتتىق نارىعىن دامىتۋ جانە الەمدىك نارىقتاعى عارىشتىق قىزمەتتەردى كەڭەيتۋ;
8) عارىش كەڭىستىگىن بەيبىت ماقساتتاردا زەرتتەۋ جانە پايدالانۋ سالاسىنداعى قازاقستان رەسپۋبليكاسىنىڭ حالىقارالىق ىنتىماقتاستىعى.
5-باپ. عارىش ينفراقۇرىلىمىن قۇرۋ جانە پايدالانۋ جونىندەگى عارىش قىزمەتىنىڭ تۇرلەرى
قازاقستان رەسپۋبليكاسىندا عارىش ينفراقۇرىلىمىن قۇرۋ جانە پايدالانۋ ماقساتىندا عارىش قىزمەتiنiڭ مىناداي تۇرلەرi جۇزەگە اسىرىلادى:
1) عىلىمي-زەرتتەۋ ازىرلەمەلەرى;
2) جوبالاۋ-كونسترۋكتورلىق جانە تەحنولوگيالىق ازىرلەمەلەر;
3) عارىش تەحنيكاسىنىڭ ەكسپەريمەنتتىك, تاجىريبەلىك جانە كوممەرتسيالىق ۇلگىلەرىن جاساۋ جانە سىناۋ;
4) عارىش تەحنيكاسىن تەحنيكالىق پايدالانۋ, جوندەۋ جانە جاڭعىرتۋ;
5) عارىش وبەكتىلەرىن جانە تەحنيكالىق قۇرالداردى كادەگە جاراتۋ;
6) تۇپكى تۇتىنۋشىلارعا عارىشتىق قىزمەتتەر كورسەتۋ.
6-باپ. عارىش قىزمەتىنىڭ ماتەريالدىق جانە كادرلىق نەگىزدەرى
قازاقستان رەسپۋبليكاسى عارىش قىزمەتىنىڭ ماتەريالدىق جانە كادرلىق نەگىزدەرى مىنالار بولىپ تابىلادى:
1) عىلىمي, عىلىمي-تەحنولوگيالىق جانە عىلىمي-ەكسپەريمەنتتىك بازالار;
2) جوبالاۋ-كونسترۋكتورلىق جانە وندىرىستىك بازالار;
3) عارىش تەحنيكاسىن پايدالانۋ جونىندەگى بازا;
4) تۇپكى تۇتىنۋشىلارعا عارىشتىق قىزمەتتەر كورسەتۋ جونىندەگى بازا;
5) عارىش قىزمەتىنە قاتىسۋشىلاردىڭ كادرلىق قۇرامى.
7-باپ. عارىش قىزمەتىن قارجىلاندىرۋ
عارىش قىزمەتىن قارجىلاندىرۋ بيۋدجەت قاراجاتى جانە قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن جۇزەگە اسىرىلادى.
2-تاراۋ. عارىش قىزمەتى سالاسىنداعى مەملەكەتتىك رەتتەۋ جانە باقىلاۋ
8-باپ. قازاقستان رەسپۋبليكاسى ۇكىمەتىنىڭ عارىش قىزمەتى سالاسىنداعى قۇزىرەتى
قازاقستان رەسپۋبليكاسىنىڭ ۇكىمەتى:
1) عارىش قىزمەتى سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى جانە ولاردىڭ جۇزەگە اسىرىلۋىن ۇيىمداستىرادى;
2) قازاقستان رەسپۋبليكاسىنىڭ عارىش قىزمەتى سالاسىنداعى حالىقارالىق ىنتىماقتاستىعى ماسەلەلەرىن ۇيلەستىرەدى;
3) قازاقستان رەسپۋبليكاسىنىڭ اۋماعىنان عارىش وبەكتىلەرىن ۇشىرۋ, سونداي-اق ونى ودان تىس جەرلەردە عارىش قىزمەتىنە قازاقستاندىق قاتىسۋشىلار جۇزەگە اسىراتىن جاعدايدا ۇشىرۋ تۋرالى شەشىمدەردى كەلىسۋ جانە قابىلداۋ ءتارتىبىن بەكىتەدى;
4) عارىشكەرلىككە كانديداتتاردى ىرىكتەۋ جانە عارىشكەرلىككە كانديدات, عارىشكەر مارتەبەسىن بەرۋ ءتارتىبىن بەكىتەدى;
5) قازاقستان رەسپۋبليكاسىنىڭ اۋماعىنان عارىش وبەكتىلەرىن ۇشىرۋ, سونداي-اق عارىش قىزمەتىنە قازاقستاندىق قاتىسۋشىلار ۇشىرۋدى ودان تىس جەرلەردە جۇزەگە اسىراتىن جاعدايدا ۇشىرۋ تۋرالى شەشىمدەر قابىلدايدى;
6) عارىشكەرلىككە كانديداتقا, عارىشكەرگە قىزمەتتiك مiندەتتەرiن اتقارۋ كەزىندە العان جاراقاتىنىڭ, مەرتىگۋىنىڭ, اۋرۋىنىڭ سالدارىنان بولعان مۇگەدەكتىك بەلگىلەنگەن كەزدە, سونداي-اق ول قىزمەتتىك مىندەتتەرىن اتقارۋعا بايلانىستى قازا تاپقان (قايتىس بولعان) جاعدايدا, بiرجولعى وتەماقى تولەۋ ءتارتىبىن ايقىندايدى;
7) عارىش قىزمەتى سالاسىنداعى تەحنيكالىق رەگلامەنتتەردى بەكىتەدى;
8) «بايقوڭىر» عارىش ايلاعىن دامىتۋ جانە ەكونوميكالىق قولداۋ جونىندەگى ءىس-شارالاردى ايقىندايدى;
9) جەكە جانە (نەمەسە) زاڭدى تۇلعالارعا عارىش اپپاراتتارى ترانسپوندەرلەرىن ۇسىنۋ ءتارتىبىن بەكىتەدى;
10) جەردi قاشىقتىقتان زوندتاۋ عارىش جۇيەسى ۇلتتىق وپەراتورىنىڭ عارىش تۇسىرىلىمدەرىن جوسپارلاۋ, جەردى قاشىقتىقتان زوندتاۋ دەرەكتەرىن الۋ, وڭدەۋ جانە تاراتۋ ءتارتiبiن ايقىندايدى;
11) دالدiگi جوعارى سپۋتنيكتiك ناۆيگاتسيا جۇيەسi ۇلتتىق وپەراتورىنىڭ سپۋتنيكتiك ناۆيگاتسيالىق قىزمەتتەردi ۇيىمداستىرۋ جانە ۇسىنۋ ءتارتiبiن ايقىندايدى;
12) عارىش قىزمەتى سالاسىنداعى ۋاكiلەتتi ورگاننىڭ ۇسىنۋى بويىنشا عارىش جۇيەلەرiنiڭ ۇلتتىق وپەراتورلارىن, سونداي-اق ولاردىڭ مiندەتتەرi مەن فۋنكتسيالارىن ايقىندايدى;
13) قازاقستان رەسپۋبليكاسىنىڭ اۋماعىندا, سونداي-اق عارىش كەڭىستىگىندە عارىش جۇيەلەرىن قۇرۋ جانە پايدالانۋ (قولدانۋ) قاعيدالارىن, قازاقستان رەسپۋبليكاسىنىڭ اۋماعىندا عارىش زىمىران كەشەندەرىن قۇرۋ جانە پايدالانۋ (قولدانۋ) قاعيدالارىن بەكىتەدى;
14) پايدالانۋدان شىعارىلعان عارىش وبەكتىلەرى مەن تەحنيكالىق قۇرالداردى كادەگە جاراتۋ ءتارتىبىن ايقىندايدى;
15) عارىش كەڭىستىگىن پايدالانۋ اياسىنداعى قىزمەتكە قويىلاتىن بىلىكتىلىك تالاپتارىن بەكىتەدى;
16) عارىش قىزمەتى سالاسىنداعى ۋاكىلەتتى ورگاننىڭ عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرۋ ءتارتىبىن ايقىندايدى;
17) عارىش وبەكتiلەرiن جانە ولارعا قۇقىقتاردى مەملەكەتتiك تiركەۋ ءتارتiبiن بەكىتەدى;
18) عارىش وبەكتىلەرى تىركەلىمىنىڭ نىسانىن بەكىتەدى;
19) وزىنە كونستيتۋتسيامەن, وسى زاڭمەن, قازاقستان رەسپۋبليكاسىنىڭ وزگە دە زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى ورىندايدى.
