وبلىس ورتالىعىنداعى ب. احمەتوۆ اتىنداعى سول جىلدارداعى پەداگوگيكالىق ۋچيليششەسىندە 30 جىلداي ۇستاز بولسا, «ستۋدەنتتىك حالىق اسپاپتار وركەسترىنە جەتەكشىلىك ەتتى.
مەكتەپتىڭ باستاۋىش سىنىپتارىنا ارنالعان اۆتورلىق بالاما باعدارلاماسىن جاسادى, وسىنىڭ نەگىزىندە وقۋ ادىستەمەلىك قۇرالدار جازدى.
سونىمەن بىرگە «بالالارعا ارنالعان اندەر», «بالالارعا بازارلىق», «بالداۋرەن» اتتى ءان جيناقتارى مەن مۋزىكالىق-پوەزيالىق كىتاپتارى جارىققا شىقتى.
«بالاباقشا بالالارى جانە باستاۋىش سىنىپ وقۋشىلارىنا ارنالعان اندەر», CD ديسك, «قازاق حالقىنىڭ انشىلىك ءداستۇرى: سوزدىك, اۋدارما جانە تۇسىنىكتەر» اتتى جيناقتارى دا بار.
وبلىستىق «سارىارقا سامالى» گازەتىندە «كەل, حالايىق, دومبىرا ۇيرەنەيىك!» اتتى ساباقتار دا وتكىزدى.
اقىن اتامىز مۇزاففار الىمباەۆ, س.بايازيتوۆ, ق.سماعۇل, م.ءامىرجانوۆتاردىڭ ولەڭدەرىن تاڭداپ, بالالارعا ارنالعان 200-دەن استام ءان جازدى.
-مەكتەپتىڭ باستاۋىش سىنىپتارىنىڭ وقۋشىلارىنا, بالاباقشا بالالارىنا مۋزىكا ءپانىن وقىتۋ ارقىلى وتاندى سۇيۋگە, تۋعان جەرگە, ەلگە, جەرگە, تىلگە دەگەن پاتريوتتىق سەزىمدى وياتا الامىز. سول ءۇشىن دە بالالارعا ارنالعان اندەر كەرەك. قازىر اندەر جيناعىن كىتاپشاسىمەن CD ديسكىسىن پايدالانىپ, ء ان ۇيرەتكەن وتە ءتيىمدى بولار ەدى, دەيدى سازگەر نازىمبەك اعا.
نازىمبەك دۇكەنباي استاناداعى «شابىت» ۋنيۆەرسيتەتىندە قىزمەت ەتەتىن قىزىم گۇلجاناتپەن بىرلەسىپ «مۋزىكا پسيحولوگياسى», «مۋزىكالىق ءبىلىم بەرۋ تەورياسى» جانە «پەداگوگ-مۋزىكانتتىڭ ادىسنامالىق مادەنيەتى» دەگەن كىتاپتار جازىپ شىعاردى.
- كىتاپقا جازىلعان ءاننىڭ نوتاسىن, ءسوزىن كەلتىرەمىن. ءاربىر كىتاپ CD-ديسكىلەرمەن قوسا بەرىلەدى. جەرگىلىكتى سۋرەتشىلەردىڭ تۋىندىلارىن كىتاپقا بەرىلەدى, دەيدى سازگەر.
سونداي-اق, ۋنيۆەرسيتەت عالىمى سەرىك ەلىكبايمەن بىرلەسىپ «قازاق حاندىعى تاريحىنا» ارنالعان مۋزىكالىق-پوەزيالىق توپتاما جازىلدى.
بۇل كۇندەرى جەرگىلىكتى سازگەر مادەنيەت قايراتكەرى نازىمبەك دۇكەنباي اعامىز 70 جاسقا تولدى.
بۇكىل عۇمىرىن ء ان الەمىنە, بالالارعا جىگەرلى اۋەندى ءان سىيلاپ, ونەر ايدىنى-مۋزىكاعا ارنادى دەسە دە بولادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن دارحان ورازبەكوۆ
