تاۋەلسىزدىك كۇنىنە بايلانىستى ۇيىمداستىرىلعان شارالاردىڭ ءبىرى س.مۇقانوۆ اتىنداعى قازاق-سازدى دراما تەاترىنان باستاۋ الدى. ونەرسۇيەر قاۋىم تەاتر اكتەرلارىن باسقا قىرىنان تانىعانداي بولدى. ولار ساحنا تورىندە ءان ايتىپ, بي بيلەپ, ولەڭدەر وقىدى. وعان قوسا ەلباسىنىڭ سۇيىكتى اندەرى شىرقالىپ, «تاۋەلسىزدىك–بابالاردىڭ ارمانى» كونتسەرتتىك باعدارلاماسى مەرەكە شىرايىن اشا ءتۇستى.
«تاۋەلسىزدىك مەرەكەسى جىلدا ءوز مانىندە تويلانادى. قايىرىمدىلىق, تاعى باسقا اكتسيالار وتكىزەمىز. ارداگەرلەرگە, كوپ بالالى وتباسىلارعا, جەتىم بالالارعا قۇرمەت ءبىرىنشى كەزەكتە كورسەتىلەدى», دەيدى ترۋپپا جەتەكشىسى داۋرەن تويبازاروۆ.
تاريحي-ولكەتانۋ مۋزەيىندە جۇرتشىلىق «سولتۇستىك قازاقستان وبلىسى تاۋەلسىزدىك جىلدارىندا» اتتى كورمەنى تاماشالاسا, قاراساي باتىر ستاديونىندا دوپتى حوككەيدەن قازبەك بايبولوۆتى ەسكە الۋعا ارنالعان رەسپۋبليكالىق جارىس ءوتتى. پوگودين اتىنداعى ورىس دراما تەاترى «شوقان ءۋاليحانوۆ» تاريحي دراماسىن, وبلىستىق قۋىرشاق تەاترى «كۇمىس تۇياقشا» سپەكتاكلىن ۇسىندى.
وسى كۇنى «سيتي مولل» ساۋدا, ويىن- ساۋىق ورتالىعى ناعىز مەرەكەلىك الاڭعا اينالدى. ورتالىقتىڭ باسقارۋشىسى داريا شپاكوۆانىڭ ايتۋىنشا, تۇرعىندارعا ارناپ ويىن ساۋىقتىق باعدارلاماسى ۇسىنىلۋمەن قاتار باعالى سىيلىقتار ۇلەستىرىلدى. تاۋارلار مەن ازىق-ت ۇلىك ونىمدەرى ارزانداتىلعان باعامەن ساتىلدى.
اۋدانداردا بىرقاتار الەۋمەتتىك-مادەني نىساندار ىسكە قوسىلىپ, پايدالانۋعا بەرىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
