ا.دارمەنوۆ 1978 جىلى قوستاناي وبلىسىندا دۇنيەگە كەلگەن. قر ءىىم الماتى زاڭ ينستيتۋتىن, ءىىم اكادەمياسىنىڭ اديۋنتۋراسىن بىتىرگەن. زاڭ عىلىمدارىنىڭ كانديداتى. 2008 جىلى گەرمانياداعى دج.ك.مارشال اتىنداعى ەۋروپالىق قاۋىپسىزدىك ماسەلەلەرى جونىندەگى زەرتتەۋ ورتالىعىندا ءبىلىمىن جەتىلدىرىپ, 2012 جىلى «بولاشاق» باعدارلاماسىمەن ۇلىبريتانيانىڭ كەمبريدج ۋنيۆەرسيتەتىن اياقتاعان.
سونىمەن قاتار ونىڭ عىلىمي-وقىتۋشىلىق سالادا دا مول تاجىريبەسى بار. قاتارداعى تەرگەۋشى قىزمەتىنەن قر ءىىم كادرلىق ساياسات دەپارتامەنتىنىڭ باسشىسى قىزمەتىنە دەيىنگى لاۋازىم جولىنان وتكەن.
ال اكادەميانىڭ بۇعان دەيىنگى باستىعى پوليتسيا گەنەرال-مايورى د.كەنجەتاەۆ ىشكى ىستەر ورگاندارىنان بوساتىلدى.
ايتا كەتۋ كەرەك, جاڭا جىل مەرەكەسى قارساڭىندا الەۋمەتتىك جەلىدە پوليتسيا كيىمىندەگى قىزمەتكەردىڭ قۇتتىقتاۋى تارادى. قر ءىىم قاراعاندى اكادەمياسى ءبىرىنشى كۋرس باسشىسىنىڭ ورىنباسارى ا.تاستايبەكوۆ قۇتتىقتاۋ سوزىندە قىلمىس الەمىنىڭ ادامدارى ءجيى پايدالاناتىن سوزدەردى ايتقانى ءۇشىن جۇرتشىلىقتىڭ سىنىنا ۇشىراپ, ىلە-شالا قىزمەتىنەن قۋىلدى.
