ەكى ەلدىڭ سىرتقى ساياسي ۆەدومستۆولارىنىڭ باسشىلارى ەكىجاقتى جانە كوپجاقتى ىنتىماقتاستىقتىڭ كەڭ اۋقىمدى ماسەلەلەرىن, سونداي-اق ورتالىق ازيا ەلدەرى باسشىلارىنىڭ ەكىنشى جۇمىس (كونسۋلتاتيۆتىك) كەزدەسۋىنە دايىندىق جۇمىستارىن تالقىلادى.
وزبەك تاراپى ەكى باۋىرلاس حالىقتار اراسىنداعى رۋحاني ورتاقتىق پەن دوستىقتى ودان ءارى نىعايتۋعا ۇلكەن ۇلەس قوسقان قازاقستانداعى وزبەكستان جىلىن وتكىزۋگە قولعابىس كورسەتكەنى ءۇشىن قازاقستاندىق تاراپقا العىسىن ءبىلدىردى. سونىمەن قاتار, وزبەكستان ءسىم باسشىسى 2019 جىلى وزبەكستانداعى قازاقستان جىلى اياسىنداعى ءىس-شارالاردى وتكىزۋدە قاجەتتى كومەك كورسەتۋگە دايىن ەكەندىگىنە سەندىردى.
ا. كاميلوۆ قازاقستان رەسپۋبليكاسىنىڭ سىرتقى ىستەر ءمينيسترى ب. اتامقۇلوۆتى جاڭا لاۋازىمعا تاعايىندالۋىمەن قۇتتىقتاپ, كەز-كەلگەن قولايلى ۋاقىتتا تاشكەنتكە رەسمي ساپارمەن كەلىپ كەتۋگە شاقىردى.
سونداي-اق, مينيستر ب. اتامقۇلوۆ تاجىكستان رەسپۋبليكاسىنىڭ سىرتقى ىستەر ءمينيسترى سيرودجيددين مۋحريددينمەن تەلەفون ارقىلى سويلەستى.
تاراپتار قازاقستان-تاجىك قارىم-قاتىناستارىنىڭ اعىمداعى جاعدايى مەن پەرسپەكتيۆالارىن, سونداي-اق تاجىكستانداعى اوسشك بەسىنشى ءسامميتىن وتكىزۋ ماسەلەلەرىن تالقىلادى.
تاجىكستان ءسىم باسشىسى ب. اتامقۇلوۆتى سىرتقى ىستەر ءمينيسترى لاۋازىمىنا تاعايىندالۋىمەن قۇتتىقتاپ, جوعارى قىزمەت ورنىندا تابىستار تىلەدى.