9-باپ. عارىش قىزمەتى سالاسىنداعى ۋاكىلەتتى ورگاننىڭ قۇزىرەتى
1. عارىش قىزمەتى سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان):
1) عارىش قىزمەتى سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتەدى;
2) عىلىمي-زەرتتەۋ جانە تاجىريبەلىك-كونسترۋكتورلىق جۇمىستار ءجۇرگىزۋدى قوسا العاندا, عارىش قىزمەتى سالاسىنداعى جوبالار مەن باعدارلامالاردى ىسكە اسىرۋدى قامتاماسىز ەتەدى;
3) عارىش قىزمەتى سالاسىنداعى مەملەكەتتىك رەتتەۋدى جۇزەگە اسىرادى;
4) قازاقستان رەسپۋبليكاسىنىڭ اۋماعىنان عارىش وبەكتىلەرىن ۇشىرۋ, سونداي-اق ونى ودان تىس جەرلەردە عارىش قىزمەتىنە قازاقستاندىق قاتىسۋشىلار جۇزەگە اسىراتىن جاعدايدا ۇشىرۋ تۋرالى شەشىمدەردى كەلىسۋ جانە قابىلداۋ ءتارتىبىن ازىرلەيدى;
5) عارىشكەرلىككە كانديداتتاردى ىرىكتەۋ جانە عارىشكەرلىككە كانديدات, عارىشكەر مارتەبەسىن بەرۋ ءتارتىبىن ازىرلەيدى;
6) عارىشكەرلىككە كانديداتقا, عارىشكەرگە قىزمەتتiك مiندەتتەرiن اتقارۋ كەزىندە العان جاراقاتىنىڭ, مەرتىگۋىنىڭ, اۋرۋىنىڭ سالدارىنان مۇگەدەكتىك بەلگىلەنگەن كەزدە, سونداي-اق ول قىزمەتتىك مىندەتتەرىن اتقارۋعا بايلانىستى قازا تاپقان (قايتىس بولعان) جاعدايدا, بiرجولعى وتەماقى تولەۋ ءتارتىبىن ازىرلەيدى;
7) عارىش كەڭىستىگىن پايدالانۋ اياسىنداعى ليتسەنزيالاۋدى جۇزەگە اسىرادى;
8) عارىش كەڭىستىگىن پايدالانۋ اياسىنداعى قىزمەتكە قويىلاتىن بىلىكتىلىك تالاپتارىن ازىرلەيدى;
9) عارىش قىزمەتى سالاسىنداعى مەملەكەتتىك باقىلاۋدى جۇزەگە اسىرادى;
10) عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرادى;
11) عارىش وبەكتiلەرiن جانە ولارعا قۇقىقتاردى مەملەكەتتiك تiركەۋ ءتارتiبiن ازىرلەيدى;
12) عارىش وبەكتىلەرىن جانە ولارعا قۇقىقتاردى مەملەكەتتىك تىركەۋدى جۇزەگە اسىرادى;
13) عارىش وبەكتىلەرىنىڭ تىركەلىمىن جۇرگىزەدى;
14) عارىشكەرلەردى دايارلاۋ, قايتا دايارلاۋ جانە ولاردىڭ بiلiكتiلiگiن ارتتىرۋ جونiندەگi, سونداي-اق عارىش قىزمەتى سالاسىنداعى مامانداردى قايتا دايارلاۋ جانە ولاردىڭ بiلiكتiلiگiن ارتتىرۋ جونiندەگi قىزمەتتi ۇيىمداستىرۋ مەن ۇيلەستiرۋدi جۇزەگە اسىرادى;
15) قازاقستان رەسپۋبليكاسىنىڭ عارىشكەرلەر جاساعى تۋرالى ەرەجەنى ازىرلەيدى جانە بەكىتەدى;
16) عارىش قىزمەتى سالاسىنداعى نورماتيۆتىك قۇقىقتىق اكتىلەردى ازىرلەيدى جانە ءوز قۇزىرەتى شەگىندە قابىلدايدى;
17) عارىش قىزمەتi سالاسىنداعى حالىقارالىق ىنتىماقتاستىقتى جۇزەگە اسىرادى جانە حالىقارالىق ۇيىمدار مەن شەت مەملەكەتتەردە قازاقستان رەسپۋبليكاسىنىڭ مۇددەلەرiن بiلدiرەدi;
18) قازاقستان رەسپۋبليكاسىنىڭ تەحنيكالىق رەتتەۋ تۋرالى زاڭناماسىنا سايكەس عارىش قىزمەتى سالاسىنداعى تەحنيكالىق رەگلامەنتتەر مەن مەملەكەتتىك ستاندارتتار ازىرلەۋدى ۇيىمداستىرادى;
19) جەكە جانە (نەمەسە) زاڭدى تۇلعالارعا عارىش اپپاراتتارى ترانسپوندەرلەرىن ۇسىنۋ ءتارتىبىن ازىرلەيدى;
20) جەردi قاشىقتىقتان زوندتاۋ عارىش جۇيەسى ۇلتتىق وپەراتورىنىڭ عارىش تۇسىرىلىمدەرىن جوسپارلاۋ, جەردى قاشىقتىقتان زوندتاۋ دەرەكتەرىن الۋ, وڭدەۋ جانە تاراتۋ ءتارتiبiن ازىرلەيدى;
21) دالدiگi جوعارى سپۋتنيكتiك ناۆيگاتسيا جۇيەسi ۇلتتىق وپەراتورىنىڭ سپۋتنيكتiك ناۆيگاتسيالىق قىزمەتتەردi ۇيىمداستىرۋ جانە ۇسىنۋ ءتارتiبiن ازىرلەيدى;
22) قازاقستان رەسپۋبليكاسىنىڭ ۇكىمەتىنە عارىش جۇيەلەرىنىڭ ۇلتتىق وپەراتورلارىن, سونداي-اق ولاردىڭ مىندەتتەرى مەن فۋنكتسيالارىن ايقىنداۋ ءۇشىن زاڭدى تۇلعالاردىڭ تىزبەسىن ۇسىنادى;
