سالتاناتتى شاراعا قر سىرتقى ىستەر ءمينيسترىنىڭ ورىنباسارى اسحات سىزدىقوۆ, وڭتۇستىك افريكانىڭ قازاقستانداعى ەلشىسى كيتۋمەتتسي سيپيلو تاندەكا مەتتيۋس, اباي اتىنداعى وپەرا جانە بالەت تەاترىنىڭ ديرەكتورى ايا قاليەۆا, ەۆرازيالىق مادەنيەت قورىنىڭ ۆيتسە-پرەزيدەنتى شىڭعىس قاناپيانوۆ, پ.چايكوۆسكي اتىنداعى الماتى مۋزىكا كوللەدجىنىڭ ديرەكتورى ءبىرجان حاسانعاليەۆ, ج. ەلەبەكوۆ اتىنداعى ەسترادا تسيرك كوللەدجىنىڭ ديرەكتورى داۋلەت دوسباتىروۆ, قازاقستان 8 وار قورىنىڭ ديرەكتورى دانيار ءشارىپ, قازاقستاندا تۇراتىن ءارى جۇمىس ىستەيتىن وار وكىلدەرى, بالەت ارداگەرلەرى قاتىستى.
سالاناتتى شارا بارىسىندا عىلىم ماگيسترى, تاريح ءپانىنىڭ وقىتۋشىسى ا.رايىمقۇلوۆا نەلسون ماندەلانىڭ قوعامدىق-ساياسي ومىرىنە قاتىستى بايانداما جاساسا, وڭتۇستىك افريكانىڭ قازاقستانداعى ەلشىسى كيتۋمەتتسي سيپيلو تاندەكا مەتتيۋس قۇتتىقتاۋ ءسوز سويلەدى. ودان كەيىن قر سىرتقى ىستەر ءمينيسترىنىڭ ورىنباسارى اسحات سىزدىقوۆ ەكى ەل ارسىنداعى ەكونوميكالىق-ساياسي جانە مەملەكەتتىك بايلانىستار تۋرالى ايتىپ وتسە, كەلەسىدە نەلسون ماندەلانىڭ ءومىرى مەن قىزمەتىنە قاتىستى فوتو جانە دەرەكتىفيلم كورسەتىلدى. سونداي-اق ديرەكتوردىڭ وقۋ-ادىستەمە بىرلەستىگى بويىنشا ورىنباسارى گۇلزارا قاناپيانوۆا ەلشى كيتۋمەتتسي سيپيلو تاندەكا مەتتيۋسكە 1993 جىلى تۇسىرىلگەن تاريحي سۋرەتتى تابىس ەتتى.
ەلۆيرا سەرىكقىزى,
«ەگەمەن قازاقستان»
الماتى
