الىپ ارەنا
بۇگىن دۇنيە ءجۇزى بويىنشا الىپ سپورت ارەنالارىنىڭ ءبىرى سانالاتىن لوندون قالاسىنداعى وليمپيالىق ستاديوننىڭ قۇرىلىسىنىڭ ءبىتكەنىنە ءبىر جىل تولادى.
ءدال وسى كۇنى, 2011 جىلى ونىڭ اشىلۋ سالتاناتى ءوتىپ, وعان وليمپيادانى ۇيىمداستىرۋ كوميتەتىنىڭ توراعاسى سەباستيان كوۋ, ۇلىبريتانيانىڭ وليمپيا ويىندارى ىستەرى جونىندەگى ءمينيسترى تەسسا دجوۋەلل سياقتى لاۋازىم يەلەرى قاتىسىپ, ستاديونعا اق باتالارىن بەرگەن بولاتىن. سودان بەرى ول قايتا كۇردەلى جوندەۋدەن وتكەن اتاقتى «ۋەمبلي», «ارسەنال» فۋتبول كلۋبىنىڭ Emirates stadium جانە تۆيكەنحەمدەگى رەگبي ستاديونى سياقتى تۇماندى البيون حالقىنىڭ بۇكىل الەمگە ماقتانا الاتىن سپورت ارەنالارىنىڭ ءبىرى بولىپ كەلەدى.
بۇگىن دۇنيە ءجۇزى بويىنشا الىپ سپورت ارەنالارىنىڭ ءبىرى سانالاتىن لوندون قالاسىنداعى وليمپيالىق ستاديوننىڭ قۇرىلىسىنىڭ ءبىتكەنىنە ءبىر جىل تولادى.
ءدال وسى كۇنى, 2011 جىلى ونىڭ اشىلۋ سالتاناتى ءوتىپ, وعان وليمپيادانى ۇيىمداستىرۋ كوميتەتىنىڭ توراعاسى سەباستيان كوۋ, ۇلىبريتانيانىڭ وليمپيا ويىندارى ىستەرى جونىندەگى ءمينيسترى تەسسا دجوۋەلل سياقتى لاۋازىم يەلەرى قاتىسىپ, ستاديونعا اق باتالارىن بەرگەن بولاتىن. سودان بەرى ول قايتا كۇردەلى جوندەۋدەن وتكەن اتاقتى «ۋەمبلي», «ارسەنال» فۋتبول كلۋبىنىڭ Emirates stadium جانە تۆيكەنحەمدەگى رەگبي ستاديونى سياقتى تۇماندى البيون حالقىنىڭ بۇكىل الەمگە ماقتانا الاتىن سپورت ارەنالارىنىڭ ءبىرى بولىپ كەلەدى.
جاڭا ستاديون لوندوننىڭ ستراتفورد اۋدانىندا ورنالاسقان. ونى سالۋ ءۇشىن سول جەردە تۇرعان 33 عيمارات بۇزىلىپ, 800 000 توننا قۇم توسەلگەن ەكەن. ال ستاديوننىڭ قۇرىلىسى 2008 جىلدىڭ مامىر ايىندا باستالىپ, 3 جىلدان كەيىن بىتكەن. وليمپيادانى ۇيىمداستىرۋ كوميتەتى 3 جىلعا جەتەر-جەتپەس ۋاقىتتا سالىنعان ستاديوننىڭ قۇرىلىسىنا ءالى كۇنگە دەيىن وزدەرى تاڭدانىستارىن جاسىرمايدى ەكەن.
ستاديوننىڭ قۇرىلىسىنا جۇمسالعان قارجىعا كەلسەك, ول 270 ملن. فۋنت ستەرلينگ نەمەسە 836 ملن. اقش دوللارىن قۇرايدى. قۇرىلىسقا بارلىعى 5 000-نان استام ادام قاتىسقان. ال سپورت ارەناسىنىڭ ءوزى 80 000 ادامعا ارنالعان. بۇل جەردە فۋتبول, جەڭىل اتلەتيكا مەن باسقا دا سپورت تۇرلەرىنەن جارىستار وتكىزۋگە بولادى. ەڭ باستىسى, ستاديوندا بيىلعى وليمپيا ويىندارىنىڭ اشىلۋ جانە جابىلۋ سالتاناتى وتەدى.