23) قازاقستان رەسپۋبليكاسىنىڭ اۋماعىندا, سونداي-اق عارىش كەڭiستiگiندە عارىش جۇيەلەرىن قۇرۋ جانە پايدالانۋ (قولدانۋ) قاعيدالارىن, قازاقستان رەسپۋبليكاسىنىڭ اۋماعىندا عارىش زىمىران كەشەندەرiن قۇرۋ جانە پايدالانۋ (قولدانۋ) قاعيدالارىن ازىرلەيدى;
24) پايدالانۋدان شىعارىلعان عارىش وبەكتىلەرى مەن تەحنيكالىق قۇرالداردى كادەگە جاراتۋ ءتارتىبىن ازىرلەيدى;
25) عارىش قىزمەتى سالاسىنداعى اياقتالعان جوبالار بويىنشا ناتيجەلەردى قابىلداۋ ءتارتىبىن بەلگىلەيدى;
26) عارىش قىزمەتىن جۇزەگە اسىرۋ كەزىندە ءوز قۇزىرەتى شەگىندە ىزدەستىرۋ, اۆاريالىق-قۇتقارۋ جۇمىستارىن ۇيىمداستىرۋعا, سونداي-اق اۆاريالاردى تەكسەرۋگە قاتىسادى;
27) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
2. ۋاكىلەتتى ورگاننىڭ عارىش قىزمەتى سالاسىنداعى قوسارلى ماقساتتاعى جوبالاردى ىسكە اسىرۋ جونىندەگى فۋنكتسيالارى قازاقستان رەسپۋبليكاسىنىڭ قورعانىس مينيسترلىگىمەن بىرلەسە وتىرىپ ىسكە اسىرىلادى.
10-باپ. عارىش قىزمەتى سالاسىنداعى جوبالارعا سالالىق ساراپتاما
1. عارىش قىزمەتى سالاسىنداعى جوبالارعا مىندەتتى سالالىق ساراپتاما جۇرگىزىلۋگە ءتيىس.
2. عارىش قىزمەتi سالاسىنداعى جوبالارعا سالالىق ساراپتامانى ۋاكىلەتتى ورگان ورىندىلىعىن, تەحنيكالىق مۇمكىندىگىن, ەكونوميكالىق ءتيىمدىلىگىن, سونداي-اق قازاقستان رەسپۋبليكاسىنىڭ زاڭناماسىنا, عارىش قىزمەتi سالاسىنداعى تەحنيكالىق رەگلامەنتتەر مەن ستاندارتتارعا سايكەستىگىن ايقىنداۋ ماقساتىندا جۇزەگە اسىرادى.
3. عارىش قىزمەتى سالاسىنداعى جوبالارعا سالالىق ساراپتاما ۋاكىلەتتى ورگانعا جوبا بويىنشا ماتەريالدار ۇسىنىلعان كۇننەن باستاپ وتىز جۇمىس كۇنىنەن اسپايتىن مەرزىمدە جۇرگىزىلەدى.
باستاپقى ساراپتاما جۇرگىزىلگەن كەزدە ۋاكىلەتتى ورگاننىڭ انىقتاعان ەسكەرتپەلەرى جويىلعاننان كەيىن عارىش قىزمەتى سالاسىنداعى جوبالارعا قايتا جۇرگىزىلەتىن سالالىق ساراپتاما جيىرما جۇمىس كۇنىنەن اسپايتىن مەرزىمدە جۇرگىزىلەدى.
4. عارىش قىزمەتى سالاسىنداعى سالالىق ساراپتامانىڭ وڭ قورىتىندىسىنسىز عارىش قىزمەتى سالاسىنداعى جوبالاردى ىسكە اسىرۋعا تىيىم سالىنادى.
11-باپ. عارىش وبەكتiلەرiن جانە ولارعا قۇقىقتاردى مەملەكەتتiك تiركەۋ
1. مىناداي:
1) قازاقستان رەسپۋبليكاسىنىڭ جەكە نەمەسە زاڭدى تۇلعالارىنا تيەسiلi عارىش وبەكتىلەرى, سونداي-اق وسى عارىش وبەكتiلەرiنە قۇقىقتار;
2) عارىش كەڭiستiگiنە قازاقستان رەسپۋبليكاسىنىڭ اۋماعىنان ۇشىرىلاتىن, شەتەلدىك جەكە نەمەسە زاڭدى تۇلعالارعا تيەسiلi عارىش وبەكتiلەرi مەملەكەتتiك تiركەۋگە جاتادى.
2. وسى باپتىڭ 1-تارماعىنىڭ 1) تارماقشاسىندا كورسەتىلگەن عارىش وبەكتىلەرىن جانە ولارعا قۇقىقتاردى مەملەكەتتىك تىركەۋ دەپ عارىش وبەكتىلەرىن ەسەپكە الۋ, مەملەكەتتىڭ قازاقستان رەسپۋبليكاسىنىڭ ازاماتتىق زاڭناماسىنا سايكەس عارىش وبەكتىسىنە قۇقىقتاردىڭ (قۇقىقتار اۋىرتپالىعىنىڭ) تۋىنداۋىن, وزگەرۋىن نەمەسە توقتاتىلۋىن تانۋ جانە راستاۋ اكتىسى تۇسىنىلەدى.
وسى باپتىڭ 1-تارماعىنىڭ 2) تارماقشاسىندا كورسەتىلگەن عارىش وبەكتىلەرىن مەملەكەتتىك تىركەۋ دەپ ولارعا قۇقىقتاردى مەملەكەتتىك تىركەمەستەن, عارىش وبەكتىلەرى تىركەلىمىندەگى جازبا تۇسىنىلەدى.
3. وسى باپتىڭ 1-تارماعىندا كورسەتىلگەن عارىش وبەكتىلەرى عارىش وبەكتىلەرىن جانە ولارعا قۇقىقتاردى مەملەكەتتiك تىركەۋ تارتىبىنە سايكەس مەملەكەتتىك تىركەۋگە جاتادى.
مەملەكەتتىك تىركەۋ ۋاكىلەتتى ورگانعا ءوتىنىش كەلىپ تۇسكەن كۇننەن باستاپ ون بەس جۇمىس كۇنى ىشىندە جۇزەگە اسىرىلادى.
