قر پرەزيدەنتى ن.نازارباەۆتىڭ 2018 جىلعى 19 ماۋسىمداعى جارلىعىمەن شىمكەنت قالاسى رەسپۋبليكالىق ماڭىزى بار قالا مارتەبەسىن الىپ, اكىمشىلىك ورتالىعى تۇركىستان قالاسى بولعان تۇركىستان وبلىسى قۇرىلدى.
«تۇركىستان -شىمكەنت» باعىتىنداعى جۇردەك پويىز اپتاسىنا ەكى رەت - دۇيسەنبى جانە جۇما كۇندەرى جۇرەدى. جولداعى ۋاقىتى - 2 ساعات 15 مينۋت. پويىزداعى جالپى ورىن سانى - 175. ۆاگوندار زاماناۋي جىلىتۋ جانە سالقىنداتۋ جۇيەلەرىمەن جابدىقتالعان. سونداي-اق ارباداعى مۇگەدەكتەرگە ارنالعان كوتەرگىش قۇرىلعىلار مەن ارنايى ورىندار بار. جولاقىسى 609 تەڭگەنى قۇرايدى.
سونداي-اق اتاپ وتىلگەندەي, بيىلدىن باستاپ «قالاماڭى تاسىمالى» اق اپتاسىنا 5 رەت قاتىنايتىن الەۋمەتتىك ماڭىزى بار «تۇركىستان-بادام» جانە «تۇركىستان-سارىاعاش» باعىتتارىن ىسكە قوستى.
«تۇركىستان-بادام» پويىزىنىڭ جولداعى ۋاقىتى 3 ساعاتتى قۇرايدى جانە كومپانيا بۇل باعىتتى شىمكەنت قالاسىنا دەيىن ۇزارتۋدى جوسپارلاۋدا.
«تۇركىستان-سارىاعاش» باعىتى جاڭا اكىمشىلىك ورتالىقتى وبلىستىڭ وڭتۇستىك اۋداندارىمەن بايلانىستىرادى. جولداعى ۋاقىت - 5 ساعات 20 مينۋت.
بۇدان بولەك, «الماتى-تۇركىستان» پويىزى قاتىناي باستادى. «ۇلتتىق تاسىمالداۋشى ءوز جولاۋشىلارىنا بارشا قولايلى جاعداي جاساپ, جاڭا باعىتتار سانىن جىل سايىن ۇلعايتۋدى كوزدەيدى», - دەلىنگەن ءباسپاسوز حابارلاماسىندا.
