قاتەر ءالى سەيىلگەن جوق

گازەتتىڭ كەشەگى نومىرىنە سۋىت جولداعان ماقالامىزدا جەتىسۋ جەرىنە جاۋعان مول جاڭبىر توڭى جىبىمەگەن جەرگە سىڭبەۋىنەن سەل قاۋپىن تۋعىز­عا­نىن جازعان ەدىك. قاتەر ءالى سەيىلگەن جوق. التى مىڭنان اس­تام ادام سەل قاۋپىنەن تىس جەرلەرگە كوشىرىلگەنىنىڭ ءوزى اپاتتىڭ اۋماعىن اڭعارتا الادى. كەشە وبلىس اكىمى س.ءۇم­بە­توۆ ىلە اۋدانىنداعى اقشي سەلوسىنا كەلىپ, جۇرتشىلىقپەن جينالىس وتكىزدى. توسىن تابي­عاتتىڭ اياق استىنان تۋىنداتقان قاتەرىنە وراي كەزەكتى ەڭبەك دەم­الىسىن ءۇزىپ, قيىندىقتا قالعان ەلدىڭ اراسىنا تەز جەتكەن سەرىك ابىكەن ۇلى حالىققا ات­قا­رىلىپ جاتقان جۇمىس جايىندا جۇيەلى اڭگىمەلەپ بەردى. سەل قاۋپى تونگەن جەرلەردەگى تۇرعىن­دار اعايىندارىنا, كورشىلەس ەلدى مەكەندەرگە, سونداي-اق اۋداندىق اۋرۋحاناعا ورنالاس­تىرىلعان. تاياۋ ارادا شاتىرلى قالاشىق ورناتىلادى. ازىق-ت ۇلىك جەدەل جەتكىزىلىپ جاتىر. ىلە اۋدانىنداعى گەولوگيالىق-بار­لاۋ پۋنكتىنىڭ عيماراتى قال­پىنا كەلتىرىلدى. بۇل جەرگە 300 ۇيىقتايتىن قاپشىق, 300 جي­نالمالى توسەك جەتكىزىلدى, 38 تون­نا بەنزين مەن 39 توننا ديزەل وتىنى بەرىلدى.   بوگەتتىڭ باس جاعىنان سۋدى شاقتاپ ءتو­مەنگە جىبەرۋ ۇيىمداستىرىلۋدا. وبلىستىڭ جامبىل, ەسكەلدى اۋداندارىندا, قاپشاعاي قالا­سىنىڭ ماڭايىندا دا وسىنداي سۋ قاتەرى بار. جامبىل اۋدانىن­دا ەرىگەن قار سۋى تارعاپ بوگە­تىنە قاراي جوڭكىلە اعىپ, بوگەتتى بۇزىپ كەتەتىندەي قاۋىپ ءتوندى. سوعان بايلانىستى تارعاپتىڭ تومەنگى جاعىندا تۇراتىن 200-دەي ادامدى كوشىرۋ جونىندە شە­شىم قابىلداندى. مۇندا سۋ ال­عان 50 ءۇيدىڭ 3-ىنە زاقىم كەلگەن, ءبىر ءۇي اپاتتى جاعدايدا تۇر. الماتى –  بىشكەك تاسجو­لى­نىڭ ءبىر ۋچاسكەسىن دە سۋ با­سىپ قالدى. قاپشاعاي – بال­قاش – قاروي اينالمالى جو­لىن­داعى جاعداي دا وسىنداي.  ءتو­تەنشە جاعدايدىڭ سالدارلا­رىن جويۋعا قولدا بار كۇش تو­لىق جۇمىلدىرىلۋدا. پانفيلوۆ, ۇيعىر اۋدان­دارى­نان جەتكەن حابار بويىن­شا, ونداعى سۋدىڭ دەڭگەيى ءبىر­شا­ما قالىپقا تۇسكەن, قاۋىپ ازاي­عان كورىنەدى. كۇمىسجان بايجان, الماتى وبلىسى.