4. عارىش وبەكتىلەرىنە قۇقىقتار ولاردى مەملەكەتتىك تىركەگەن كەزدەن باستاپ تۋىندايدى جانە ۋاكىلەتتى ورگان بەرگەن مەملەكەتتىك تىركەۋ تۋرالى كۋالىكپەن راستالادى.
مەملەكەتتىك تىركەۋ تۋرالى كۋالىك جوعالعان جاعدايدا, ۋاكىلەتتى ورگان ءوتىنىش بەرۋشىگە اتالعان قۇجاتتىڭ تەلنۇسقاسىن بەرەدى. مەملەكەتتىك تىركەۋ تۋرالى كۋالىكتىڭ تەلنۇسقاسى عارىش وبەكتىلەرىن جانە ولارعا قۇقىقتاردى مەملەكەتتىك تىركەۋ تارتىبىنە سايكەس بەرىلەدى.
5. مەملەكەتتىك تىركەۋ تۋرالى كۋالىكتىڭ تەلنۇسقاسىن مەملەكەتتىك تىركەگەنى جانە بەرگەنى ءۇشىن قازاقستان رەسپۋبليكاسىنىڭ سالىق زاڭناماسىندا ايقىندالاتىن تارتىپپەن جانە مولشەرلەردە الىم الىنادى.
6. عارىش وبەكتىسىن جانە وعان قۇقىقتاردى مەملەكەتتىك تىركەۋ ءۇشىن ۋاكىلەتتى ورگانعا مىناداي قۇجاتتار ۇسىنىلادى:
1) ءوتىنىش;
2) عارىش وبەكتىسىنە قۇقىق بەلگىلەيتىن قۇجاتتىڭ (سالىستىرۋ ءۇشىن تۇپنۇسقا بەرىلمەگەن جاعدايدا نوتاريات راستاعان) كوشىرمەسى;
3) عارىش كەڭىستىگىن پايدالانۋ اياسىنداعى قىزمەتتى جۇزەگە اسىرۋ قۇقىعىنا ليتسەنزيانىڭ (سالىستىرۋ ءۇشىن تۇپنۇسقا بەرىلمەگەن جاعدايدا نوتاريات راستاعان) كوشىرمەسى;
4) عارىش وبەكتىسىن جانە وعان قۇقىقتاردى مەملەكەتتىك تىركەگەنى ءۇشىن بيۋدجەتكە الىم سوماسى تولەنگەنىن راستايتىن قۇجات.
7. عارىش وبەكتىسىن جانە وعان قۇقىقتاردى مەملەكەتتىك تىركەۋدەن باس تارتۋعا مىنالار نەگىز بولىپ تابىلادى:
1) ءوتىنىش بەرۋشىنىڭ مەملەكەتتىك تىركەۋ ءۇشىن قاجەتتى قۇجاتتاردىڭ تولىق ەمەس توپتاماسىن ۇسىنۋى;
2) ءوتىنىش بەرۋشىنىڭ قازاقستان رەسپۋبليكاسى زاڭناماسىنىڭ تالاپتارىنا سايكەس كەلمەيتىن قۇجاتتاردى ۇسىنۋى;
3) عارىش وبەكتىسىنە بيلىك ەتۋدى شەكتەيتىن نەمەسە جوياتىن عارىش وبەكتىسىنە قۇقىقتار اۋىرتپالىعىنىڭ بولۋى;
4) عارىش وبەكتىسىنە بيلىك ەتۋ قۇقىعىن شەكتەيتىن نەمەسە جوياتىن زاڭدى كۇشىنە ەنگەن سوت شەشىمى.
8. مەملەكەتتىك تىركەۋدەن باس تارتقان كەزدە ۋاكىلەتتى ورگان ءوتىنىش كەلىپ تۇسكەن كۇننەن باستاپ ون بەس جۇمىس كۇنىنەن كەشىكتىرمەي باس تارتۋ سەبەپتەرىن كورسەتە وتىرىپ, ءوتىنىش بەرۋشىگە جازباشا تۇردە دالەلدى جاۋاپ جىبەرەدى.
9. عارىش وبەكتىسىن جانە وعان قۇقىقتاردى مەملەكەتتىك تىركەۋدەن باس تارتۋعا قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن سوتقا شاعىم جاساۋعا بولادى.
10. مەملەكەتتىك تىركەۋدەن باس تارتۋعا نەگىزدەر جويىلعان كەزدە مەملەكەتتىك تىركەۋگە ءوتىنىشتى قايتادان بەرۋگە بولادى.
11. مەملەكەتتىك تىركەۋدى جۇزەگە اسىرعاننان كەيىن, سونداي-اق ءوتىنىش بەرۋشى ۋاكىلەتتى ورگانعا عارىش وبەكتىسىن جويعان نەمەسە كادەگە جاراتقان فاكتىسىن راستايتىن قۇجاتتاردى ۇسىنعان كەزدە ۋاكىلەتتى ورگان عارىش وبەكتىلەرى تىركەلىمىندە ءتيىستى جازبا جۇرگىزەدى.
12-باپ. عارىش قىزمەتى سالاسىنداعى مەملەكەتتىك باقىلاۋ
عارىش قىزمەتى سالاسىنداعى مەملەكەتتىك باقىلاۋدى ۋاكىلەتتى ورگان «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس تەكسەرۋ نىسانىندا جۇزەگە اسىرادى.
3-تاراۋ. عارىش قىزمەتىن جۇزەگە اسىرۋ
13-باپ. عارىش كەڭىستىگىن پايدالانۋ اياسىنداعى قىزمەتتى ليتسەنزيالاۋ
جەكە جانە زاڭدى تۇلعالاردىڭ عارىش كەڭىستىگىن پايدالانۋ اياسىنداعى قىزمەتى قازاقستان رەسپۋبليكاسىنىڭ ليتسەنزيالاۋ تۋرالى زاڭناماسىنا سايكەس بەرىلەتىن ليتسەنزيانىڭ نەگىزىندە جۇزەگە اسىرىلادى.
14-باپ. عارىش قىزمەتى سالاسىنداعى عىلىمي زەرتتەۋلەر
1. عارىش قىزمەتى سالاسىنداعى عىلىمي زەرتتەۋلەر عارىش قىزمەتىن عىلىمي سۇيەمەلدەۋدى قامتاماسىز ەتۋگە جانە عارىش تەحنيكاسى مەن تەحنولوگيالارىنىڭ جاڭا ۇلگىلەرىن ازىرلەۋگە باعىتتالعان ىرگەلى جانە قولدانبالى عىلىمي زەرتتەۋلەر مەن عارىشتىق ەكسپەريمەنتتەردى قامتيدى.
