ايماقتار • 05 قاڭتار, 2019

وسكەمەندەگى دۇكەن سورەلەرىنەن ساپاسىز تاماق ونىمدەرى انىقتالدى

506 رەت
كورسەتىلدى
1 مين
وقۋ ءۇشىن

شىعىس قازاقستان وبلىسىنا شەتەلدەن اكەلىنەتىن 289 ءونىم ەلىمىزدىڭ تەحنيكالىق رەگلامەنت تالاپتارىنا ساي ەمەس. بۇل تۋرالى وڭىردەگى قوعامدىق دەنساۋلىق ساقتاۋ دەپارتامەنتىنىڭ وكىلدەرى مالىمدەدى, دەپ حابارلادى حابار24.kz.

وسكەمەندەگى دۇكەن سورەلەرىنەن ساپاسىز تاماق ونىمدەرى انىقتالدى

تالاپ ۇدەسىنەن شىقپايتىن ازىق-ت ۇلىكتىڭ كوپشىلىگى رەسەي, وزبەكستان, قىرعىزستان, تۇركيا سىندى ەلدەردەن جەتكىزىلگەن.

ماماندار ەت, ءسۇت, بالىق, شۇجىق جانە شىرىن تۇرلەرىنە ساراپتاما جۇرگىزگەن. ماسەلەن, ءسۇت قۇرامى 4 پايىز مايلىلىقتى كورسەتسە, تەكسەرە كەلە بۇل كورسەتكىشتىڭ 3 پايىزدان دا تومەن ەكەنى انىقتالدى. ال شىرىن تۇرلەرىندە 1 ليتر سۋسىننان ءتيىستى مولشەردەن ارتىق نيتراتتار تابىلعان. وسىلايشا ساپاسىز ونىمدەردى ساۋدالاعانى ءۇشىن 170 كاسىپكەر اكىمشىلىك جاۋاپقا تارتىلدى.

«ازىق ت ۇلىك قاۋىپسىزدىگى مونتيرينگىسىن جۇرگىزۋ بارىسىندا 527 ساۋدا ورنىن قاراپ شىقتىق. ول جەردەگى ونىمدەردەن 5833 سىناما الىندى. ناتيجەسىندە بارلىعىندا دا تالاپتاردىڭ ساقتالماعانى بەلگىلى بولدى»,-دەدى شقو قوعامدىق دەنساۋلىق ساقتاۋ دەپارتامەنتىنىڭ ءبولىم باسشىسى الەنا كراۆچەنكو.

سوڭعى جاڭالىقتار