4 قاڭتار كۇنى عانا پوليگونعا 151,71 توننا ءتۇرلى قالدىقتار شىعارىلدى. وعان 12 قوقىس تاسىعىش تەحنيكا, 8 كاماز, 4 جۇك سالاتىن كولىك جۇمىلدىرىلدى. «سەمەي» مقك-نان قوقىس شىعارۋعا 30-دان استام ادام قاتىستى.«بۇل باعىتتاعى جۇمىستار جالعاسا بەرەدى»,-دەدى اكىمدىك وكىلدەرى.
ايتا كەتەتىن ماسەلە, 2019 جىلدىڭ 1-ءشى قاڭتارىنان باستاپ, پوليگوندا الدىمەن وڭدەلمەگەن قالدىقتاردى تاستاۋعا تىيىم سالاتىن ەكولوگيالىق كودەكس نورمالارى كۇشىنە ەنەدى. بۇل دەگەنىڭىز قىزمەت كورسەتۋشى قوقىستى سۇرىپتاپ, بولماسا ونى سۇرىپتاۋ جونىندە فيرمامەن كەلىسىمشارت جاساپ, GPS ارقىلى كولىكتىڭ قوزعالىسىن باقىلاپ وتىرۋى قاجەت دەگەندى بىلدىرەدى. الايدا بيلىك تاراپىنان بىرنەشە مارتە ەسكەرتىلىپ, تالقىلاۋلار وتكەندىگىنە قاراماستان قاتتى تۇرمىستىق قالدىقتاردى تاسىمالداۋشى كاسىپورىندار دايىندىق جۇمىستارىن جۇرگىزبەگەن. ال پوليگون باسشىلىعىنىڭ سۇرىپتالماعان قوقىستى قابىلداۋعا قۇقى جوق. وسىلايشا, ءوز جۇمىستارىن تالاپقا ساي اتقارا المايتىن ۇيىمداردىڭ كەسىرىنەن قوقىستاردى شىعارۋ جۇمىستارى توقتاتىلدى. قالا اكىمى ەرماك ساليموۆ تالاپقا ساي قىزمەت كورسەتە المايتىن ۇيىمداردىڭ قوقىستارىن شىعارىپ تاستاپ, جاعدايدى باقىلاۋدا ۇستاۋدى مىندەتتەدى. ء«تيىستى زاڭناما تالاپتارىن ساقتاي المايتىن فيرمالار بۇل جۇمىسپەن اينالىسپايدى»,-دەدى قالا باسشىسى.