عارىش قىزمەتى سالاسىنداعى عىلىمي زەرتتەۋلەر عىلىم سالاسىنداعى ۋاكىلەتتى ورگان ۇيلەستىرەتىن عىلىمي, عىلىمي-تەحنيكالىق جوبالار مەن باعدارلامالار شەڭبەرىندە ورىندالادى. عىلىمي, عىلىمي-تەحنيكالىق جوبالار مەن باعدارلامالار عالىمدار, جوعارى بىلىكتى ماماندار مەن عىلىمي قىزمەتكەرلەر, قازاقستان رەسپۋبليكاسىنىڭ عىلىمي جانە قوعامدىق ۇيىمدارى, جوعارى وقۋ ورىندارى تارتىلا وتىرىپ, ۋاكىلەتتى ورگاننىڭ باسشىلىعىمەن ازىرلەنەدى جانە ىسكە اسىرىلادى.
2. عارىش تەحنيكاسى مەن تەحنولوگيالارىن ازىرلەۋ كەزىندە الىنعان زياتكەرلىك مەنشىك وبەكتىلەرىن قۇقىقتىق قورعاۋ قازاقستان رەسپۋبليكاسىنىڭ ازاماتتىق كودەكسىندە جانە قازاقستان رەسپۋبليكاسىنىڭ وزگە دە زاڭدارىندا ايقىندالاتىن تارتىپپەن جۇزەگە اسىرىلادى.
15-باپ. عارىش جۇيەلەرى مەن عارىش زىمىران كەشەندەرىن قۇرۋ
عارىش جۇيەلەرىن جانە عارىش زىمىران كەشەندەرىن قۇرۋ عارىش جۇيەلەرى مەن عارىش زىمىران كەشەندەرىنىڭ, ولاردىڭ قۇرامداس بولىكتەرىنىڭ عىلىمي ازىرلەمەلەرىن, ولاردى جوبالاۋدى, جاساۋدى, مونتاجداۋدى, سالۋدى, سىناقتان وتكىزۋدى, سونداي-اق پايدالانۋعا بەرۋدى قامتيدى.
16-باپ. عارىشتىق بايلانىس جۇيەسىن پايدالانۋ
1. عارىشتىق بايلانىس جۇيەسىن پايدالانۋدى رەتتەۋ ونى ءتيىمدى پايدالانۋعا باعىتتالعان قۇقىقتىق, ەكونوميكالىق, ۇيىمدىق جانە تەحنيكالىق شارالار كەشەنىن بىلدىرەدى.
2. عارىشتىق بايلانىس جۇيەسى جەكە جانە (نەمەسە) زاڭدى تۇلعالاردىڭ مۇقتاجى ءۇشىن عارىش اپپاراتتارى ترانسپوندەرلەرىن ۇسىنۋعا ارنالعان.
3. عارىشتىق بايلانىس جۇيەسىنىڭ ۇلتتىق وپەراتورى قازاقستان رەسپۋبليكاسىنىڭ ۇكىمەتى بەكىتەتىن تارتىپپەن عارىشتىق بايلانىس جۇيەسىن تەحنيكالىق پايدالانۋدى قامتاماسىز ەتەدى جانە جەكە جانە (نەمەسە) زاڭدى تۇلعالارعا عارىش اپپاراتتارى ترانسپوندەرلەرىن ۇسىنۋ قىزمەتتەرىن كورسەتەدى.
4. عارىشتىق بايلانىس جۇيەسىنىڭ ۇلتتىق وپەراتورى بايلانىس سالاسىنداعى ۋاكىلەتتى ورگانمەن كەلىسىم بويىنشا قازاقستان رەسپۋبليكاسىنان تىس جەردە ۇلتتىق عارىش اپپاراتتارى ترانسپوندەرلەرىن رەزەرۆكە قويۋ, سونداي-اق ۇلتتىق عارىش اپپاراتتارىنىڭ قامتۋ ايماقتارىن كەڭەيتۋ ماقساتىندا شەتەلدىك عارىشتىق بايلانىس وپەراتورلارىمەن ءوزارا ءىس-قيمىل جاسايدى.
17-باپ. جەردى قاشىقتىقتان زوندتاۋ عارىش جۇيەسىن پايدالانۋ
1. جەردى قاشىقتىقتان زوندتاۋ عارىش جۇيەسى عارىش تۇسىرىلىمدەرى ارقىلى عىلىمي, الەۋمەتتىك-ەكونوميكالىق, ەكولوگيالىق جانە قورعانىس مىندەتتەرىن شەشۋ ماقساتىندا جەر بەتى جانە جەر بەتى قۇرىلىمى تۋرالى كەڭىستىكتىك دەرەكتەردى جيناۋعا, جاراتىلىستىق تابيعي پارامەترلەر مەن قۇبىلىستاردىڭ, تابيعي رەسۋرستاردىڭ, قورشاعان ورتانىڭ, سونداي-اق انتروپوگەندىك فاكتورلار مەن تۇزىلىمدەردىڭ سيپاتتاماسىن جانە ۋاقىتشا قۇبىلمالىلىعىن سيپاتتاۋعا ارنالعان.
2. جەردى قاشىقتىقتان زوندتاۋ عارىش جۇيەسىنىڭ ۇلتتىق وپەراتورى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن عارىش تۇسىرىلىمدەرىن جوسپارلايدى, جەردى قاشىقتىقتان زوندتاۋ دەرەكتەرىن الادى, وڭدەيدى جانە جەكە جانە (نەمەسە) زاڭدى تۇلعالارعا, قازاقستان رەسپۋبليكاسىنىڭ مەملەكەتتىك ورگاندارىنا تاراتادى.
18-باپ. دالدىگى جوعارى سپۋتنيكتىك ناۆيگاتسيا جۇيەسىن پايدالانۋ
1. دالدىگى جوعارى سپۋتنيكتىك ناۆيگاتسيا جۇيەسى تۇتىنۋشىلارعا جاھاندىق ناۆيگاتسيالىق سپۋتنيكتىك جۇيەنىڭ تۇتاستىعى تۋرالى اقپارات, سونداي-اق كوورديناتتىق-ۋاقىتتىق پارامەترلەردى ايقىنداۋدىڭ دالدىگىن ارتتىرۋعا مۇمكىندىك بەرەتىن اقپارات ۇسىنۋعا ارنالعان.
2. دالدىگى جوعارى سپۋتنيكتىك ناۆيگاتسيا جۇيەسىنىڭ ۇلتتىق وپەراتورى قازاقستان رەسپۋبليكاسىنىڭ بۇكىل اۋماعىندا سپۋتنيكتىك ناۆيگاتسيالىق قىزمەتتەردى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن ۇسىنادى.
19-باپ. عارىش زىمىران كەشەندەرiن پايدالانۋ
1. عارىش زىمىران كەشەندەرi عارىش وبەكتىلەرىن عارىش كەڭىستىگىنە ۇشىرۋعا ارنالعان.
