بۇل – اقمارجان اقتاۋ قالاسىنىڭ اجارىن اسىرا تۇسەتىن «اق قالا مولل» ساۋدا ويىن-ساۋىقتىق كەشەنى. تاۋەلسىزدىك مەرەكەسى قارساڭىندا تۇساۋى كەسىلگەن 23 مىڭ شارشى مەتردى قۇرايتىن 5 قاباتتى عيماراتتا 17 مىڭ ساۋدا ورنى, گيپەرماركەت, فۋدكورت, بەس زالدى كينوتەاتر, 2 قاباتتى قامتيتىن 2,5 مىڭ شارشى مەترلىك بالالار پاركى جانە اۋماعى 350 شارشى مەترلىك بولاتىن قازاقستانداعى ەڭ ءىرى كونتاكتتى زووباق اشىلماق. جاڭا فورماتتاعى ساۋدا ويىن-ساۋىق ورتالىعىندا بيىكتىگى 23 مەتر بولاتىن سارقىراما ورناتىلادى. ساۋدا ورتالىعىندا 300 ورىندىق جەراستى اۆتوتۇراق بولادى.
عيماراتتىڭ اشىلۋى تۇرعىنداردىڭ جانە قالا قوناقتارىنىڭ قاتىسۋىمەن سالتاناتتى جاعدايدا اتاپ ءوتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
