اتالمىش شاراعا جينالعان جۇرتشىلىقتى وبلىس اكىمى بەردىبەك ساپارباەۆ قۇتتىقتادى.
«تاۋەلسىزدىك كۇنى – ەلىمىزدىڭ ەڭ باستى مەرەكەسى. ءبىز, اعا ۇرپاق, تاۋەلسىزدىك قارساڭىندا ەلىمىزدىڭ ەكونوميكاسىنىڭ, سىرتقى بايلانىستارىنىڭ قانداي جاعدايدا بولعانىن جاقسى بىلەمىز. وسىنداي قيىن كەزەڭدەردە نۇرسۇلتان ءابىش ۇلى نازارباەۆ سەكىلدى ناعىز كوشباسشى كەرەك بولدى. وسىنشا قىسقا مەرزىم ىشىندە ەلباسىنىڭ دانا باسشىلىعىمەن قازاقستان ءتيىمدى جۇمىس جاسايتىن ەكونوميكالىق جۇيەنى قۇردى, الەمنىڭ باسەكەگە قابىلەتتى 50 ەلىنىڭ قاتارىنا ەندى جانە دامىعان 30 ەلدىڭ قاتارىندا بولۋعا ۇمتىلۋدا. ەڭ باستىسى - ءبىزدىڭ ەلىمىزدە الەمدىك قوعامداستىقتا لايىقتى ورىن الاتىن تۇراقتىلىق پەن ۇلتارالىق كەلىسىم بار», دەدى بەردىبەك ساپارباەۆ.
ءوڭىر باسشىسى وبلىستىڭ 72 تۇرعىنىنا مەملەكەتتىك ماراپاتتاردى سالتاناتتى تۇردە تابىس ەتتى.
ايتا كەتەيىك, اقتوبە وبلىسىندا 20 قاراشادا باستالعان تاۋەلسىزدىك كۇنىنە ارنالعان مەرەكەلىك ءىس-شارالار 17 جەلتوقسانعا دەيىن جالعاسادى. بۇل كۇندەرى وبلىس بويىنشا 250 مىڭعا جۋىق ادامدى قامتيتىن 400-دەن استام اۋقىمدى مادەني-كوپشىلىك جانە الەۋمەتتىك ماڭىزى بار ءىس-شارالار وتەدى.
سونداي - اق وسى كەزەڭدە وبلىس بويىنشا 32 جاڭا وندىرىستىك جانە الەۋمەتتىك نىساندار – بەس كوپقاباتتى تۇرعىن ءۇي, ەلدى مەكەندەردى گازبەن جانە سۋمەن جابدىقتايتىن ءتورت نىسان, وڭالتۋ ورتالىعى, ءۇش مەديتسينالىق پۋنكت, بەس بالاباقشا, ەكى مەكتەپ جانە ت. ب. اشىلادى.
اقتوبەدە باتىس وڭىردەگى العاشقى زاماناۋي اقپاراتتىق تەحنولوگيالاردى تەرەڭدەتىپ وقىتاتىن مەكتەپ-ليتسەيدىڭ اشىلۋ سالتاناتى ءوتتى. يننوۆاتسيالىق وقۋ ورنىنا قوعام جانە ساياسي قايراتكەر, قازاقستاننىڭ حالىق جازۋشىسى ءابىش كەكىلباەۆتىڭ ەسىمى بەرىلدى. 900 ورىندىق IT-مەكتەپ-ليتسەيىنىڭ قۇرىلىسىنا, اباتتاندىرۋى مەن جابدىقتاۋعا شامامەن 1,6 ملرد.تەڭگە جۇمسالدى. 1-7-ءشى سىنىپ وقۋشىلارى اقپاراتتىق تەحنولوگيالار نەگىزدەرىن زەرتتەيتىن بولادى, ال 7-ءشى سىنىپتان باستاپ وقۋ باعدارلاماسىنا باعدارلامالاۋ تىلدەرىنىڭ ارنايى كۋرستارى, روبوت تەحنيكاسى مەن 3D-پرينتينگتى تەرەڭدەتىپ وقىتۋ ەنگىزىلەدى.
تەمىر قۇسايىن,
«ەگەمەن قازاقستان»