2. عارىش زىمىران كەشەندەرiن قولدانۋ ارقىلى عارىش وبەكتىلەرىن ۇشىرۋ قازاقستان رەسپۋبليكاسىنىڭ اۋماعىنان عارىش وبەكتىلەرىن ۇشىرۋ, سونداي-اق ونى ودان تىس جەرلەردە عارىش قىزمەتىنە قازاقستاندىق قاتىسۋشىلار جۇزەگە اسىراتىن جاعدايدا ۇشىرۋ تۋرالى شەشىمدەردى كەلىسۋ جانە قابىلداۋ تارتىبىنە سايكەس قابىلدانعان قازاقستان رەسپۋبليكاسى ۇكىمەتىنىڭ وڭ شەشىمى بولعان كەزدە جۇزەگە اسىرىلادى.
4-تاراۋ. عارىش ينفراقۇرىلىمى
20-باپ. قازاقستان رەسپۋبليكاسىنىڭ عارىش ينفراقۇرىلىمى وبەكتىلەرى
1. قازاقستان رەسپۋبليكاسىنىڭ عارىش ينفراقۇرىلىمى وبەكتىلەرى ونىڭ عارىش سالاسىنىڭ نەگiزiن قۇرايدى جانە:
1) جەرۇستi عارىش ينفراقۇرىلىمىنىڭ وبەكتiلەرiن;
2) عارىش وبەكتiلەرiن قامتيدى.
2. عارىش ينفراقۇرىلىمى وبەكتىلەرى ستراتەگيالىق وبەكتىلەر بولىپ تابىلادى.
21-باپ. جەرۇستi عارىش ينفراقۇرىلىمى وبەكتىلەرى
جەرۇستى عارىش ينفراقۇرىلىمى وبەكتىلەرىنە مىنالار جاتادى:
1) عارىش زەرتتەۋلەرىنىڭ عىلىمي-ەكسپەريمەنتتىك بازاسى;
2) عارىش قىزمەتىن قامتاماسىز ەتۋگە ارنالعان عارىش تەحنيكاسى مەن عارىش زىمىران كەشەندەرى ءوندىرىسىنىڭ قۇرالدارى;
3) عارىش ايلاقتارى;
4) تاسىمالداعىش زىمىرانداردان بولىنەتىن بولىكتەردىڭ قۇلاۋ اۋداندارى;
5) عارىش وبەكتىلەرىن باسقاراتىن جەرۇستى كەشەندەرى;
6) عارىش وبەكتىلەرىنەن اقپارات قابىلداۋعا, ونى وڭدەۋ مەن تاراتۋعا ارنالعان جەرۇستى نىسانالى كەشەندەر.
جەرۇستى عارىش ينفراقۇرىلىمى وبەكتىلەرىنىڭ ساقتالۋى جانە قاۋىپسىز پايدالانىلۋى ماقساتىندا, تاسىمالداعىش زىمىرانداردان بولىنەتىن بولشەكتەر قۇلايتىن اۋدانداردى قوسپاعاندا, كۇزەت ايماقتارى – سولاردىڭ شەگىندە ايماقتاردى بەلگىلەۋ ماقساتىمەن سىيىسپايتىن قىزمەتكە شەكتەۋ قويىلاتىن نەمەسە تىيىم سالىناتىن جەر ۋچاسكەلەرى بەلگىلەنەدى.
22-باپ. عارىش تەحنيكاسى ءوندىرىسىنىڭ قۇرالدارى
1. عارىش تەحنيكاسى ءوندiرiسiنiڭ قۇرالدارىنا عارىش تەحنيكاسىنىڭ ارنايى كونسترۋكتورلىق-تەحنولوگيالىق بيۋرولارى مەن قۇراستىرۋ-سىناۋ كەشەنi جاتادى.
2. قازاقستان رەسپۋبليكاسى ءۇشiن جاسالاتىن عارىش تەحنيكاسى ءوندiرiسiنە ارنالعان مەملەكەتتiك تاپسىرمالاردىڭ تiزبەسiن ۋاكiلەتتi ورگاننىڭ ۇسىنۋى بويىنشا قازاقستان رەسپۋبليكاسىنىڭ ۇكiمەتi بەكiتەدi.
23-باپ. «بايقوڭىر» عارىش ايلاعى
1. بايقوڭىر» عارىش ايلاعى عارىش ينفراقۇرىلىمىنىڭ قۇرامداس بولىگى بولىپ تابىلادى جانە وعان تەحنيكالىق, ۇشىرۋ, قوندىرۋ كەشەندەرى, عارىش وبەكتىلەرىن ۇشىرۋدى دايىنداۋعا جانە جۇزەگە اسىرۋعا ارنالعان جەر ۋچاسكەلەرى كىرەدى.
2. «بايقوڭىر» عارىش ايلاعى ستراتەگيالىق وبەكت بولىپ تابىلادى جانە جەكەشەلەندىرۋگە جاتپايتىن مۇلiكتiك كەشەندى بىلدىرەدى.
24-باپ. قازاقستان رەسپۋبليكاسىنىڭ عارىش وبەكتىلەرىن تاڭبالاۋ
عارىش كەڭىستىگىنە ۇشىرىلاتىن قازاقستان رەسپۋبليكاسىنىڭ عارىش وبەكتىلەرىندە ۋاكىلەتتى ورگان حالىقارالىق ستاندارتتارعا جانە قازاقستان رەسپۋبليكاسىنىڭ زاڭناماسىنا سايكەس ايقىندايتىن تاڭبالار بولۋعا ءتيىس.
25-باپ. عارىش وبەكتىلەرىن جانە تەحنيكالىق قۇرالداردى كادەگە جاراتۋ
پايدالانۋدان شىعارىلعان عارىش وبەكتىلەرى جانە تەحنيكالىق قۇرالدار قازاقستان رەسپۋبليكاسىنىڭ ۇكىمەتى جانە حالىقارالىق شارتتار ايقىندايتىن تارتىپپەن كادەگە جاراتىلۋعا جاتادى.
26-باپ. عارىش سالاسى وبەكتىسىن جالعا بەرۋ
عارىش سالاسى وبەكتىسىن عارىش قىزمەتىنىڭ حالىقارالىق نەمەسە شەتەلدىك قاتىسۋشىسىنا جالعا بەرۋ ءتارتىبى, ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وزگەشە كوزدەلمەسە, قازاقستان رەسپۋبليكاسىنىڭ زاڭناماسىمەن رەتتەلەدى.
5-تاراۋ. عارىش قىزمەتىنىڭ قاۋىپسىزدىگى
27-باپ. عارىش قىزمەتىنىڭ قاۋىپسىزدىگىن قامتاماسىز ەتۋ
1. عارىش قىزمەتى ادامدار دەنساۋلىعىنىڭ ساقتالۋى مەن قورشاعان ورتانىڭ قورعالۋى, جەكە جانە زاڭدى تۇلعالار مۇلكىنىڭ قورعالۋى قامتاماسىز ەتىلگەن جاعدايدا جۇزەگە اسىرىلادى.
