جاڭا قور قۇرىلدى

بۇل قور كورپوراتيۆتى باسقا­رۋدىڭ الەمدىك دارەجەسىنە ساي قۇرىلىپ وتىر. ونىڭ تالاپتارى بويىنشا كومپانيالاردىڭ قا­يى­رىمدىلىق باعىتتاعى ىستەرى ا­شىق, جاۋاپتى جانە ەسەپ بەرە­تىندەي تەتىكتەر قۇرۋ ارقىلى ءال­ەۋمەتتىك جانە قايىرىمدىلىق جوبالاردى قارجىلاندىرۋداعى جۇمىستاردى رەتكە كەلتىرىپ وتىرادى. “سامۇرىق-قازىنا-استانا” قورى سپورتتى قولداۋ مەن ونى دامىتۋ, ەلىمىزدە ۇلكەن جەتىستىك­تەرگە جەتىپ جۇرگەن سپورت تۇرلەرى مەن بۇقارالىق سپورت تۇرلەرىن دامىتۋ سەكىلدى ماسەلەلەرگە ما­مانداندىرىلاتىن بولادى. سو­نىمەن بىرگە ونىڭ سپورتشىلار مەن باپكەرلەردى دايىنداپ, جو­عارى دارەجەدەگى سپورت ماماندا­رىن ەلگە تارتۋ جۇمىسىمەن دە اينالىسۋى كوزدەلىپ وتىر. جاقىندا كورپوراتيۆتى قور­دىڭ قامقورشىلار كەڭەسىنىڭ شەشىمىمەن ونىڭ باس ديرەكتورى بولىپ داۋلەت تۇرلىحانوۆ تا­عايىندالدى. بۇعان دەيىن پار­لامەنت ءماجىلىسىنىڭ دەپۋتاتى, تۋريزم جانە سپورت اگەنتتىگىنىڭ توراعاسى, سپورت ىستەرى جونىندەگى كوميتەت توراعاسى قىزمەتتەرىن ات­قارعان داۋلەت بولات ۇلى كەزىن­دە 10 جىلدان استام ۋاقىت بويى كسرو-نىڭ گرەك-ريم كۇرەسى جونىنەن ۇلتتىق قۇراماسىنىڭ ساپىندا كەڭەس وداعىنىڭ جەتى دۇركىن چەمپيونى, وليمپيا وي­ىندارىنىڭ جۇلدەگەرى, الەم چەم­پيونى, الەم كۋبوگىنىڭ يە­گە­رى, ازيا جانە قۇرلىقتىق باس­قا دا ويىنداردىڭ بىرنەشە ءدۇر­كىن چەمپيونى بولعان. ول كسرو-نىڭ ەڭبەگى سىڭگەن سپورت شە­بەرى. قا­زاقستاننىڭ جانە قىر­عىز­ستاننىڭ ەڭبەك سىڭىرگەن باپ­كەرى. قازاقستان رەسپۋبليكا­سى­نا ەڭ­بەگى سىڭگەن قايراتكەر. پرو­فەسسور, پەداگوگيكا عىلىم­دا­رى­نىڭ كانديداتى دەگەن ءدا­رەجەسى بار. سونداي-اق ول حالىق­ارالىق بوكس فەدەراتسياسى بيۋروسىنىڭ مۇشەسى. داستان كەنجالين. بەيجىڭدەگى حالىقارالىق فورۋم قىتاي استاناسىندا “جاھاندىق قارجى-ەكونوميكالىق داعدارىس جانە كاسىپوداقتاردىڭ ءرولى” دەگەن تاقىرىپتا حالىقارالىق فورۋم بولىپ ءوتتى, دەپ حابارلادى قر كاسىپوداقتار فەدەراتسياسىنىڭ ءباسپاسوز قىزمەتى. فورۋمعا افريكا, ازيا, ەۋروپا, لاتىن امەريكاسى ۇلتتىق كاسىپ­وداق­تارىنىڭ وكىلدەرى مەن كەيبىر وڭىرلىك جانە حالىقارالىق كاسىپ­وداقتار ۇيىمدارىنىڭ باسشىلىعى قاتىستى. فورۋمعا قاتىسۋشىلار كاسىپوداقتاردىڭ ءرولى, ولاردىڭ حالىقارالىق ىنتىماقتاستىقتاعى قىزمەتىن كۇشەيتۋ جانە داعدارىس سال­دارىن ەڭسەرۋدىڭ, جۇمىسشى­لاردى الەۋمەتتىك-ەكونوميكالىق قورعاۋدىڭ جولدارىن تالقىلادى. فورۋمدا قازاقستان رەسپۋبلي­كاسى كاسىپوداقتار فەدەراتسياسى­نىڭ توراعاسى سيازبەك مۇقاشەۆ ءسوز سويلەدى. ول فورۋمنىڭ قورى­تىن­دى قۇجاتىنا ۇسىنىس ەنگىزدى. ءسويتىپ, داعدارىستان كەيىنگى كەزەڭ­دە كاسىپوداقتار وزدەرىنىڭ ءۇش نەگىزگى مىندەتتەرىن ايقىندادى. ولار: تاۋ­ارلار مەن قىزمەت كورسەتۋلەرگە ودان ءارى باعانىڭ وسۋىنە جول بەر­مەۋ, جۇمىسشىلاردىڭ ەڭبەك­اقى­سىن تۇراقتاندىرۋ جانە جۇمىس كۇشىن بارىنشا قامتۋعا تىرىسۋ. كاسىپوداقتار  “سوسنوۆىي بورعا”  كەلدى كوكتەم ايىنىڭ العاشقى كۇن­دەرىندە  قازاقستان كاسىپوداقتارى­نىڭ بارلىعى  اراقاراعاي ورما­نىن­داعى “سوسنوۆىي بور” سانا­تو­ريى­نە جي­نال­دى. مۇندا ناۋرىزدىڭ  4-ىنە دەيىن قازاقستان كاسىپ­وداق­تارى فەدەراتسياسىنىڭ توراعاسى سيازبەك مۇقاشەۆتىڭ جەتەكشىلىگى­مەن “قازىرگى جاعدايداعى  اكتسيو­نەر­لىك قوعام مەن جاۋاپكەرشىلىگى شەكتەۋلى سەرىكتەستىكتەرى قىزمەتىنىڭ  وزەكتى ماسەلەلەرى.  2015 جىلعا دەيىنگى كە­زەڭگە ارنالعان  سانا­توري-كۋرورت, تۋريستىك جانە قوناق ءۇي كەشەندەرىن دامىتۋ باعدار­لا­ماسىن دايىنداۋ” اتتى سەمينار-كەڭەس وتۋدە. بۇل جيىنعا  ەلىمىزدىڭ بارلىق  شال­عايىنداعى كاسىپوداقتارعا قا­راستى ساۋىقتىرۋ ورىندارىنىڭ جەتەكشىلەرى, ولاردىڭ مەديتسينا ءجو­نىندەگى ورىنباسارلارى, ءتاجىري­بەلى دارىگەرلەر قاتىسۋدا. جي­نال­عاندار  ساۋىقتىرۋ-دەمالىس ورىن­دارىندا  مەديتسينالىق قىزمەتتىڭ ساپا­سىن كوتەرۋ, ەمدەۋدىڭ وزىق ادىستەرىن ەنگىزۋ جانە قارجى-شارۋاشىلىق قىزمەتتەر جونىندە تەرەڭ تالقىلاپ, پىكىر الماساتىن بولادى. سونىمەن قاتار سەمينار-كەڭەستە “كاسىپوداقتارعا قاراستى ساۋىقتىرۋ ورىندارى مەن قوناق ۇيلەرىنىڭ كوشباسشىلارى” اتتى بايقاۋ-كورمە وتەدى. د.