مەملەكەت باسشىسىنىڭ تاپسىرمالارىن جۇزەگە اسىرۋدى ماقسات ەتە وتىرىپ, اشىلعان دەنە شىنىقتىرۋ كەشەندەرىنىڭ ماقساتى سالاۋاتتى ءومىر سالتىن ناسيحاتتاۋ, بۇقارالىق سپورت تۇرلەرىن دامىتۋ جانە جاستاردىڭ سپورتتىق شەبەرلىكتەرىن ارتتىرۋمەن قاتار اۋدان بويىنشا بۇقارالىق سپورتتىق ءىس-شارالارىنىڭ سپورتپەن شۇعىلدانۋشىلاردىڭ سانىن كوبەيتۋ, سپورتشىلارىمىزدىڭ وبلىستىق, رەسپۋبليكالىق جارىستارعا قاتىسۋىن قامتاماسىز ەتۋ بولىپ تابىلادى.
180 ورىنعا ارنالعان دەنە شىنىقتىرۋ-ساۋىقتىرۋ كەشەنىنىڭ نەگىزگى كورپۋسىندا جاتتىعۋ زالى, ءماجىلىس زالى, فۋنكتسيونالدىق جاتتىعۋلار, ويىن زالى, كۇرەس زالى, بوكس زالى, سونىمەن قاتار, تەرريتورياسىندا ۆولەيبول, باسكەتبول, فۋتبول سپورتتىق الاڭدارى, ستاديون جانە 400 ورىندىق كورەرمەن تريبۋناسى ورنالاسقان.
«المالى» بالالار مەن جاسوسپىرىمدەر سپورت مەكتەبىنە 56 شتات بەرىلگەن.
«المالىدا» سپورتتىڭ 15 تۇرىنەن بوكس, باسكەتبول, ۆولەيبول, گرەك-ريم, قازاقشا كۇرەس, ەركىن كۇرەس, جەڭىل اتلەتيكا, فۋتبول, گاندبول, تاەكۆوندو, كاراتە-دو, سامبو, جەكپە – جەك, ساداق اتۋ, تاي-بوكس وقۋ-جاتتىعۋ جۇمىستارى جۇرەدى. الداعى ۋاقىتتا 915 وقۋشى جاتتىعاتىن بولادى.
ەلۆيرا سەرىكقىزى,
«ەگەمەن قازاقستان»
الماتى