عارىش قىزمەتىنىڭ قاۋىپسىزدىگىن ۋاكىلەتتى ورگان – بەلگىلەنگەن قاۋىپسىزدىك قاعيدالارىنا سايكەس, سونداي-اق باسقا دا مەملەكەتتىك ورگاندار قازاقستان رەسپۋبليكاسىنىڭ زاڭناماسىندا بەلگىلەنگەن قۇزىرەت شەگىندە قامتاماسىز ەتەدى.
2. عارىش قىزمەتىن جۇزەگە اسىرۋ سالدارىنان تۋىنداعان جەكە تۇلعالاردىڭ دەنساۋلىعىنا كەلتىرىلگەن زياندى, قورشاعان ورتاعا, جەكە جانە زاڭدى تۇلعالاردىڭ, مەملەكەتتىڭ مۇلكىنە كەلتىرىلگەن زالالدى وتەۋ ەرىكتى تۇردە نەمەسە قازاقستان رەسپۋبليكاسىنىڭ زاڭدارىنا سايكەس سوت شەشىمى بويىنشا جۇرگىزىلەدى.
زيان جابىرلەنۋشىنىڭ ەڭبەككە قابىلەتتىلىگىنەن ايىرىلۋ دارەجەسى, ونىڭ ەمدەلۋىنە جانە دەنساۋلىعىن قالپىنا كەلتىرۋگە جۇمسالاتىن شىعىندار, اۋرۋدىڭ كۇتىمىنە بايلانىستى شىعىندار ەسكەرىلە وتىرىپ, تولىق كولەمدە وتەلۋگە جاتادى.
3. عارىش وبەكتىسىن شتاتتىق ۇشىرۋ جۇرگىزىلگەنگە دەيىن عارىش قىزمەتىنە قاتىسۋشىلار قورشاعان ورتانى قورعاۋ سالاسىنداعى ۋاكىلەتتى ورگانعا تاسىمالداعىش زىمىراننان بولىنەتىن بولىكتەردىڭ قازاقستان رەسپۋبليكاسىنىڭ اۋماعىندا ورنالاسقان قۇلاۋ اۋداندارىنىڭ كوورديناتتارىن جولدايدى.
4. عارىش وبەكتىسىن ۇشىرۋدى جۇرگىزۋ سالدارىنان ادامدار نەمەسە جانۋارلار ءولىمى بولعان, سونداي-اق ازاماتتارعا جانە قورشاعان ورتاعا زالال كەلتىرىلگەن جاعدايدا, عارىش قىزمەتىنە قاتىسۋشىلار كەلتىرىلگەن زالالدى وسى باپتىڭ 2-تارماعىنا سايكەس وتەۋگە ءتيىس.
5. شەتەلدىك جەكە نەمەسە زاڭدى تۇلعاعا تيەسىلى عارىش وبەكتىسى قازاقستان رەسپۋبليكاسىنىڭ قورعانىس مينيسترلىگىمەن, تابيعي جانە تەحنوگەندىك سيپاتتاعى توتەنشە جاعدايلار, قورشاعان ورتانى قورعاۋ سالاسىنداعى ۋاكىلەتتى ورگاندارمەن الدىن الا كەلىسىلگەن جاعدايدا ونىڭ عارىش كەڭىستىگىنە شىعارىلۋى نەمەسە جەرگە قايتىپ ورالۋى پروتسەسىندە ول قازاقستان رەسپۋبليكاسىنىڭ اۋە كەڭىستىگى ارقىلى قاۋىپسىز ۇشىپ ءوتۋىن جۇزەگە اسىرا الادى.
28-باپ. عارىش قىزمەتىن جۇزەگە اسىرۋ كەزىندەگى اۆاريالاردى تەكسەرۋ
تەحنوگەندىك سيپاتتاعى توتەنشە جاعدايلاردىڭ تۋىنداۋىنا اكەپ سوققان اۆاريالار قازاقستان رەسپۋبليكاسىنىڭ تابيعي جانە تەحنوگەندىك سيپاتتاعى توتەنشە جاعدايلار سالاسىنداعى زاڭناماسىندا بەلگىلەنگەن تارتىپپەن تەكسەرىلۋگە جاتادى.
29-باپ. عارىش قىزمەتىنىڭ اسەرىنە ۇشىراعان قورشاعان ورتانى جانە وڭىرلەردەگى حالىق دەنساۋلىعىنىڭ جاي-كۇيىن ەكولوگيالىق باقىلاۋ
1. عارىش قىزمەتىن جۇزەگە اسىرۋ كەزىندە قورشاعان ورتا مەن تابيعي رەسۋرستاردىڭ مەملەكەتتىك مونيتورينگىن قورشاعان ورتانى قورعاۋ, جەر رەسۋرستارىن باسقارۋ سالاسىنداعى ۋاكىلەتتى مەملەكەتتىك ورگاندار قورشاعان ورتا مەن تابيعي رەسۋرستار مونيتورينگىنىڭ بىرىڭعاي مەملەكەتتىك جۇيەسى شەڭبەرىندە ارنايى ۋاكىلەتتىك بەرىلگەن مەملەكەتتىك ورگاندارمەن بىرلەسىپ جۇرگىزەدى.
2. عارىش قىزمەتىنە قاتىسۋشىلار قازاقستان رەسپۋبليكاسىنىڭ ەكولوگيالىق زاڭناماسىندا بەلگىلەنگەن تارتىپپەن قورشاعان ورتاعا وندىرىستىك ەكولوگيالىق باقىلاۋدى جۇزەگە اسىرۋعا مىندەتتى.
3. عارىش قىزمەتىن جۇزەگە اسىرۋ كەزىندە قورشاعان ورتانى قورعاۋ جانە حالىقتىڭ دەنساۋلىعىن ساقتاۋ سالاسىنداعى مەملەكەتتىك باقىلاۋدى قورشاعان ورتانى قورعاۋ جانە دەنساۋلىق caقتاۋ سالاسىنداعى ۋاكىلەتتى ورگاندار جۇزەگە اسىرادى.
4. قازاقستان رەسپۋبليكاسىنىڭ اۋماعىندا عارىش قىزمەتىن جۇزەگە اسىرۋعا بايلانىستى قورشاعان ورتانى قورعاۋ جانە توتەنشە جاعدايلار سالاسىنداعى اقپارات اشىق بولىپ تابىلادى, ول حابار تاراتۋ جانە بايلانىس جۇيەسىن پايدالانا وتىرىپ, بۇقارالىق اقپارات قۇرالدارى ارقىلى تاراتۋعا جاتادى.
30-باپ. عارىش قىزمەتىندەگى تىيىم سالۋلار مەن شەكتەۋلەر
1. عارىش قىزمەتىن جۇزەگە اسىرۋ كەزىندە:
1) ادامداردىڭ ءومىرى مەن دەنساۋلىعىنا تىكەلەي قاتەر توندىرۋگە;
2) جاپپاي قىرىپ-جويۋ قارۋىن وربيتاعا شىعارۋعا, عارىش كەڭىستىگىندە ورنالاستىرۋعا;
3) عارىش تەحنيكاسىن جانە (نەمەسە) اسپان دەنەلەرىن قورشاعان ورتاعا تەرىس اسەر ەتۋ ءۇشىن پايدالانۋعا;
4) عارىش كەڭىستىگىنىڭ لاستانۋى جونىندەگى حالىقارالىق نورمالار مەن ستاندارتتاردى بۇزۋعا تىيىم سالىنادى.