اۋباكىروۆ, “سوسنوۆىي بور” جشس ديرەكتورى. قوستاناي. بارەكەلدى! بىلىكتى اكىم جەكە  بلوگپەن دە جۇمىس ىستەيدى جامبىل وبلىسى اكىمدىگىنىڭ رەسمي ساي­تىن­دا (www.zhambyl.kz)  وبلىس اكىمى قانات بو­زىمباەۆتىڭ جەكە بلوگى جۇمىس ىستەي باستادى. ونىڭ ەرەكشەلىگى سول كەز كەلگەن ادام وبلىس اكىمى اتقارىپ جاتقان جۇمىستارعا بايلانىستى سوڭعى جاڭالىقتاردى عانا ءبىلىپ قويماي, بلوگ “قوناقتارىنىڭ” سۇراقتارىمەن جانە ولارعا قاي­تارىلعان جاۋاپتارمەن دە تانىسا الادى. سونى­مەن بىرگە, وبلىس باسشىسىنا وزدەرىن تولعاندىرعان ساۋالدار مەن ۇسىنىستاردى جەت­كىزۋگە دە مۇمكىندىكتەرى بار. بلوگقا حابارلاسقان شۋ اۋدانىنىڭ تۇرعى­نى “ەندى وبلىس باسشىسى حالىققا, حالىق وبلىس باسشىسىنا جاقىنداي ءتۇستى” دەپ ريزا­لى­عىن بىلدىرسە, جۋالى اۋدانىنىڭ تۇرعىنى ە.ما­نا­شەۆ وبلىستاعى اۋىل شارۋاشىلىعى سا­لاسىن دا­مىتۋ جايىنداعى وي-پىكىرلەرىن اي­تىپ­تى. تا­راز­دىق س.امانبەكوۆ وبلىس ورتالىعىن­داعى قۇ­رىلىسى 30 جىلدان بەرى بىتپەي تۇرعان قوناق ءۇي مەن قالا سىرتىنداعى شالعاي قا­راسۋعا بارار جولداعى اسپالى كوپىر قۇرى­لى­سىنىڭ دا كەزىندە اياقسىز قالعانىن جەتكىزىپتى. بۇگىندە ينتەرنەت پەن ەلەكتروندى پوشتا قىز­مەتى حالىق اراسىندا كوپ پايدالانىلا باس­تا­دى. سوندىقتان جامبىلدىقتار وبلىس اكى­مى­نىڭ ءوز بلوگىنداعى: “مەن ءوزىمنىڭ جەكە بلو­گىم­دا سىزدەرمەن كەزدەسكەنىمە قۋانىشتىمىن.  بۇگىن, اقپاراتتىق تەحنولوگيا دامىعان كەزدە ءبىز, جەرگىلىكتى اتقارۋشى بيلىك, وسى ايماقتاعى ءاربىر تۇرعىننىڭ الەمدىك اقپاراتتىق كەڭىس­تىك­كە شىعۋىنا بارلىق جاعدايدى جاسايتىن بولا­مىز. وبلىس اكىمدىگىنىڭ رەسمي سايتىنىڭ كومەگى ارقىلى, ءبىزدىڭ ايماقتاعى  قوعامدىق-ساياسي جانە الەۋمەتتىك-ەكونوميكالىق جاعدايىمەن تانىساتىن بولاسىزدار. وسى بلوگتىڭ كومەگىمەن سىزدەر مەنىمەن تىكەلەي بايلانىسقا شىعىپ, ءوز سۇراقتارىڭىزدى ايتىپ, ويلارىڭىزبەن بولىسە الاسىزدار. كەز كەلگەن ءوتىنىش نازاردان تىس قالمايدى. بۇل بلوگتىڭ بىرىڭعاي اقپاراتتىق الاڭعا اينالاتىنى جانە قىزىقتى دا  ءتيىمدى بولاتىنا سەنەمىن”, دەگەن جۇرەكجاردى ءسوزىن وقىپ, “بارەكەلدى, بۇل دا ءجون ەكەن” دەپ وتىر. وبلىس اكىمىنىڭ وڭدى باستاماسى ەندى اۋداندار مەن قالا اكىمدەرى تاراپىنان دا قولداۋ تاپسا, نۇر ۇستىنە نۇر بولار ەدى. كوسەمالى ساتتىباي ۇلى. جامبىل وبلىسى. “جوعارى وقۋ ورنىنىڭ ۇزدىك وقىتۋشىسى” مەملەكەتتىك