2. ادامداردىڭ ءومىرى مەن دەنساۋلىعىنا قاتەر توندىرىلگەن, قورشاعان ورتاعا ماتەريالدىق نۇقساندار نەمەسە زالال كەلتىرىلگەن كەزدە جەكەلەگەن جوبا شەڭبەرىندەگى عارىش قىزمەتى قازاقستان رەسپۋبليكاسىنىڭ ەكولوگيالىق زاڭناماسىنا سايكەس شەكتەلەدى نەمەسە وعان تىيىم سالىنادى.
6-تاراۋ. عارىشكەرلىككە كانديداتتىڭ, عارىشكەردىڭ قۇقىقتىق جاعدايى جانە ولاردى الەۋمەتتىك قامسىزداندىرۋ شارالارى
31-باپ. عارىشكەرلىككە كانديدات, عارىشكەر مارتەبەسى. عارىشكەرلىككە كانديداتتى, عارىشكەردى دايارلاۋ
1. عارىشكەرلىككە كانديدات, عارىشكەر مارتەبەسىن ۋاكىلەتتى ورگاننىڭ ۇسىنۋى بويىنشا قازاقستان رەسپۋبليكاسىنىڭ ۇكىمەتى بەرەدى.
2. عارىشكەرلەر قازاقستان رەسپۋبليكاسىنىڭ عارىشكەرلەر جاساعىن قالىپتاستىرادى. قازاقستان رەسپۋبليكاسىنىڭ عارىشكەرلەر جاساعى قازاقستان رەسپۋبليكاسىنىڭ عارىشكەرلەر جاساعى تۋرالى ەرەجە نەگىزىندە ارەكەت ەتەدى.
3. مەملەكەت عارىشكەرلىككە كانديداتتاردى, عارىشكەرلەردى دايارلاۋدى, قايتا دايارلاۋدى قامتاماسىز ەتەدى.
4. عارىشكەردىڭ عارىشقا ۇشۋعا دايارلىعى جانە ونى ورىنداۋى عارىش قىزمەتىنە ءتيىستى قاتىسۋشىمەن (عارىشقا ۇشۋ جۇزەگە اسىرىلعان جاعدايدا ۇشۋ-عارىشتىق سىناۋلاردى جانە (نەمەسە) عىلىمي زەرتتەۋلەر مەن ەكسپەريمەنتتەردى جۇرگىزەتىن تاپسىرىس بەرۋشىمەن) جاسالاتىن كەلىسىمشارت نەگىزىندە جۇزەگە اسىرىلادى, وندا تاراپتاردىڭ مىندەتتەمەلەرى ايقىندالادى.
5. عارىشكەرلىككە كانديداتتىڭ, عارىشكەردىڭ دايارلىقتا, قايتا دايارلىقتا بولعان ۋاقىتى, سونداي-اق ونىڭ عارىش قىزمەتى سالاسىنداعى جۇمىس ۋاقىتى عارىشكەرلىككە كانديداتتىڭ, عارىشكەردىڭ جۇمىس وتىلىنە كىرەدى.
32-باپ. عارىشكەرلىككە كانديدات, عارىشكەر مەرتىككەن, اۋىرعان نەمەسە قازا تاپقان (قايتىس بولعان) جاعدايداعى كەپىلدىكتەر
1. قىزمەتتىك مىندەتتەرىن اتقارۋ كەزىندە العان جاراقاتىنىڭ, مەرتىگۋىنىڭ, اۋرۋىنىڭ سالدارىنان مۇگەدەكتىك بەلگىلەنگەن كەزدە عارىشكەرلىككە كانديداتقا, عارىشكەرگە بيۋدجەت قاراجاتى ەسەبىنەن:
1) ى توپتاعى مۇگەدەككە – 3000 ايلىق ەسەپتىك كورسەتكىش;
2) ىى توپتاعى مۇگەدەككە – 2000 ايلىق ەسەپتىك كورسەتكىش;
3) ىىى توپتاعى مۇگەدەككە – 1000 ايلىق ەسەپتىك كورسەتكىش مولشەرىندە بىرجولعى وتەماقى تولەنەدى.
2. عارىشكەرلىككە كانديدات, عارىشكەر قىزمەتتىك مىندەتتەرىن اتقارۋ كەزىندە قازا تاپقان (قايتىس بولعان) جاعدايدا, ونىڭ مۇراگەرلەرىنە بيۋدجەت قاراجاتى ەسەبىنەن 6000 ايلىق ەسەپتىك كورسەتكىش مولشەرىندە بىرجولعى وتەماقى تولەنەدى.
3. وسى باپتىڭ 1 نەمەسە 2-تارماقتارىندا كوزدەلگەن بىرجولعى وتەماقىنى تولەۋ قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جۇزەگە اسىرىلادى.
4. ەگەر عارىشكەرلىككە كانديداتتىڭ, عارىشكەردىڭ قازا تابۋى (قايتىس بولۋى), مەرتىگۋى نەمەسە اۋرۋى قىزمەتتىك مىندەتتەرىن اتقارۋعا بايلانىستى ەمەس ءمان-جايلارمەن بايلانىستى بولعاندىعى بەلگىلەنگەن تارتىپپەن دالەلدەنسە, بىرجولعى وتەماقى تولەنبەيدى.
5. عارىشكەرلىككە كانديدات, عارىشكەر قىزمەتتىك مىندەتتەرىن اتقارۋ كەزىندە قازا تاپقان (قايتىس بولعان) جاعدايدا, مەملەكەت اتالعان ادام قازا تاپقان (قايتىس بولعان) كۇننەن باستاپ التى اي وتكەن سوڭ قازا تاپقان (قايتىس بولعان) ادامنىڭ مۇراگەرلەرىنىڭ مەنشىگىنە مەملەكەتتىك تۇرعىن ءۇي قورىنان ءبىر تۇرعىن ءۇيدى ءبولىپ بەرۋدى نەمەسە عارىشكەرلىككە كانديداتقا, عارىشكەرگە بۇرىن بەرىلگەن قىزمەتتىك تۇرعىن ءۇيدى قازا تاپقان (قايتىس بولعان) ادامنىڭ مۇراگەرلەرىنىڭ مەنشىگىنە تەگىن بەرۋدى نە ەگەر عارىشكەرلىككە كانديداتقا, عارىشكەرگە بۇرىن بەرىلگەن قىزمەتتىك تۇرعىن ءۇي باسقا مەملەكەتتىڭ اۋماعىندا بولعان جاعدايدا, قازا تاپقان (قايتىس بولعان) ادامنىڭ مۇراگەرلەرىنىڭ قالاۋىنا