گرانتىن بيىل 200 ادام الدى سوڭعى بەس جىل كولەمىندە ۇكىمەت ۇزدىك وقىتۋشىلاردى قولداۋ ماقساتىندا قوماقتى قاراجات ءبولىپ كەلەدى. اتالمىش گرانتتى جەڭىپ العان ۇستازدار ماماندىقتارىنا قاتىستى كەلەلى ماقساتتارىن جۇزەگە اسىرا الادى. سونىمەن, قازاقستان ۇكىمەتىنىڭ 2005 جىلعى 24 تامىزداعى قاۋلىسىنا سايكەس “جوعارى وقۋ ورنىنىڭ ۇزدىك وقىتۋشىسى” مەملەكەتتىك گرانتىن تاپسىرۋ يگى داستۇرگە اينالىپ وتىر. بۇرىنعى گرانت يەلەرىن دە ارنايى كو­ميسسيا انىقتاعان. ەلىمىزدىڭ ەڭ جاڭاشىل دا ىزدەنىمپاز, شاكىرت تاربيەلەۋگە شى­عار­ماشىلىق تۇرعىدا قارايتىن وقىتۋشىلاردى انىقتاۋعا پارلامەنت ءماجىلىسى دەپۋتاتتارى, مينيس­تر­لىك­تەر مەن مەكەمەلەر, ءبىلىم بەرۋ سالاسىنىڭ جەتەكشى ماماندارى عالىمدار ارالاسىپ, تورەلىك ايتقان. جىل سايىن بۇل اتاقتى الۋعا تالپىنىپ, تىنباي ىزدەنە باستاعان وقىتۋشىلاردىڭ قاتارى كوبەيىپ كەلە جاتقانىن اڭعارۋ قيىن ەمەس. بيىلعى “جوو وقۋ ورنىنىڭ ۇزدىك وقى­تۋ­شىسى” بايقاۋىنا 93 جوعارى وقۋ ور­نى­نان 840 ۇمىتكەر قۇجات تاپسىرسا, 2005 جىلى – 431 ادام, 2006 جىلى – 902 ادام, 2007 جىلى – 828 ادام, وتكەن جىلى 955 ادام باعىن سىناعان ەكەن. دەگەنمەن, بايقاۋعا قاتىسىپ, باعىن سىناعىلارى كەلگەندەر كوبەيگەنىمەن, باي­قاۋ­دىڭ دا ەرەجەلەرى كۇردەلەنە تۇسۋدە. سونىمەن “جوو ۇزدىك وقىتۋشىسى” اتا­عىنا كىمدەر لايىقتى؟ ەڭ الدىمەن ۇزدىك وقى­تۋشى قولدانبالى عىلىمي-زەرتتەۋلەرمەن, حا­لىقارالىق عىلىمي جوبالارعا قاتىسۋى, ءۇي­رە­نۋشىلەردىڭ عىلىمي جۇمىسىنا (سونىڭ ءىش­ىندە ستۋدەنتتەردىڭ عىلىمي-زەرتتەۋ جۇ­مىس­تارى مەن شىعارماشىلىق جۇمىستارىنا جەتەكشىلىك جاساۋ), وقۋلىقتار مەن وقۋ قۇ­رال­دارىنا, وقۋ-ادىستەمەلىك كەشەندەر ازىرلەۋ مەن باسىپ شىعارۋعا قاتىسۋى, زاماناۋي پە­داگوگيكالىق تەحنولوگيالاردى ەنگىزۋ جانە پاي­دالانۋى, ستۋدەنتتەردىڭ وقىتۋشىنى پە­داگوگيكالىق شەبەرلىگىن باعالاۋى, ۇمىتكەردىڭ تاجىريبەدەن شەتەلدە ءوتۋدى جوسپارلاۋى سياقتى جەتىستىكتەرى ارقىلى باعالانادى. وتكەن سەنبى كۇنى ءبىلىم جانە عىلىم ءمينيسترى جانسەيىت تۇيمەباەۆ ەلىمىزدىڭ 200 ۇزدىك وقىتۋشىسىنا مەلەكەتتىك گرانتىن تابىستادى. ايناش ەسالي, الماتى.